XXX

XXII.

Sum quidem & ego mortalis homo.

Sap. vii.

Ie porte le sainct sacrement
Cuidant le mourant secourir,
Qui mortel suis pareillement.
Et comme luy me fault mourir.

XXIII.

Sedentes in tenebris, & in vmbra mortis, vinctos in mendicitate.

Psal. cvi.

Toy qui n'as soucy, ny remord
Sinon de ta mendicité,
Tu fierras a l'umbre de Mort
Pour t'ouster de necessité.

XXIV.

Est via quæ videtur homini iusta: nouissima autem eius deducunt hominem ad mortem.

Prover. iiii.

Telle uoye aux humains est bonne,
Et a l'homme tresiuste semble.
Mais la fin d'elle a l'homme donne,
La Mort, qui tous pecheurs assemble.

XXV.

Melior est mors quàm vita.

Eccle. xxx.

En peine ay uescu longuement
Tant que nay plus de uiure enuie,
Mais bien ie croy certainement,
Meilleure la Mort que la uie.

XXVI.

Medice, cura teipsum.

Lvcæ iiii.

Tu congnoys bien la maladie
Pour le patient secourir,
Et si ne scais teste estourdie,
Le mal dont tu deburas mourir.

XXVII.

Indica mihi si nosti omnia. Sciebas quòd nasciturus esses, & numerum dierum tuorum noueras?

Iob xxviii.

Tu dis par Amphibologie
Ce qu'aux aultres doibt aduenir.
Dy moy donc par Astrologie
Quand tu deburas a moy uenir?

XXVIII.

Stulte hac nocte repetunt animam tuam, & quæ parasti cuius erunt?

Lvcæ xii.

Ceste nuict la Mort te prendra,
Et demain seras enchassé.
Mais dy moy, fol, a qui uiendra
Le bien que tu as amassé?

XXIX.

Qui congregat thesauros mendacij vanus & excors est, & impingetur ad laqueos mortis.

Prover. xxi.

Vain est cil qui amassera
Grandz biens, & tresors pour mentir,
La Mort l'en fera repentir.
Car en ses lacz surpris sera.

Qui volunt diuites fieri incidunt in laqueum diaboli, & desideria multa, & nociua, quæ mergunt homines in interitum.

I. Ad Timo. vi.

Pour acquerir des biens mondains
Vous entrez en tentation,
Qui uous met es perilz soubdains,
Et uous maine a perdition.