IV. Charter of Henry the Second

“Harleian Charter III B. 49, British Museum.... The document is in a French record hand, and the writer was evidently little versed in the insular script. He uses both þ and th, ƿ and w.”

H’ [þ]urh godes ȝefu ænglelandes king gret ealle mine bissceopas ⁊ ealle mine eorlas ⁊ ealle mine scirereuan ⁊ ealle mine þeinas frencisce ⁊ englisce · on þan sciran þe teobalt ercebisceop ⁊ se hiret æt xpistes chyrchen on Cantuarabirȝ habbad land inne freondlice ⁊ ic keþe eow þ̵ ic hebbe heom geunnon þ̵ hi beon ælc þare lande wurþa þe hi eafdon en Edwardes kinges deȝe · ⁊ on Willelmes kinges mines furþur ealdefader · ⁊ on Henrices kinges mines ealdefader · ⁊ saca ⁊ Socne · on strande ⁊ on Streame. On wudan · ⁊ on feldan · tolles ⁊ theames · grithbriches · ⁊ hamsocne · ⁊ forstalles · ⁊ infangenesthiafes · ⁊ fleamene frimtha · ofer heore agene men · binnan Burgan ⁊ butan · swa ful ⁊ swa ford swa mine agene Wicneres hit sechan scolden · ⁊ ofer swa fele þeinas swa ich heom to leten habban. And ic nelle þ̵ eni man enig þing þer on theo · butan hi ⁊ heara wicneras · þe hi hit bitechan · willað · ne frencisce ne englisce · for þan þingan þe ich habbe criste þas gerichtan forgifan minre Saule to echere alisendnesse ⁊ ic nelle geþauian þ̵ enig man þis abrece bi minan fullen frenscipan. God geau gehealde.