VII

III.

Emisit eum Dominvs Devs de Paradiso voluptatis, vt operaretur terram de qua sumptus est.

Genesis iii.

DIEV chassa l'homme de plaisir
Pour uiure au labeur de ses mains:
Alors la Mort le uint saisir,
Et consequemment tous humains.

IV.

Maledicta terra in opere tuo, in laboribus comedes cunctis diebus vitæ tuæ, donec reuertaris, &c.

Genesis iii.

Mauldicte en ton labeur la terre.
En labeur ta uie useras,
Iusques que la Mort te soubterre.
Toy pouldre en pouldre tourneras.

V.

Væ væ væ habitantibus in terra.

Apocalypsis viii.

Cuncta in quibus spiraculum vitæ est, mortua sunt.

Genesis vii.

Malheureux qui uiuez au monde
Tousiours remplis d'aduersitez,
Pour quelque bien qui uous abonde,
Serez tous de Mort uisitez.

VI.

Moriatur sacerdos magnus.

Iosve xx.

Et episcopatum eius accipiat alter.

Psalmista cviii.

Qui te cuydes immortel estre
Par Mort seras tost depesché,
Et combien que tu soys grand prebstre,
Vng aultre aura ton Euesché.

Dispone domui tuæ, morieris enim tu, & non viues.

Isaiæ xxxviii.

Ibi morieris, & ibi erit currus gloriæ tuæ.

Isaiæ xxii.

De ta maison disposeras
Comme de ton bien transitoire,
Car là ou mort reposeras,
Seront les chariotz de ta gloire.