XXI

XVII.

Ecce appropinquat hora.

Mat. xxvi.

Tu uas au choeur dire tes heures
Paiant Dieu pour toy, & ton proche.
Mais il fault ores que tu meures.
Voy tu pas l'heure qui approche?

XVIII.

Disperdam iudicem de medio eius.

Amos ii.

Du mylieu d'eulx uous osteray
Iuges corrumpus par presentz.
Point ne serez de Mort exemptz.
Car ailleurs uous transporteray.

XIX.

Callidus vidit malum, & abscõdit se innocens, pertransijt, & afflictus est damno.

Prover. xxii.

L'homme cault a ueu la malice
Pour l'innocent faire obliger,
Et puis par uoye de iustice
Est uenu le pauure affliger.

XX.

Qui obturat aurem suam ad clamorem pauperis, & ipse clamabit, & non exaudietur.

Prover. xxi.

Les riches conseillez tousiours,
Et aux pauures clouez l'oreille.
Vous crierez aux derniers iours,
Mais Dieu uous fera la pareille.

Væ qui dicitis malum bonum, & bonum malū, ponentes tenebras lucem, & lucem tenebras, ponentes amarum dulce, & dulce in amarum.

Isaiæ xv.

Mal pour uous qui ainsi osez
Le mal pour le bien nous blasmer,
Et le bien pour mal exposez,
Mettant auec le doulx l'amer.