leaf Anonymi elegia ad Lec- torem

Candide Poliphilum narrantem somnia Lector
auscultes, summo somnia missa polo,

Non operam perdes, non hæc audisse pigebit,
tam varijs mirum rebus abundat opus.

Si grauis & tetricus contemnis erotica, rerum
nosce precor seriem tam bene dispositam.

Abnuis? ac saltem stylus & noua lingua novusq;
sermo grauis, sophia, se rogat aspicias.

Id quoq; sirenuis, geometrica cerne vetusta
plurima milliacis disce referta notis.

Hic sunt Pyramides, thermæ, ingentesq; Colossi,
ac Obeliscorum forma vetusta patet.

Hic diuersa basis fulget, variæque columnæ
illarumq; arcus, Zophora, epistilia,

Et capita atq; trabes, et cum quadrante coronæ
symmetria, & quicquid tecta superba facit.

Hic regum cernes exculta palatia, cultus
Nympharum, fontes, egregiasque epulas.

[v] Hinc bicolor chorea est latronum, expressaque tota
in Laberintheis vita hominum tenebris.

Hinc lege de triplici quæ maiestate tonantis
dicat, & in portis egerit ipse tribus.

Polia qua fuerit forma, quam culta, tryumphos
inde Iouis specta quatuor æthereos.

Hæc præter varios affectus narrat amoris,
atque opera & quantum sæuiat ille Deus.