A Dinere of Fische

The Furst Course.

“Musclade or menows // with þe Samoun bellows// eles, lampurns in fere;

Pesoñ with þe purpose // ar good potage, as y suppose //

as fallethe for tyme of þe yere:
[Fol. 182.]

Bakeñ herynge // Sugre þeroñ strewynge //

grene myllewelle, deyntethe & not dere;

pike / lamprey / or Soolis // purpose rosted oñ coles //

gurnard / lampurnes bake / a leche, & a friture;

a semely sotelte folowynge evyñ þere.

A galaunt yonge mañ, a wanton wight,
pypynge & syngynge / lovynge & lyght,
Standynge oñ a clowd, Sanguineus he hight,

þe begynnynge of þe sesoñ þat cleped is ver.”

The second course.

“Dates in confyte // Iely red and white //

þis is good dewynge;

Congur, somoñ, dorray // In sirippe if þey lay //

with oþer disches in sewynge.

Brett / turbut / or halybut // Carpe, base / mylet, or trowt //

Cheveñ, breme / renewynge;

Ȝole / Eles, lampurnes / rost// a leche, a fryture, y make now bost //

þe second / sotelte sewynge.

A mañ of warre semynge he was,

A roughe, a red, angry syre,
An hasty mañ standynge in fyre,
As hoot as somer by his attyre;

his name was þeroñ, & cleped Estas.

3RD AND 4TH COURSES OF A FISH DINNER.

The thrid course.

Creme of almond Iardyne // & mameny // good & fyne //

Potage for þe .iijd seruyse.

Fresch sturgeñ / breme de mere // Perche in Iely / oryent & clere //

whelkes, menuse; þus we devise:

Shrympis / Fresch herynge bryled // pety perueis may not be exiled,

leche fryture, a tansey gyse //

The sotelte / a mañ with sikelle in his hande, In a ryvere of watur stande /

wrapped in wedes in a werysom wyse,

hauynge no deynteithe to daunce:

þe thrid age of mañ by liklynes;
hervist we clepe hym̅, fulle of werynes
ȝet þer folowythe mo þat we must dres,
regardes riche þat ar fulle of plesaunce.

The .iiij. course of frute.

[Fol. 182 b.]

Whot appuls & peres with sugre Candy,

Withe Gyngre columbyne, mynsed manerly,

Wafurs with ypocras.

Now þis fest is fynysched / for to make glad chere:

and þaughe so be þat þe vse & manere

not afore tyme be seyñ has,

Neuerthelese aftur my symple affeccioñ

y must conclude with þe fourth compleccioñ,

‘yemps’ þe cold terme of þe yere,

Wyntur / with his lokkys grey / febille & old,

Syttynge vppoñ þe stone / bothe hard & cold,

Nigard in hert & hevy of chere.

The furst Sotelte, as y said, ‘Sanguineus’ hight

[T]he furst age of mañ / Iocond & light,

þe springynge tyme clepe ‘ver.’

¶ The second course / ‘colericus’ by callynge,

Fulle of Fyghtynge / blasfemynge, & brallynge,

Fallynge at veryaunce with felow & fere.

¶ The thrid sotelte, y declare as y kan,

‘Autumpnus,’ þat is þe .iijd age of mañ,

With a flewische countenaunce.

¶ The iiijth countenaunce, as y seid before,

is wyntur with his lokkes hoore,

þe last age of mañ fulle of grevaunce.

These iiij. soteltees devised in towse,

wher þey byñ shewed in an howse,

hithe dothe gret plesaunce

with oþer sightes of gret Nowelte

þañ hañ be shewed in Rialle feestes of solempnyte,

A notable cost þe ordynaunce.

The superscripcioun of þe sutiltees aboue specified, here folowethe Versus

Sanguineus.

Largus, amans, hillaris, ridens, rubei que coloris,

Cantans, carnosus, satis audax, atque benignus.

¶ Estas

Colericus. [Fol. 183.]

Hirsutus, Fallax / irascens / prodigus, satis audax,

Astutus, gracilis / Siccus / crocei que coloris.

¶ Autumpnus

Fleumaticus.

Hic sompnolentus / piger, in sputamine multus,

Ebes hinc sensus / pinguis, facie color albus.

¶ yemps

Malencolicus.

Invidus et tristis / Cupidus / dextre que tenacis,

Non expers fraudis, timidus, lutei que coloris.

A FEST FOR A FRANKLEN.