Poeta Skelton Laureatus Libellum Suum Metrice Alloquitur

Ad dominum properato meum, mea pagina, Percy,
Qui Northumbrorum jura paterna gerit;
Ad nutum celebris tu prona repone leonis
Quæque suo patri tristia justa cano.
Ast ubi perlegit, dubiam sub mente volutet
Fortunam, cuncta quæ malefida rotat.
Qui leo sit felix, et Nestoris occupet annos;
Ad libitum, cujus ipse paratus ero.