Lamentatio Urbis Norvicen

O lacrymosa lues nimis, O quam flebile fatum!
Ignibus exosis, urbs veneranda, ruis;
Fulmina sive Jovis sive ultima fata vocabant,
vulcani rapidis ignibus ipsa peris.
Ah decus, ah patriæ specie pulcherrima dudum!
Urbs Norvicensis labitur in cineres.
Urbs, tibi quid referam? breviter tibi pauca reponam:
Prospera rara manent, utere sorte tua;
Perpetuum mortale nihil, sors omnia versat:
Urbs miseranda, vale! sors miseranda tua est.

Skelton.