IX. John Paston Claimed as the King’s ‘Nativus.’—See p. 225.339.1

FROM THE FIRST ASSEMBLY BOOK OF THE CITY OF NORWICH (fol. 65).

[Assembly on Friday after the Epiphany, 5 Edw. IV.]

Eodem die publicata fuit per Maiorem et Recordatorem Civitatis causa adventus domini de Scales ad civitatem secunda vice infra xviijcim dies; est et fuit pro bonis et catallis Johannis Paston quem dominus Rex pro suo nativo seisivit, ad dicta bona et catalla in quorumcunque manibus comperta fuerint nomine domini Regis seisiend’, et mesuagium339.2 ipsius Johannis Paston infra Civitatem intrand’ et seisiend’ cum omnibus bonis et catallis in eodem inventis. Unde super et de materiis predictis per Recordatorem et Consilium legis peritorum Civitatis responsum fuit dicto domino de Scales omnibus viis modis et forma secundum eorum erudicionem prout poterunt (? potuerunt) pro libertate Civitatis salvand’ et custodiend’ illesa. Et quia materia predicta tangit libertatem Civitatis et privilegia, et dictus dominus de Scales per aliquod responsum ei factum non vult satisfieri, pro eo quod dictus dominus de Scales intendit omnino dictum mesuagium intrare et clausuras eiusdem frangere; Id circo presens communis congregacio summonita fuit, consilium et avisamentum communis Consilii et Constabulariorum339.3 Civitatis audire et inde habere. Post vero diversas communicaciones communicare petierunt deliberacionem; matura deliberatione habita sic est deffinitum, quod introitus factus erit per assensum totius communis congregacionis per feoffatores ipsius Johannis Paston, quia bene suppositum est quod tam certi Aldermanni quam Cives Communarii340.1 Civitatis sint cofeoffati cum ipso Johanne Paston; et sic per feoffatores dictum mesuagium erit apertum sine fractura vel ad minus nomine ipsorum feoffatorum vel feoffati unius.