Admonet Skeltonis Omnes Arbores Dare Locum Viridi Lauro Juxta Genus Suum

Fraxinus in silvis, altis in montibus ornus,
Populus in fluviis, abies, patulissima fagus,
Lenta salix, platanus, pinguis ficulnea ficus,
Glandifera et quercus, pirus, esculus, ardua pinus,
Balsamus exudans, oleaster, oliva Minervæ,
Juniperus, buxus, lentiscus cuspide lenta,
Botrigera et domino vitis gratissima Baccho,
Ilex et sterilis labrusca perosa colonis,
Mollibus exudans fragrantia thura Sabæis
Thus, redolens Arabis pariter notissima myrrha,
Et vos, O coryli fragiles, humilesque myricæ,
Et vos, O cedri redolentes, vos quoque myrti,
Arboris omne genus viridi concedite lauro!

Prennees en gre The Laurelle.