Fornander collection of Hawaiian antiquities and folk-lore, Volume 2 (of 3) Papyras Classics

← Fornander collection of Hawaiian antiquities and folk-lore, Volume 2 (of 3)

Chapter 6

He Kaao no Puniakaia

Legend of Puniakaia.

Nuupia was the father and Halekou the mother of Puniakaia. The land of his birth was Kaneohe. The parents of Puniakaia were of the royal blood of Koolauloa and Koolaupoko. Puniakaia was a very handsome man and had not a single blemish from the top of his head to the bottom of his feet. He was erect, front and back, and so on the sides. While Puniakaia was living with his parents, a desire to go fishing came upon him, so he accompanied his mother to the beach and they went fishing. The kind of fish caught by them was the kind called pauhuuhu, but only one. This fish was brought home alive and was saved by Puniakaia; being fed and taken care of until it grew to be a very large fish; and to it was given the name of Uhumakaikai. This fish was the parent of all the fishes. After Puniakaia had brought up Uhumakaikai until it was full grown, he turned it into the ocean, free from all confinement.

O Nuupia ka makuakane, o Halekou ka makuahine, o Puniakaia ke keiki, o Kaneohe ka aina; he mau alii na makua o Puniakaia, no Koolauloa, a me Koolaupoko. He kanaka maikai loa o Puniakaia ke nana aku, aohe puu, aohe kee, he pali ke kua a me ke alo, pela na aoao.

Ia Puniakaia e noho ana me kona mau makua, makemake iho la ia e hele i kahakai e lawaia ai; ia ia i hele ai me kona makuahine me Halekou i ka lawaia, loaa iho la he pauhuuhu ka ia. O keia ia i loaa, hanai iho la o Puniakaia ia ia i ka wa uuku, a hiki i kona wa nui, a ua kapaia kona inoa o Uhumakaikai. Oia ka makua o na ia a pau loa. Ma keia hanai ana a Puniakaia ia Uhumakaikai, a nui, alaila, hookuu hou ia i ka moana e noho ai.

Some time after this a proclamation was issued calling everybody to go out fishing, and amongst those who obeyed the call was Puniakaia. When the fishermen arrived at the fishing place, Puniakaia called upon Uhumakaikai in the following manner:

A mahope, kukala ia na mea a pau e hele i ka lawaia, a ma keia hele ana, o Puniakaia kekahi i hele, a hiki lakou i kahi e lawaia ai, ilaila o Puniakaia i kahea ai ia Uhumakaikai; penei ke kahea ana:

Say, Uhumakaikai,
Crawl this way, crawl this way,
Draw along this way, draw along this way;
For here am I, Puniakaia;
Send the fish in large numbers
Until the beach here is stenched;
The pigs will eat until they reject them,
And the dogs will eat until they waste them.

E Uhumakaikai,
E kolo mai, e kolo mai;
E kolokolo mai; e kolokolo mai;
Eia au la o Puniakaia!
O ka ia no a nui loa,
A ku ka pilau i uka nei!
A ai ka puaa a haalele,
Ai ka ilio a hoomaunauna.

As soon as Puniakaia ceased calling, Uhumakaikai was seen to be driving all the fish to Puniakaia; the fish reached from way down deep in the sea to the surface, and they were driven clear up onto the sand. Upon seeing this the people began taking up the fish; some were salted, some given away to the people, and so on, from the Makapuu point to the Kaoio point at Kualoa. With all this great number of people taking the fish, still there was a large number left, there being so many; and the people had to leave a great many behind and the pigs and dogs ate of them. Rumors of this great catch were soon carried to the hearing of Kaalaea, a very beautiful woman, who had no equal in all the land of Koolau; she was just like Puniakaia [very pleasant] to look upon.

A hooki o Puniakaia i ke kahea ana i ka ia, ia wa o Uhumakaikai i a mai ai i na ia a pau loa, mai lalo ka ia a luna o ka ilikai, o ia hele o ka ia a hiki i uka, a pae i kaha one. Ia manawa na kanaka i ohi ai i ka ia a kopi, a haawi, a pela aku, o na kanaka a pau loa mai ka lae o Makapuu a ka lae o Kaoio, ma Kualoa. Ma keia hele nui ana o na kanaka e ohi i ka ia, aole i pau no ka nui loa, a haalele okoa lakou i ka ia, a ai ka puaa me ka ilio.

A ma keia lawaia ana, ua kui aku la ke kaulana a lohe o Kaalaea, he wahine maikai loa ia, aole ona lua ma Koolau a puni, ua like laua me Puniakaia, ke nana aku.

RELATING TO KAALAEA.

NO KAALAEA.

When the news of the great catch of fish came to Kaalaea, she and her ten brothers boarded their canoes, each taking one, making eleven canoes, and went to the place where the fish were being collected. When these canoes landed, Kaalaea went up on the sand and sat down and did not go about from place to place; but just looked on as the men and women helped themselves to the fish.

Holo aku la o Kaalaea, me kona mau kaikunane he umi, he umi lakou he umi waa, o ko Kaalaea waa, he umikumamakahi waa; a hiki lakou ma kahi o ka ia i pae ai, pae aku la na waa o lakou a uka, kau iho la, noho iho la o Kaalaea ma ka ae one maloo, me ka hele ole ma o a ma o, me ka noho malie e nana ana i na kanaka i ka ohi i ka ia, a me na wahine.

While she was sitting there Puniakaia saw her and was captivated by her beauty and quiet demeanor, not at all like the other women; so he said to his mother, Halekou, “Say, Halekou, I am going to secure that woman for my own, because she is very beautiful, without blemish, and in all respects my equal.” Halekou gave her consent, saying: “Yes, she shall be your wife, for you two are alike in looks and behavior, therefore you go and ask her.”

Ia ia e noho ana ma laila, ike mai la o Puniakaia i ka wahine maikai o Kaalaea, i ka noho malie, i ka like ole me na wahine e ae, alaila, olelo aku la o Puniakaia i kona makuahine ia Halekou: “E Halekou e, e kii ana au i kela wahine na’u, no ka mea, he wahine maikai loa, aohe puu, aohe kee, ua like kona maikai me ko’u.” Ae mai o Halekou: “Ae, o kau wahine ia, ua like olua a elua, ua like na kino, na maikai, na nani, nolaila, e kii oe i wahine nau.”

When Puniakaia came to the presence of Kaalaea, he asked the woman that she become his wife. Kaalaea gave her consent to this. Puniakaia then said to her: “When we get to my mother, don’t be backward but go and sit on her lap.” When the two came to Halekou, Kaalaea went and sat on the lap of her future mother-in-law. After a little while Halekou ordered the men to load the ten canoes with fish, and this was done; not only the ten canoes but several others also were filled, and this property was distributed as gifts to the people. Halekou began to contribute gifts to Kaalaea, as was the custom of those days. Nuupia then did likewise, and then Puniakaia; those three brought offerings to Kaalaea. In giving the various gifts, great heaps of them, Kaalaea on her part gave only herself, still it exceeded that of all three. After the giving of gifts, Kaalaea returned to her place with her brothers and her parents.

A hiki o Puniakaia i mua o Kaalaea, olelo aku la i wahine nana, ae mai la no o Kaalaea; i aku no nae o Puniakaia ia Kaalaea: “E, i hele kaua a hiki i mua o ka makuahine o kaua, mai hilahila oe, hele no oe a noho i luna o na uha.” Hele aku la laua a hiki i mua o Halekou, noho iho la o Kaalaea i luna o na uha o Halekou, a liuliu iki, kena ae la o Halekou i na kanaka, e hooili i ka ia i na waa he umi, a pela na waa e ae; piha i ka waiwai, o keia waiwai, he waiwai hookupu na na mea a pau. Hookupu o Halekou i kana waiwai na Kaalaea, pela o Nuupia, hookupu i kana waiwai ia Kaalaea, a pela o Puniakaia, akolu lakou i hookupu ia Kaalaea, hookahi no o Kaalaea o ka hookupu ana, ua oi kana waiwai i mua o ka na mea ekolu. A pau ka hookupu ana, hoi aku la o Kaalaea i kona wahi me kona mau kaikunane a me kona mau makua.

Sometime after this Puniakaia asked of his mother that he go and live with his wife. His mother replied: “My son, listen to what I have to say: You are going to the home of your wife to live, but you will be insulted and you will return here in a very short time.” After this Puniakaia went to the home of Kaalaea his wife, where they lived as husband and wife. At meal times it was customary with the brothers-in-law of Puniakaia to prepare the meal, then send for Puniakaia and make him sit on their lap while they fed him. This was carried on for some time; all Puniakaia did was to eat and sleep and never left his wife.

A hala lakou, nonoi aku o Puniakaia ia Halekou, e hoi me ka wahine me Kaalaea e noho ai. I mai o Halekou: “E kuu keiki, e hoolohe mai oe, e hele ana oe i ka hale o ko wahine e noho ai, e mainoino ana nae oe, a e hoi koke mai ana oe i anei, aole oe e liuliu aku.” A pau ka Halekou olelo ana, hele aku la ia i ko Kaalaea wahi, a noho pu iho la laua, he kane a he wahine. I ka wa ai, he mea mau i na kaikoeke o Puniakaia ka hoomakaukau i na mea ai, a me ka noho ana o Puniakaia i luna o ka uha o kona mau kaikoeke, a na lakou e hanai i ka wa e ai ai. Pela ka hana mau ana o na kaikoeke ia Puniakaia, a hala ka wa loihi, hookahi no hana a Puniakaia o ka hiamoe i na la a pau loa, me ka wahine me Kaalaea.

One day while the two were in bed, an aunt of Kaalaea’s, together with several others, came into the house where the two were sleeping. These people were on their way to catch crabs. While in the house, the aunt said: “Wake up, Puniakaia, and let us go crabbing. What do you do, any way? Just sleep, and when you get up clean your eyes and catch flies and eat?” While the aunt was speaking, Puniakaia was listening through the soft mantle that covered them; the aunt did not know this, however, for she thought he was asleep.

I kekahi la, ia laua e moe ana, hele mai la, kekahi makuahine o Kaalaea, a me kekahi poe e ae, a hiki i kahi a laua nei e moe ana, e hele ana i ka lawaia papai. I mai la ka makuahine: “E Kaalaea, e ala e hele kakou i ka lawaia papai; o ke aha kau hana, o ka moe wale iho la no, a ala ae wae i ka piapia o na maka, popoi i ka nalo a ai ae.” Ia ia e olelo ana, e nana mai ana no o Puniakaia maloko o ke kihei kalukalu nahenahe, me ke ala mai no, a hoolohe; aka, o ka makuahine nana i olelo, aole ona manao e ala ana, ua manao no ia, e hiamoe ana o Puniakaia.

This angered Puniakaia and he was sore displeased; and when his brothers-in-law came home he would not speak to them nor go to eat food with them as before. Because of this action of their brother-in-law they were very sad and pondered as to the reason of such action. Puniakaia, on the other hand, did nothing else but sleep day and night for over twenty days. Thinking that the matter would terminate seriously, the brothers-in-law of Puniakaia called the people together, men, women and children, and asked each and every one of them, who it was that had insulted their brother-in-law; but no one could answer the question. Failing in this Puniakaia was requested to tell them the person who had insulted him. Puniakaia then revealed the person’s name, saying: “The person who insulted me is the aunt of my wife, and not my wife. One day while we were in bed, the aunt with several others came into our house and said: ‘Say, Puniakaia, get up and let us go crabbing, for what can you get by sleeping? Only to get up, clean your eyes, catch flies and eat?’ While she was speaking, I was lying down, but I could see and hear through our thin mantle. This is the reason why I am sad and unhappy.”

Aka, ua huhu loa o Puniakaia i keia lohe ana, nolaila, hookananuha loa iho la ia i kona mau kaikoeke, aole ekemu, aole hele pu e ai e like me mamua; nolaila, noonoo iho la na kaikoeke i ke kumu o keia hookananuha ana o ko lakou kaikoeke. O Puniakaia hoi, he mea mau ka hiamoe i ka la a me ka po a hala elua anahulu. Nolaila, hoakoakoa ia na mea a pau loa ma kahi hookahi, na kane, na wahine, na keiki, na mea a pau loa, alaila, ninau na kaikoeke i kela mea i keia mea o lakou, i ka mea nana i olelo ino ko lakou kaikoeke o Puniakaia. Aole nae he mea o lakou i hai mai; alaila, ninau ia o Puniakaia i ka mea nana i olelo ino ia ia. Hai aku la oia: “O ka makuahine no o kakou, oia ka mea nana keia mau olelo ino, aole na kuu wahine. I kekahi la, e moe ana maua, hele mai la lakou a hiki, pane mai la no o iala, penei, ‘e Kaalaea, e ala ae a hele kakou i ka papai; o ke aha ka loaa o ka hiamoe, o ke ala ae a wae i ka piapia o na maka, o ke poi i ka nalo a ai ae.’ Ia ia la e olelo ana, e moe ana wau, e hoaiki ana no nae ko’u mau maka maloko o ke kihei kalukalu; nolaila, nonohua loa au.”

When the brothers-in-law heard this, they ordered that the aunt be put to death. After this order was carried out, Puniakaia returned to his own home. When he came in his mother’s presence, she asked him as to the reason of his return; he then told her everything relating to the treatment received by him while living with his wife. When Halekou heard this, she wept and said: “It is even as I said to you, that you were to be insulted in the home of your wife, and now you have seen it for yourself.”

A lohe na kaikoeke, kena ae la e pepehi i ka makuahine, a make iho la ia, ia wa, o Puniakaia i hoi ai i kona wahi. A hiki aku la ia i mua o Halekou ka makuahine, ninau mai la o Halekou ia Puniakaia, hai aku la o Puniakaia i na mea a pau i hana ia nona i ka hale o ka wahine o Kaalaea. A lohe o Halekou, uwe iho la ia, a olelo aku: “He oiaio, ua olelo aku au ia oe, e mainoino ana oe i ka hale o ko wahine, a ike pono iho la oe.”

After living with his mother for a few days, Puniakaia decided to go to Kauai to make a visit; so he started out until he came to the Kaena point, at Waianae, where he met some men who were lashing their canoe for a trip to Kauai. Puniakaia upon coming up to these men, asked them: “Where are you going with this canoe?” “To Kauai.” “Can I go with you?” “And why not? The canoe is yours.” The reason why these people allowed Puniakaia to go to Kauai with them was because he was such a handsome looking man.

He mau la i hala o ka noho ana, holo o Puniakaia i Kauai e makaikai ai, hele aku la ia a hiki i ka lae o Kaena ma Waianae, e noho ana keia poe e hoa i na waa, a e holo i Kauai. Ninau aku la o Puniakaia: “E holo ana ko oukou waa i hea?” “I Kauai.” “Aole la hoi e pono owau kekahi e holo pu me oukou?” “I ke aha hoi! O ka waa no paha ia.” O ke kumu o keia ae ana e holo pu i Kauai, o ka nana mai o lakou la a ike i ke kanaka maikai o Puniakaia.

On coming to Kauai they landed at Wailua, where a high chiefess was living. When she saw that Puniakaia was such a handsome looking man she began to give him presents of great value and after a while she even proposed that she become his wife. All this time, however, she had a husband already, who was then living at some distance on the other side of Kauai.

Ma keia holo ana, pae aku la lakou ma Wailua i Kauai, e noho ana i laila he wahine alii; makemake mai la i ke kanaka maikai o Puniakaia, hookuli mai la i ka waiwai, kii mai la i kane hoao maoli. Eia nae, he kane no ka ua wahine nei, he hanapilo, ma kekahi aoao no o Kauai kahi i noho ai.

Some time after Puniakaia had been living with this woman, he went down one day to the beach accompanied by the woman and there saw two men preparing to go out fishing. Upon coming up to the fishermen, Puniakaia asked them: “What kind of fishing are you two going out for?” The two replied: “Oio fishing; but the most we will ever catch will be about eight, not very many.” Puniakaia said: “Yes, I will be the one who will get you all you want, from the ocean to the land, from the bottom of the sea to the top and the people will not be able to carry away all the fish; they will salt some and the pigs and dogs will eat their full and a lot will be wasted.” The two men then said: “You are deceiving us. We have lived here all our lives and have never seen so much fish.”

Mahope o keia noho ana, iho aku la o Puniakaia i kahakai me ka wahine, aia hoi, e hoomakaukau ana kekahi mau kanaka e holo i ka lawaia. Ninau aku la o Puniakaia: “He aha ka olua lawaia?” Hai mai laua ala: “He lawaia oio, elua no nae kauna ke loaa mai, aohe mahuahua loa.” I aku o Puniakaia: “Ae, owau no ka mea e loaa ai ka ia, mai ka moana a ka honua, mai lalo a luna o ke kai, o ka ia, ohi ke kanaka a haalele, kopi a pilau, ai ka puaa me ka ilio, a e hoomaunauna.” Olelo mai na kanaka: “Wahahee oe; noho wale ae nei no makou i nei wahi aohe ia pela ke ku ana.”

In this discussion the husband of the woman, who had accompanied Puniakaia to the beach heard it and so said: “Make a wager against him.” Wagers were then made; but Puniakaia said: “Say, I am not going to wager my bones against worthless articles. If I must wager my bones I want to wager them against four large pieces of land; one for my back; one for my front; and two for my sides.” This was acceptable, and fifteen days were allowed Puniakaia in which time he must catch the amount of fish boasted by him.

Ma keia hoopaapaa o lakou, lohe aku la ke kane a ka wahine a ia nei, olelo mai la ia: “Pili ia aku.” Alaila, pili iho la lakou, olelo aku o Puniakaia: “E, aole e pili ana ko’u mau iwi i na waiwai lapuwale, eia wale no, he mau ahupuaa nunui eha, hookahi o kuu kua, hookahi o kuu alo, elua o na aoao.” Hooholo iho la lakou, he umikumamalima la, ina i ike ole ia ka ia i loko o ia mau la, alaila, eo o Puniakaia, ina hoi i ikeia, alaila, eo lakou la.

After the agreement was made, Puniakaia lived on for eleven days without once making a move about catching any fish. On the eleventh day, however, he saw a canoe being prepared to sail for Oahu, manned by men from different districts of Oahu; some were from Waianae and some were from Kaumakapili. When Puniakaia saw this he said to the men: “When you get to Waianae, those who belong to that place remain there; then I wish you two who are going to Kaumakapili to go up Nuuanu and when you get there look down to Kaneohe. You will see my house with the door open. Go down to it and when you find my mother, Halekou, tell her that her son, Puniakaia, has sent her word to go and call his fish Uhumakaikai to urge forward the fish to Kauai, because in three days the time allowed him to catch a certain amount of fish would expire; and failing to get this fish he will be killed by being cooked in an umu.”

Ma keia noho ana o Puniakaia, a hala he umikumamakahi la, eha la i koe, alaila eo. Ia wa, e makaukau ana kekahi waa e holo i Oahu nei, no Waianae kekahi mau mea, a no Kaumakapili kekahi. Olelo aku o Puniakaia: “E holo oukou a hiki i Waianae, a noho iho ko Waianae mau mea, hoi aku olua a hiki i Kaumakapili, pii aku olua a hiki i Nuuanu, nana aku olua i kai o Kaneohe, e hamama mai ana ka puka o kuu hale, hele aku olua a hiki, e noho ana kuu makuahine o Halekou. Olelo aku olua, i olelo mai nei ke keiki a olua ia maua, o Puniakaia ka inoa, ‘e hele oe a kahea i ka ia ana ia Uhumakaikai, e kolo aku i ka ia a hiki i Kauai, no ka mea, ekolu la i koe o ka pili ana, alaila, pau na la he umikumamalima, a i hiki ole ka ia i loko o ia mau la, alaila, make o Puniakaia i loko o ka umu.’ ”

After Puniakaia had made this request the canoe set out and on the evening of the same day the canoe reached the harbor of Kou. On this voyage the friends of Puniakaia, Keaumiki and Keauka, assisted the canoe, hence its quick arrival. Also, the men who belonged to Waianae, knowing that the request was urgent, decided to continue on instead of stopping at their destination.

A pau ka olelo ana a Puniakaia, holo mai la ka waa o ua poe nei ia la, a ahiahi pae i Kou, ma keia holo ana, o Keaumiki a me Keauka, na hoa o Puniakaia kekahi i kokua i ka waa, ma keia holo ana mai, o ia ke kumu i pae koke ai i Oahu nei. A ko Waianae mau mea hoi, haalele laua i ka manao i ko laua aina, no ka mea, ua oi ko laua manao i ka Puniakaia olelo, a me ka makemake i kona kino, pela lakou a eha.

When they arrived at Kou, they left the canoe there and proceeded up Nuuanu, where they looked down toward Kaneohe and they saw the house with its open doorway as described by Puniakaia. The men then proceeded on down to the house and found Halekou the mother of Puniakaia sitting on some mats. The men extended their greetings and Halekou returned the same. Halekou then asked the men: “What has brought you here?” The men replied: “We have come on the request of a boy by the name of Puniakaia.” When Halekou heard this, she wept as well as the chiefs and common people, and said: “We thought that Puniakaia was dead; but we see now that he is still alive. What has he requested you to do?” “He told us that we come and tell you that you go and call for his fish, Uhumakaikai, and request that it drive some fish to Kauai; because Puniakaia made a wager with the king of Kauai, that in fifteen days he could catch a certain amount of fish, and that if this amount of fish was not caught within this given time, Puniakaia would be killed. Now this is the twelfth day and we have only three days left if Puniakaia is to be saved.” When Halekou heard this, she said: “I am afraid the fish will not obey my call; for he is the only one that could make the fish do his bidding; but I shall go and try.”

A pae lakou ma Kou, haalele i ka waa malaila, a pii aku la a hiki i Nuuanu, nana aku la i kai o Kaneohe, e hamama mai ana ka waha o ka hale o Puniakaia. Iho aku la lakou a hala o Kekele mahope, a hiki i Kaneohe hiki aku la lakou a ka hale, e noho mai ana o Halekou ka makuahine o Puniakaia, i luna o ka hua moena.

Aloha aku la lakou, aloha mai la o Halekou. Ninau mai la o Halekou: “Heaha ka oukou o ka hiki ana mai?” I mai la lakou: “He kauoha na ko keiki, o Puniakaia ka inoa, oia ko makou mea i hele mai la e olelo aku ia oe.” A lohe o Halekou, uwe iho la ia a me na ’lii a pau loa, na makaainana, a olelo mai la: “Ka, Ua manao makou ua make o Puniakaia, aole ka! A heaha kana olelo ia oukou?” “Eia kana olelo ia makou, e hele mai makou a olelo ia oe, e hele oe e kahea i ka ia ana, ia Uhumakaikai, e kolo aku i ka ia a hiki i Kauai. No ka mea, ua pili o Puniakaia me ke ’lii o Kauai, he umikumamalima la, ina ike ole ia ka ia maloko o ia mau la, make o Puniakaia, ina i ikeia ola o Puniakaia; nolaila, o ka umikumamalua keia o ka la, ekolu la i koe make o Puniakaia.” A lohe o Halekou i keia olelo, i mai la ia: “Aole paha auanei e lohe ka ia ana ia’u, ia ia wale no paha e lohe ai; aka, e hele aku au e hoao.”

Because of this kind deed performed by these people, Halekou gave unto them a large piece of land, together with one house full of kapas, one house to eat in, one house for fish, and one house for them to sleep in. Upon receiving these gifts the men decided to live there and to abandon their old homes and at the same time they vowed that they would live and die serving Puniakaia.

Haawi aku la o Halekou i ua poe nei, hookahi ahupuaa, hookahi hale kapa, hookahi hale ai, hookahi hale ia, hookahi hale moe, a loaa keia mau mea ia lakou, noho loa iho la lakou ilaila, me ka manao ole e hoi i ko lakou hale; hoohiki iho la lakou mamuli o Puniakaia a make lakou, me ko lakou haalele ole ia ia.

Halekou after this went out accompanied by the chiefs, until they came to the pool where Uhumakaikai made its home. This pool is at Nuupia to this day. Halekou then called out: “Draw along, draw along, draw along the fish, Uhumakaikai; from Kona and Koolau to Kauai where your master Puniakaia now is. Don’t be slow, don’t wait, else your master will be cooked in the umu.” At the close of this call, the sea was seen to be disturbed and Uhumakaikai passed below Halekou. She then took up the fish, kissed it and allowed it to go again. Halekou then said: “Make haste, else your master will die.”

Hele aku la o Halekou me na ’lii a pau loa, a hiki i kahi o Uhumakaikai i hooholo ia ai, he kaheka ia, aia ma Nuupia e waiho nei a hiki i keia la. Kahea aku la o Halekou: “E kolo mai! E kolo mai! E kolo mai i ka ia e Uhumakaikai; ma Kona ma Koolau, a hiki i Kauai i kahi o ko kahu o Puniakaia. Mai lohi, mai kali, o make ko kahu i loko o ka umu.” A pau ke kahea ana a Halekou, ia wa, api ana ke kai i ka ia, lana ana o Uhumakaikai malalo o Halekou, lalau iho la a hu ae la, honi iho la a hookuu aku la, olelo iho la o Halekou: “E wiki oe o make ko kahu.”

This was the fourteenth day and there was yet left but one day, when Puniakaia would be killed, for the umu, the wood, the stones and the covering were ready. On the approach of daylight the next day, the fish were seen coming to Kauai by way of Kona and by way of Koolau, until both schools met at Wailua. Puniakaia on this last day went down to the beach accompanied by the Kauai woman; and they went and sat on the seashore to wait for the arrival of Uhumakaikai.

O ka umikumamaha keia o na la; hookahi la i koe pau na la he umikumamalima, alaila, make o Puniakaia, no ka mea, ua makaukau ka umu, ka wahie, ke a, ke kauwawe. Ia po a ao ae, iho aku la ka ia, ma Kona o Kauai, iho ma Koolau a hui i Wailua. O Puniakaia, ua hoi aku la ia me ka wahine o Kauai, a noho i ka lae kahakai, e kiai ana i kana ia, ia Uhumakaikai.

During the night, however, Puniakaia dreamed a dream in which he heard the remark: “Uhumakaikai is coming. Why did you leave me behind and go alone to a strange land? You do not love me. If I did not hear of your trouble, you would have been killed?” After he woke up he found that he had been dreaming so he became sleepless, wondering what the dream meant. After studying for some time a feeling of affection came upon him for Uhumakaikai.

Ia laua i moe ai ia po, loaa ia Puniakaia ka moeuhane, e olelo mai ana penei: “Eia au o Uhumakaikai a hiki aku; no ke aha no la oe i haalele ai ia’u, a hele hookahi oe i ka aina malihini; aloha ole oe ia’u, ina aole au e lohe, make oe?” A pau ka moe ana, puoho ae la ia a hiaa iho la, me ka noonoo i ke ano o ka moe, mahope o keia noonoo ana, kau mai la ka halialia aloha ia ia o Uhumakaikai.

After the night was spent and the dawn of the new day began to break, Puniakaia came out of the house and looked toward the sea, when he saw the surface as well as the lower portion of the sea brown with fish. Shortly after this Uhumakaikai passed below him; he then reached down, took it up and hugged and kissed it. Then he said: “Yes, I did not intend to leave you behind; I came with the idea of making a tour of sightseeing around Oahu, and then go back to you; but instead I came to Kauai and came near not being able to see you again. Had you failed me I would have been killed.”

A hala ae la ka po, hiki mai la ka wehe ana o ka pawa o ke ao, oili ae la ia a waho o ka hale, nana aku la ia i ke kai, ua hele a ehu i ka ia, mai luna, a lalo. Ia wa, holo ana o Uhumakaikai malalo ona, lalau iho la ia a hii ae la, honi iho la, a kaukau iho: “U; aole au i manao e haalele ia oe, i hele mai au me kuu manao e makaikai ia Oahu a puni, alaila, hoi aku ia oe, eia ka au e hala ana i Kauai nei, nolaila, mai ike ole oe i ko’u puumake, e hiki ole mai nei oe, make au.”

Puniakaia then released Uhumakaikai and the fish began to come ashore at Wailua. The fish covered the sand and extended some distance into the sea. The people of Wailua and the king who made the wager saw the fish and they agreed that Puniakaia had won. Puniakaia then gave the whole of Kauai to the owner of the canoe that had brought him to Kauai, who then became the king. Puniakaia and his Kauai queen then returned to Oahu.

Hookuu aku la o Puniakaia ia Uhumakaikai, ia wa, hiki mai la ka ia a ku i uka o Wailua, mai ke kai a ke one maloo, ka piha i ka ia, ia wa ike na mea a pau loa o Wailua, a me ke ’lii nana ka pili, a hooholo ae la ua eo ia Puniakaia. Haawi ae la o Puniakaia ia Kauai a puni, i ka mea nona ka waa ana i holo aku ai mai Oahu aku nei, a noho alii iho la ia, a hoi mai la o Puniakaia i Oahu nei me ka wahine o Kauai.