Potages

[Fol. 178 b.]

Wortus with an henne / Cony / beef, or els añ haare,

Frumenty with venesoun / pesyñ with bakoñ, longe wortes not spare;

Growelle of force / Gravelle of beeff / or motoun, haue ye no care;

Gely, mortrows / creyme of almondes, þe mylke þer-of is good fare.

Iusselle, tartlett, cabages, & nombles of vennure,

alle þese potages ar good and sure

of oþer sewes & potages þat ar not made by nature,

alle Suche siropis sett a side youre heere to endure.

Now, soñ, y haue yow shewid somewhat of myne avise,

þe service of a flesche feest folowynge englondis gise;

Forgete ye not my loore / but looke ye bere good yȝes

vppoñ oþur connynge kervers: now haue y told yow twise.

THE SAUCES FOR DIFFERENT DISHES.