A bathe or stewe so called

Ȝeff youre souerayne wille to þe bathe, his body to wasche clene,

hang shetis round about þe rooff; do thus as y meene;

euery shete full of flowres & herbis soote & grene,

and looke ye haue sponges .v. or vj. peroñ to sytte or lene:

looke þer be a gret sponge, þer-oñ youre souerayne to sytt;

þeroñ a shete, & so he may bathe hym̅ þere a fytte;

vndir his feete also a sponge, ȝiff þer be any to putt;

and alwey be sure of þe dur, & se þat he be shutt.

A basyñ full in youre hand of herbis hote & fresche,

& with a soft sponge in hand, his body þat ye wasche;

Rynse hym̅ with rose watur warme & feire vppoñ hym flasche,

þeñ lett hym̅ go to bed / but looke it be soote & nesche;

but furst sett oñ his sokkis, his slyppers oñ his feete,

þat he may go feyre to þe fyre, þere to take his fote shete,

þañ withe a clene clothe / to wype awey all wete;

thañ brynge hym̅ to his bed, his bales there to bete.”