XXXIX

XXXI.

Subito morientur, & in media nocte turbabuntur populi, & auferent violentum absqe manu.

Iob xxxiiii.

Peuples soubdain s'esleuront
A lencontre de l'inhumain,
Et le uiolent osteront
D'auec eulx sans force de main.

XXXII.

Quoniam cùm interiet non sumet secum omnia, neqe cum eo descẽdet gloria eius.

Psal. xlviii.

Auec soy rien n'emportera,
Mais qu'une foys la Mort le tombe,
Rien de sa gloire n'ostera,
Pour mettre auec soy en sa tombe.

XXXIII.

Spiritus meus attenuabitur, dies mei breuiabuntur, & solum mihi superest sepulchrum.

Iob xvii.

Mes esperitz sont attendriz,
Et ma uie s'en ua tout beau.
Las mes longziours sont amoindriz,
Plus ne me reste qu'un tombeau.

XXXIV.

Ducunt in bonis dies suos, & in puncto ad inferna descendunt.

Iob xxi.

En biens mõdains leurs iours despendẽt
En uoluptez, & en tristesse,
Puis soubdain aux Enfers descendent
Ou leur ioye passe en tristesse.

XXXV.

Me & te sola mors separabit.

Rvth. i.

Amour qui unyz nous faict uiure,
En foy noz cueurs preparera,
Qui long temps ne nous pourra suyure,
Car la Mort nous separera.

XXXVI.

De lectulo super quem ascendisti non descendes, sed morte morieris.

iiii. Reg. i.

Du lict sus lequel as monté
Ne descendras a ton plaisir.
Car Mort t'aura tantost dompté,
Et en brief te uiendra saisir.

XXXVII.

Venite ad me qui onerati estis.

Matth. xi.

Venez, & apres moy marchez
Vous qui estes par trop charge.
Cest assez suiuy les marchez:
Vous serez par moy decharge.

XXXVIII.

In sudore vultus tui vesceris pane tuo.

Gene. i.

A la sueur de ton uisaige
Tu gaigneras ta pauure uie.
Apres long trauail, & usaige,
Voicy la Mort qui te conuie.

Homo natus de muliere, breui viuens tempore repletur multis miserijs, qui quasi flos egreditur, & conteritur, & fugit velut vmbra.

Iob xiiii.

Tout homme de la femme yssant
Remply de misere, & d'encombre,
Ainsi que fleur tost finissant.
Sort & puis fuyt comme faict l'umbre.