He Kaao no Kuapakaa

Legend of Kuapakaa.

Chapter I.

Kuapakaa Prepares to Meet Keawenuiaumi in Search of Pakaa.—Canoe Fleet of Six District Chiefs, Recognized by Pakaa, Are Taunted by Kuapakaa as They Pass.—Keawenuiaumi Greeted with a Chant and Warned of Coming Storm Is Invited to Land.—On Advice of the Sailing Masters the King Sails on.

Mokuna I.

Hoomakaukau o Kuapakaa e Hui me Keawenuiaumi.—Na Auwaa o na Alii Aimoku Eono, Ike ia e Pakaa a Leoleowa ia e Kuapakaa i ko Lakou Kaalo ana ae.—Lohe o Keawenuiaumi i ke Mele o ke Ola, Kono ia Oia e Pae.—No ka Olelo a’o a na Hookele, Holo loa Ke ’lii.

Kuapakaa was the own son of Pakaa, born to him while living in Molokai, of his wife, a high chiefess. The name of Kuapakaa was given to the boy after the father. As the boy grew up the father educated him in all the things pertaining to the office of an immediate servant under the king; and also in the different branches of learning of those days until his education was complete. After Kuapakaa had been educated in these things, they went to the shore to await the coming of Keawenuiaumi in his search of Pakaa.

In the trip out [to meet Keawenuiaumi], Pakaa’s paddle, Lapakahoe, was taken by Kuapakaa, who took the important seat, the one in the stern, while Pakaa took the front seat. When they saw the canoes coming, Pakaa kept his eyes down, making believe that he was looking for uhu, with his long hair let down over his eyes. They were in this position when the canoes came along; some with two men, some with three men and so on; some bearing the food and stewards, some the commanding officers, some the women and some the warriors.

Oia no ka Pakaa keiki ponoi, i loaa ia ia ma ka noho ana i Molokai, me kana wahine alii, a ua hoopili ia no hoi kona inoa me ko ka makuakane, a ua ao aku no hoi kona makuakane iaia ma ke ano o na mea o ke ’lii, a me na mea e pili ana ia ia. A makaukau o Kuapakaa i keia mau mea, holo laua i kai e kali i ka holo mai o Keawenuiaumi e imi ia Pakaa. Ma keia holo ana, o ka hoe a Pakaa o Lapakahoe, ia Kuapakaa ia mahope o ko laua waa, mamua o Pakaa, e lawaia kaka-uhu ana, me ke kuu o ka lauoho i lalo e loloa ai. A lana mua laua i kai, mahope hiki na waa, ka waa elua kanaka, ka waa ekolu kanaka, a pela aku, na waa aipuupuu, na waa pu kaua, na waa o ka wahine, na waa o na koa.

When the canoes were approaching them, Kuapakaa asked of his father, Pakaa: “Where is the canoe containing my master?” Pakaa replied: “When the rays of the sun make their appearance, then the canoe bearing your master will come. The signs by which you will know his canoe are these: The sail is doubled down, so that his god could be seen, Kaili by name, standing at its place. You will also see a high compartment in front in the middle of the raised platform; there your master sits; the sailing masters are directly behind him.”

Ninau aku o Kuapakaa i ka makuakane ia Pakaa: “Auhea ka waa o kuu haku?” I mai o Pakaa: “Aia a o ke kukuna o ka la, holo mai ka waa o ko haku. Eia ke ano o kona waa. Ua aki ia ka pea ma waena, i mea e maopopo ai kona akua, ke ku mai, o Kaili ka inoa, a he lumi kiekie mamua, a mawaena, malaila ko haku, a mahope na hookele.”

While the two were conversing, the canoe of Keawenuiaumi was seen approaching with its sides glittering, being struck by the sun’s rays while the paddles of the rowers were bathed in light. When Kuapakaa saw the signs as described by his father, he said: “Here comes my master.” “Whereabouts?” “On the outside of us.” Pakaa said, “Hold up your paddle.” When this was done, Lapakahoe who was standing up in the king’s canoe saw it and so reported to the king, saying: “Say, there is a small canoe floating there inside of us; some one is holding up a paddle.” Keawenuiaumi then said to the sailing masters: “Point the bow of the canoe for the small canoe; possibly it has a word for us.” The reason why the king said this was because while Pakaa had command of his canoe, it was his custom to make a call on any canoe that made signals of this kind; hence the king being accustomed with this, ordered that the canoe be directed for the small one. When the king’s canoe drew near, Pakaa asked of his son: “Where is the canoe of your master?” The boy replied: “It is here near us.” “Then question your master as to his reason of being here,” said Pakaa. Kuapakaa then called out:

Ia laua e kamailio ana, holo mai ana ka waa o Keawenuiaumi, hinuhinu ana na aoao o ka waa i ka loaa i ke kukuna o ka la, a lilelile ana ka hoe a na hoewaa i ka la. I aku la ia i kona makuakane: “Eia kuu haku.” “Aia mahea?” “Aia ma waho o kaua.” I aku o Pakaa: “Oku ia ko hoe i luna.” Ia oku ana o ka hoe, ike mai la o Lapakahoe, e ku ana i luna o na waa o ke ’lii, hai ae la ia i ke ’lii: “E! He wahi waa uuku hoi keia e lana mai nei maloko o kakou, eia la ke oku mai nei i ka hoe.” Olelo aku la o Keawenuiaumi i na hookele: “Kau pono ae olua i ka ihu o na waa i kela wahi waa, malama he olelo kana.” O ke kumu o ke ’lii i olelo ai pela, no ka maa ia Pakaa, ia Pakaa e noho ana me ke ’lii, aole e haalele ka waa o ke ’lii i ka waa e oku mai ana i ka hoe, nolaila, ua maa ke ’lii. A kokoke loa ka waa o ke ’lii ia laua, ninau aku o Pakaa i ke keiki: “Auhea ka waa o ko haku?” I mai ke keiki: “Eia la ua kokoke.” “Kahea ia ka hana o ko haku,” pela mai o Pakaa. Alaila, kahea o Kuapakaa:

Hold back there! Hold back!
Be still there! Be still!
Be calm there! Be calm!
Gently there! Gently!
The query, the question, whose the canoe?

Kipu la, kipu!
Hoolai la, hoolai!
Hoopohu la, hoopohu!
Hoomalino la, hoomalino!
Ouiu, o ninau, nowai he waa?

“To Keawenuiaumi belongs the canoe.” The boy again asked: “A canoe and where is it going to?” “It is a canoe going in search of Pakaa.” “Search for Pakaa, what is Pakaa?” “A servant.” At this Kuapakaa turned and said to his father: “I thought you were a chief. I see that you are a servant. Well, what of that any way? Supposing you are a servant. I am a chief on my mother’s side and shall continue to be so as long as I live in Molokai.” Pakaa said to the boy: “Ask them again if he is a real servant.” Kuapakaa therefore asked: “Is he a real servant?” “No, he is not a real servant, but a backbone, a holder of the kahili and bearer of the king’s calabash of ointment.” By this answer the boy was satisfied that his father was, after all, of chiefly grade; so he said to his father: “Your rank as a chief and my mother’s position as a chiefess, make me a chief of some importance and I shall live as such, here in Molokai.”

“No Keawenuiaumi he waa.” Ninau aku ke keiki: “He waa e holo ana i hea?” “He waa e holo ana e imi ia Pakaa.” “Imi ia Pakaa, heaha o Pakaa?” “He kauwa.” I aku o Kuapakaa i kona makuakane, ia Pakaa: “Ka i no he ’lii oe, he kauwa ka oe. Heaha la, he kauwa no oe, a he ’lii no wau ma ka aoao o ko’u makuahine, nolaila, alii no ko’u noho ana ia Molokai nei.” I aku o Pakaa i ke keiki, ninau ia aku: “He kauwa io?” Nolaila, ninau o Kuapakaa: “He kauwa io.” “Aole he kauwa io; he iwi kuamoo, he paa kahili, he lawe ipu kakele.” Maopopo ma keia olelo, he kaukau alii kona makuakane o Pakaa, i aku ia ia Pakaa: “O kou wahi alii auanei, o ko kuu makuahine, alii no ko’u noho ana ia Molokai nei.”

The chiefs under Keawenuiaumi, they being the six district chiefs, were the first to come by. Before Kuapakaa spoke to the canoe of Keawenuiaumi, he first called each of the six chiefs by name, in their order, for Pakaa had already instructed his son in everything pertaining to them.

Wahilani’s was the first canoe, it being a beautifully made double one; Kuapakaa asked his father as to its owner. The father answered: “That is the canoe of Wahilani, the district chief of Kohala.” Kuapakaa then chanted:

No na ’lii malalo o Keawenuiaumi, oia na ’lii aimoku o Hawaii, eono moku, eono alii. Mamua ae o ke kamailio ana o Kuapakaa me ka waa o Keawenuiaumi, oia ka wa i hea pakahi ia ai na inoa o na ’lii, e like me ko lakou noho ana, a ua ao no hoi o Pakaa ia mea i kana keiki. I ka wa i hiki mai ai ka mua o na waa, hoomaka ia e ninau i kona makuakane. O Wahilani ka waa mua. Hiki ana he kaulua maikai, ninau aku o Kuapakaa: “No wai keia waa?” “No Wahilani, oia ke ’lii o Kohala.” Ia manawa, oli aku la o Kuapakaa:

He is our chief of Kohala, Wahilani.
He is not a chief by birth, he is a petty chief,
One who played hide and seek in the sugar cane hills of Kohala.
The fish of that land are the grasshoppers,
On the leaf of the sugar cane, on the grass blade.
It is a land without fish,
And the food is the sweet potato,
That is the fault found against the land.
Wahilani is not a chief;
Being a ruler of Kohala,
He has been called a chief.

O ua alii o makou o Kohala, o Wahilani.
Aole no hoi he ’lii, he kaukau alii no,
He peepee puko no Kohala,
Ka ia o ia aina, he unihi,
I ka lau o ke ko, i ka pua o ka mauu.
He aina ia ole,
O ka uala ka ai,
O ke kee ia o ia aina,
Aole no hoi o Wahilani he ’lii;
O ka ai ana ia Kohala,
Olelo ia he ’lii.

By these words of the boy, Wahilani was made very angry and so he made reply: “When did you ever know that, you deceitful boy?” With this Wahilani set off.

Ma keia olelo a ke keiki, huhu o Wahilani, a olelo aku la: “I nahea kou ike ana, e na keiki hoopunipuni?” Nolaila holo o Wahilani.

The second canoe was Ehu’s. Another beautiful double canoe came along, the one belonging to Ehu, the chief of Kona. On the approach of this canoe, Kuapakaa asked of his father: “Whose canoe is that?” “It is the canoe of Ehu, the chief of Kona.” Kuapakaa then chanted out:

O Ehu ka waa alua. Hoea hou he waa kaulua maikai, o Ehu ia, o ke ’lii o Kona. Ninau aku o Kuapakaa i ka makuakane: “No wai keia waa?” “No Ehu ke ’lii o Kona.” Ia manawa, oli aku la no o Kuapakaa:

Our chief of Kona, Ehu, is not a chief by birth;
But as Keawenuiaumi went and lived in Kiholo,
Ehu came down from the uplands with bundles of potatoes,
And gave them to the king.
Ehu then became an adopted son,
And Keawenuiaumi gave him Kona,
Therefore Ehu became a chief.

O ua ’lii o makou o Kona, o Ehu, aohe alii;
O ka hele ana aku o Keawenuiaumi a noho i Kiholo,
Iho mai o Ehu me na kiki uala,
A haawi i ke ’lii.
Lilo o Ehu i keiki hookama,
Haawi o Keawenuiaumi ia Kona nona,
Nolaila, alii o Ehu.

Because of this chant of Kuapakaa, Ehu became angry and said: “You are the most conceited boy I know of. Where did you ever know of me?” With this he sailed off in a rage.

Ma keia olelo a Kuapakaa huhu loa o Ehu, a olelo aku la: “He oi oe o ke keiki hoopunipuni; i hea kou ike ana i ko makou ano?” Holo aku ia me ka huhu.

The third canoe was Huaa’s. As this canoe approached Kuapakaa asked of his father: “Whose canoe is this?” “It is the canoe of Huaa, the chief of Kau.” Kuapakaa then chanted as follows:

O Huaa ka waa akolu. Hoea hou mai la he waa. Ninau o Kuapakaa i ka makuakane: “Owai keia waa?” “O Huaa, o ke ’lii o Kau.” Oli mai la o Kuapakaa:

Our chief of Kau, Huaa,
He is not a chief [by birth], but a petty chief.
He is a beater of the ilima of Kamaoa;
By this way the people of that land get water to wash in,
And it is the main fault of that land
For I have lived there and know.

O ua ’lii o makou o Kau, o Huaa,
Aohe alii, he kaukau alii no.
He kaka lau ilima no Kamaoa,
Ka wai auau no ia o ia aina,
A o ko laila kee no ia,
Ua noho au i laila a ike.

This angered Huaa and he too sailed off.

Huhu o Huaa a holo aku la.

The fourth was the canoe of Hikinaakala. Another canoe approached, and the boy asked of Pakaa, and was told that it was the chief of Puna, Hikinaakala. Kuapakaa then chanted:

O Hikinaakala ka waa aha. Hoea hou mai la he waa hou, ninau no keia ia Pakaa, hai mai la no, o ke ’lii o Puna, o Hikinaakala. Oli mai la o Kuapakaa:

Our chief of Puna, Hikinaakala, is not a chief [by birth];
He is like the prickly edges of the hala leaf;
But since he became possessed of Puna,
He is said to be a chief.
He is not a chief.

O ua ’lii o makou o Puna, o Hikinaakala, aohe alii,
He makakokala, lauhahala ooi;
O ka ai ana ia Puna,
Olelo ia ai he alii,
Aohe alii.

This angered Hikinaakala and he sailed away.

Huhu o Hikinaakala a holo aku la.

The fifth canoe was that of Kulukulua. As it approached Kuapakaa again inquired of his father: “Whose canoe is this?” “That is the canoe of Kulukulua, the chief of Hilo.” Kuapakaa then chanted as follows:

O Kulukulua ka waa alima. Hoea hou mai la he waa, ninau no o Kuapakaa i ka makuakane: “Owai keia waa?” “O Kulukulua, ke ’lii o Hilo.” Oli mai la o Kuapakaa:

Our chief of Hilo, Kulukulua, is not a chief [by birth];
He is a snarer of the shrimps of Waiakea;
After the snaring,
He places the outside covering of the coconut on his ears.
This is the fault of the land;
But since he became possessed of Hilo,
He is called a chief.

O ua ’lii o makou o Hilo, o Kulukulua, aohe alii;
He pahelehele opae no Waiakea;
A pau ke pahelehele ana,
Kau ae la i ka pulu niu i ka pepeiao.
O ke kee no hoi ia o ia aina,
O ka ai ana ia Hilo,
Olelo ia ai he ’lii.

This angered Kulukulua and he sailed off.

Huhu o Kulukulua a holo aku la.

The sixth was the canoe of Wanua. Upon its approach the boy asked of Pakaa as to its owner, and Pakaa replied: “It is Wanua, the chief of Hamakua.”

O Wanua ka waa aono. Hoea hou he waa, ninau no ia Pakaa, hai mai la no o Pakaa: “O Wanua, o ke ’lii o Hamakua.”

Our chief of Hamakua, Wanua.
He is not a chief by birth;
He is a snarer of the eels of Hamakua.
The fingers with the bait are placed on the rocks,
The small eels would then crawl between the fingers
And the eels placed in the calabash.
But since he became possessed of Hamakua
He is called a chief.
He is not a chief.

O ua ’lii o makou o Hamakua, o Wanua,
Aole alii maoli;
He pahelehele puhi no Hamakua,
Waiho aku na manamana lima i ka paala me ka maunu,
Pii mai la ka puhi a komo i na manamana
Hoolei iho la i ka ipu.
O ka ai ana ia Hamakua,
Olelo ia ai he ’lii; aohe alii.

This chief also became angry and sailed off.

Huhu ia alii a holo aku la.

These chiefs all went on, and all angry with the boy, because he had told them that they were not chiefs by birth, and also for telling the faults relating to their respective districts.

Pau na ’lii i ka holo i mua, me ko lakou inaina i ke keiki, i ka hoole ia lakou aohe alii, a i ka hai i ke kee o ka aina.

(We will now take up the facts relating to the canoe of Keawenuiaumi, aforementioned, which the narrator said should be inserted later, and was therefore out of place; care, however, should be taken in its perusal by which it may be plainly seen that the six canoes bearing the district chiefs were the first to meet the canoe of Kuapakaa.)

(Maanei e hoomaka ai ka olelo no ka waa o Keawenuiaumi i olelo mua ia ae nei: aka, no ka olelo mua ana mai o ka mea malama kaao mahope o keia; nolaila, ua kau e ia na olelo no Keawenuiaumi a me kona waa mamua, aka, he pono no e noonoo i ka heluhelu ana, a malaila e maopopo ai, he mua na waa o na ’lii eono o Hawaii.)

It was Lapakahoe, the younger brother of Pakaa, that replied to the question, that it was the canoe of Keawenuiaumi. At this reply Kuapakaa chanted as follows:

O Lapakahoe ka mea nana i olelo mai no Keawenuiaumi ka waa; nolaila, paha aku ai o Kuapakaa, penei:

When the canoe is pushed ahead,
The cause of the storm is come.
Like a slanting cliff, dark and black
Is the top of the Aluli mountain, because of the storm,
Like black raiment that is worn
Is the face of the cliffs of Kawaikapu.
Running as though seeking every crevice
Is the water that comes.
The mountains appear to be filled,
The sound is heard in the heaven,
The voice is echoed back,
The voice of the weeping sea,
Urging onward the rising sea.
Like the clouds at Kikiopua
Is the flying and swimming outrigger of Malelewaa.
The burden is swung to the back,
Kaula looks as though climbing from behind.
The cliffs of Wailau are joined and plated one on top of another,
They are joined and plated,
On the top of Pueohulunui,
The cliffs where the owls fly.

A nou ka waa,
Ua hiki ke kumu ino,
Ke kakai kepa, ua lauli elehiwa
Ke poo o ka mauna o Aluli i ka ino,
Me he aahu eleele la i lohia
Ke aloalo pali o Kawaikapu,
I holoa e ka holopoopoo,
Moku kihe o ka wai.
Pihapiha na mauna ke ike aku,
Lele koha i ka lani,
Ka leo o ke kuaiwa lea,
Ka leo o ke kai uwe,
E hoeu aku ana i ke kai awe,
Ua like me ke ao i Kikiopua,
Ke ama lele aukai o Malelewaa.
Hoolewa ka ukana i ke kua,
Pii Kua o Kaula mahope.
Pali kui pali hono Wailau ma,
Kui aku, hono aku ka pali,
I luna o Pueohulunui,
I ka pali pueo e lele la.

Kuapakaa then chanted of the storm:

Alaila, paha hou o Kuapakaa no ka ino:

Gently! Gently! Gently!
Comes the rain, the wind, the storm,
From Puulenalena, from Hilo,
From Hokukano, from Waiolomea,
From the raising of the paddle from under the buttock,
At the thought, at the pebbles,
At the cutting down of the iako, at Kainaliu,
The iako at the rear,
At the opening between the two sailing masters.
Get up from your seats,
Take out your paddles,
Pull up the weight,
Watch for the waves
As they twist and rise,
As the waves twist and beat
On the outside of the canoe;
The wave is become quiet at the bow,
Swing the canoe around and let the wave pass between,
The water on the outside meet at the opening,
The wave is a welcome thing to a castaway.
But here I am, O death!
Death to you is the small wave,
Death to you is the large wave,
Death to you is the long wave,
Death to you is the short wave,
The follower of Kuloku,
The roaring, the trembling,
The oopu, the lauloa,
The waves that open up,
The waves that will perchance open up my canoe.
It will swamp. Because of the swamping of the small canoe,
The large canoe will also swamp.
Bind the paddles together,
For they will be the only burden of a swamped canoe;
The small paddle, the large paddle,
The long paddle, the short paddle;
The small bailing cup, the large bailing cup,
The long bailing cup, the short bailing cup,
The coarse bailing cup, the thin bailing cup.
After rescuing the several things from the swamped canoe,
Comes the thought to refloat the canoe.
That block of wood, this block of wood [the waves],
That rope is drawn, this rope is drawn;
Some will rush there, some will rush here,
The large wave will rise,
The small wave will break,
The sticks at the bow will fly off,
The sticks at the stern will fly off.
The priest is at last separated [from the king],
The connection is become of no value, on a day of peril,
The sea separates them, the cold is intense,
The uku is softened, that snub-nosed thing,
Your reputation, ye sailing masters,
Ye prophet and priest, is injured.
Had the sailing masters seen the star
You would have reached land.

Kiauau! Kiauau! Kiauau!
Hiki ka ua, ka ino, ka makani,
No Puulenalena, no Hilo,
No Hokukano, no Waiolomea,
No ka ina a ka hoe i ka eke,
A ka noonoo, ka iliili,
A kua iako i Kainaliu,
A ka iako i ka hope,
A ka poho i na hookele.
Eu mai ka lemu,
E pana na hoe,
Huki ka lana,
Nana ia ka ale
O ka wili, o ke pani,
O ke kaa mai na o ka ale
Hue ma waho o ka waa;
Ke hoolulu la i ka ihu o ka waa la,
Hookaa ia ka waa ku maloko,
O ka wai mawaho a hui me ka puka,
Punahele kaele i ka olulo.
Eia hoi au, e ka make!
A make oe i ka ale iki,
A make oe i ka ale nui,
A make oe i ka ale loa,
A make oe i ka ale poko,
O ka ukali o Kuloko,
O ka hakui o ka nei,
O ka opuu o ka lau loa,
O ka ale hue,
E hue mai auanei ka ale i ou waa.
Make! no ka waa iki ka make,
Make ka waa nui.
Pua mai o na hoe,
O ka ukana ia a ka waa make;
O ka hoe iki, o ka hoe nui,
O ka hoe loa, o ka hoe poko;
O ke ka iki, o ke ka nui,
O ke ka loa, o ke ka poko,
O ke ka peekue, o ke ka lahilahi.
Pau ka hemahema o ka waa make,
Manao hoolana ka waa.
O kela lona o keia lona,
Ume kela kaula ume keia kaula;
Holo kela kini holo keia kini,
Ku ka nalu nui,
Popoi ka nalu iki,
Lele na laau ihu,
Lele na laau hope.
Kai ka pili a ke kahuna,
Ke paa kuleana ole o ka la make,
Wehe ke kai anu ka lia,
Pulu ka uku, kela mea i koki.
Alina oukou e na hookele,
A me ke kilo, ke kahuna,
E ike ai e na hookele i ka hoku la,
I na la ua pae i uka.

Keawenuiaumi then inquired of his sailing masters, the priest and the prophet, as to their conclusion, in the matter of the coming storm, and to see if the predictions made by the boy were to come true, for the king was afraid. These men all assured the king that the words of the boy were void of the truth and were entirely false. By this assurance the king’s fear disappeared and he gave way to their advice, therefore the boy again chanted:

Alaila ninau ae la o Keawenuiaumi i na hookele, ke kahuna, ke kilo, i ko lakou ike, a me na loina, i ka pono a me ka hewa, no ka mea, ua makau o Keawenuiaumi i ka olelo a ke keiki. Hoole mai la lakou, aohe oiaio o ka olelo a ke heiki, he wahahee, ma keia hoole a lakou, hoolohe aku la ke ’lii o Keawenuiaumi; nolaila, paha hou mai la ke keiki, penei:

The eyes have been covered by the sea,
They have failed to see the rows of isles.
Death you will meet in the days of Ku,
The days when the currents draw outward.
As the currents draw outward,
The open mouth of the shark will meet you,
The mouth of the shark,
The mouth of the wave,
Will close over you and you die;
You will then return to Hawaii in spirit.
You stubborn king,
Come ashore, it is stormy,
Had you come yesterday
You would have arrived in safety.

Uhi ia ae la na maka e ke kai!
Pale ka ike i ka lalani o ka moku.
Make eia i na Ku,
I na la wehe o ke au i waho.
Wehe aku auanei ke au i kai,
E hamama mai ana ka waha o ka mano,
O ka waha o ka mano,
O ka waha o ka ale,
Popoi iho ia oe la make;
Hoi uhane i Hawaii.
E ke ’lii kuli la,
E pae, he ino,
E holo ia mai i nehinei,
Ina la ua pae.

Again Keawenuiaumi inquired of his canoe men as well as of the others, saying: “How about us? Shall we land as requested by the boy, for he says, if we continue we will return to Hawaii in spirit?” The sailing masters replied: “Who is going to land on such a fine day?”

Ui hou aku o Keawenuiaumi i na hoewaa a me na mea a pau loa: “Pehea kakou e pae, e like me ka olelo a ke keiki? No ka mea, ina kakou e holo, hoi uhane ia Hawaii.” Alaila, pane mai na hookele: “Na wai hoi ka pae aku o ka la malie.”

The heavens are cloudless,
The shrubs are without moisture,
The clouds have returned to the mountains,
The wind has returned to Kumukahi,
The pointed clouds have returned to Awalua,
The soft breezes are wafting over the waves,
The canoes have gone, a raging surf has arisen,
The canoes have gone to the windy cape,
The sea and the water have returned to Manawainui,
Whence is the storm to come as predicted by the boy?

Ua paihi o luna,
Ua maloo wai ole ka nahelehele,
Ua hoi ke ao a ke kuahiwi,
Ua hoi ka makani a Kumukahi,
Ua hoi ka opua a Awalua,
Ua hoi ka pauli makani kualau,
Ua hoi ka waa hooulu he kaikoo,
Ua hoi ka waa i ka lae makani,
Ua hoi ke kai ka wai a Manawainui,
No hea hoi ka ino a ia keiki?

At this, Lapakahoe asked of the boy: “Who gave you such knowledge?” The boy replied: “Such learning is common with the small boys of this land of Molokai.” Lapakahoe said: “Such knowledge was not imparted to you from any one else, not even by Kahikiokamoku, the king’s favorite friend; there are only two of us who have acquired such knowledge, myself and my elder brother, Pakaa. We composed those lines in honor of our master Keawenuiaumi.” Lapakahoe then asked of the boy: “If you know the whereabouts of Pakaa above here, you must tell us.” “There is no such man here, but we have heard that he is living on Kaula” [replied the boy]. This ended Lapakahoe’s remarks and he thought that the information given by Keawenuiaumi, relating to Pakaa as living on Kaula, was the truth after all. This information was given in a dream.

Ia wa, ninau mai o Lapakahoe: “I loaa ia oe, ia wai?” “He mea loaa wale no ia i kamalii o keia aina o Molokai.” Olelo mai o Lapakahoe: “Aole i loaa na ia hai, aole ia Kahikiokamoku, ke aikane punahele a ke ’lii; elua wale no maua i loaa na mele, owau, o ko’u kaikuaana o Pakaa, i haku no maua no ko maua haku no Keawenuiaumi.” Alaila, ninau mai la Lapakahoe: “Ina ua ike oe eia o Pakaa i uka nei, e hai mai oe?” “Aole ia kanaka ia nei, ua lohe nae makou aia i Kaula kahi i noho ai.” Nolaila hooki o Lapakahoe i ka olelo, a manao iho la ia he oiaio ka olelo a Keawenuiaumi, i loaa ai ma ka moe uhane i Hawaii.

The sailing masters then called out to the paddlers, those in front and in the rear, to go ahead; but Lapakahoe countermanded the order, for he was interested in the boy. When Pakaa saw that the canoe was preparing to leave, he requested the boy to continue chanting.

Kahea mai na hookele, e hoe o mua me hope; hoole o Lapakahoe, no ka mea, ua nanea o Lapakahoe i ka olelo a ke keiki. A no ka makaukau o na waa e holo, olelo aku o Pakaa ia Kuapakaa: “E kahea ia.”

The pointed clouds have become fixed in the heaven,
The pointed clouds grow quiet like one in pains before childbirth,
Ere it comes raining heavily, without ceasing.
The umbilicus of the rain is in the heaven,
The streams will yet be swollen by the rain,
The roar of thunder, the shock of the earthquake,
The flashing of the lightning in the heaven.
The light rain, the heavy rain,
The prolonged rain, the short rain.
The rain in the winter comes slanting,
Taking the breath away, pressing down the hair,
Parting the hair in the middle.
One sleeps doubled up, one sleeps with the face up.
When anger rises, the hand acts tardily.
Trouble has overcome thee, stubborn master.
See, ye sailing masters, it has come;
Trouble will overtake you in mid ocean,
You have gone out to sea and have become castaways,
You are spoken of as castaways.
You will cut out hooks from the teeth of sharks,
And fasten them to the fish-line, the fish will bite,
The paka eel, the ulua,
[For] Kaulua is the month.
Take good care of the favorite son,
Else he will be washed away by the sea of Kaulua.
Let the canoe therefore come ashore,
There is food ashore, there is kapa, there is malo,
Live out the stormy days and continue on your way when it becomes calm,
Then you can sail away, my master.
This is a stormy day; yesterday was the calm day.

Hooku ka opua i ka lani,
Ke hoona ae la ke kuakoko wai ua o Kaopua,
Ka hiwahiwa polohiwa a ka ua.
I hana e ka piko a ka ua i ka lani,
Halona e ka aukuku a ka ua,
Kui ka hekili, nei ke olai,
Lapalapa ka uwila i ka lani.
O ka ua iki, o ka ua nui,
O ka ua loa, o ka ua poko,
O ka ua hooilo ke moe,
Pili ka hanu, pepe ka lauoho,
Hai ka lauoho i waena.
Moe lapuu, moe i luna ke alo.
Nau ke kui, lohi ka lima;
Make la e ka haku hoopaa,
Na iho e na hookele paa,
Make i ka moana,
Holo aku a kai kua olulo,
He olulo kau olelo.
Okioki ia i ka niho mano ka ia,
Kaa i ke olona ai mai ka ia,
He paka, he ulua,
O Kaulua ka malama,
Malama ke keiki punahele,
O lilo i ke kai a Kaulua,
O ka waa no e pae,
He ai o uka, he kapa, he malo,
Noho, he la ino a malie holo,
Alaila holo, e kuu haku,
He la ino keia, i nehinei ka la malie.

Upon hearing this, Keawenuiaumi asked of his canoe men: “What about the words of the boy?” “He is a deceiving boy; there is no storm. Where are the clouds? Where are the pointed clouds? Where is the rain? Where is the wind? Where is the lightning? Where is the thunder, whereby we would know that the boy is telling the truth? This day will land us in Kaula and you shall see your servant Pakaa.”

Alaila, ninau ae la o Keawenuiaumi i ka poe ike o kona waa: “Pehea ka olelo a ke keiki?” “He keiki wahahee; auhea ka ino, auhea ke ao, auhea ka opua, auhea ka ua, auhea ka makani, auhea ka uwila, auhea ka hekili, e manao ai oe he oiaio ka olelo a ke keiki? O ko la no keia pae i Kaula, ike oe i ko kauwa o Pakaa.”

Chapter II.

Kuapakaa Chants the Winds of Hawaii.—The King, Angered, Bids His Men Paddle on.—Winds of Kauai, Niihau and Kaula.—Winds of Maui and Molokai.—Of Halawa.—Chants the Name of His Master.—Of His Uncle and Men.—Pakaa Orders the Winds of Laamaomao Released.

Mokuna II.

Mele o Kuapakaa i na Makani o Hawaii.—Huhu ke Alii, Kauoha i Kona mau Kanaka e Hoe.—Na Makani o Kauai, Niihau a me Kaula.—Na Makani o Maui a me Molokai.—O Halawa.—Heluhelu Oia i ka Inoa o Kona Haku.—O Kona Makuakane a me na Kanaka.—Kauoha o Pakaa e Hookuu ia na Makani a Laamaomao.

Kuapakaa said to his father: “The men are advising the king to go on.” Pakaa said to the boy: “Call out for the winds of Hawaii.”

Olelo aku o Kuapakaa i ka makuakane: “Ke olelo ae la ua poe kanaka nei i ke ’lii e holo no.” I aku Pakaa i ke keiki: “Kahea ia ko Hawaii makani.”

The Winds of Hawaii.

There they are! There they are! There they are!
The apaapaa is of Kohala,
The naulu is of Kawaihae,
The kipuupuu is of Waimea,
The olauniu is of Kekaha,
The pili-a is of Kaniku,
The ae is of Kiholo,
The pohu is of Kona,
The maaakualapu is of Kahaluu,
The pilihala is of Kaawaloa,
The kehau is of Kapalilua,
The puahiohio is of Kau,
The hoolapa is of Kamaoa,
The kuehulepo is of Naalehu,
The uwahipele is of Kilauea,
The awa is of Leleiwi,
The puulena is of Waiakea,
The uluau is of the cliffs of Hilo,
The koholalele is of Hamakua,
The holopoopoo is of Waipio,
The end of that wind,
The end of this wind,
Join and cause a whirlwind.
Place the burden on the back,
Thus a load is given to the swamped canoe.
Because the small canoe is swamped,
The large canoe will meet the same fate.
Troubles will overtake the king, troubles will overtake the priest,
Troubles will overtake the unstable ones, the followers of the king.
The different officers of the king,
They will search out, they will study out,
To locate the stars in the heaven.
The red star, the string of stars;
They hasten singly,
They hasten by twos.
Say, Keawenuiaumi, come ashore.
Yesterday was the calm day;
Had you come yesterday, you would have reached your destination.
This is a stormy day.

Na Makani O Hawaii.

Aia la! aia la! aia la!
He apaapaa ko Kohala,
He naulu ko Kawaihae,
He kipuupuu ko Waimea,
He olauniu ko Kekaha,
He pili-a ko Kaniku,
He ae ko Kiholo,
He pohu ko Kona,
He maaakualapu ko Kahaluu,
He pilihala ko Kaawaloa,
He kehau ko Kapalilua,
He puahiohio ko Kau,
He hoolapa ko Kamaoa,
He kuehu lepo ko Naalehu,
He uwahi a pele ko Kilauea,
He awa ko Leleiwi,
He puulena ko Waiakea,
He uluau ko Hilo paliku,
He koholalele ko Hamakua,
He holopoopoo ko Waipio,
O ka welelau o kela makani,
O ka welelau o keia makani,
Puili puahiohio.
Haawe ka opeope ma ke kua,
Loaa ka ukana a ka waa make.
No ka waa iki ka make,
Pau pu me ka waa nui.
Make ke ’lii, make ke kahuna,
Make ka pulewa, ka hailawa,
Ka lawa uli, ka lawa kea.
O ka huli, o ka noonoo,
E ike i ka hoku o ka lani.
O hoku ula, o hoku lei,
O auau pakakahi,
O auau paka lua,
E Keawenuiaumi, e pae.
I nehinei ka la malie,
E holo ia mai, ina la ua pae,
He la ino keia la.

When Keawenuiaumi heard this, he became angry with the boy; because the boy was calling for the winds. He then ordered his men to paddle on. When Kuapakaa heard the order he said to Pakaa his father: “The king is sailing off.” Pakaa replied: “Call for the winds of Kauai and Niihau.”

A lohe o Keawenuiaumi, huhu iho la ia i ke keiki, no ka hea ana i ka makani; nolaila, olelo aku la ia i na hoewaa e hoe. I aku o Kuapakaa i ka makuakane ia Pakaa; “Holo ke ’lii.” I mai o Pakaa: “Hea ia ko Kauai makani, me ko Niihau makani.”

The Winds of Kauai and Niihau.

Arise, look you to the winds of Laamaomao!
Roaring in the mountains,
A sign of the coming of the wind at Kapaa;
The wind is there at Kauai.
The moae is of Lehua,
The mikioi is of Kawaihoa,
The naulu is of Niihau,
The koolau is of Kaulakahi,
The lawakua is of Napali,
The lanikuuwaa is of Kalalau,
The lauae is of Honopu,
The aikoo is of Nualolo,
The kuehukai is of Milolii,
The puukapele is of Mana,
The moeahua is of Kekaha,
The waipaoa is of Waimea,
The makaupili is of Peapea,
The aoaoa is of Hanapepe,
The naulu is of Wahiawa,
The kuuanu is of Kalaleo,
The ae is of Lawai,
The malanai is of Koloa,
The kuiamanini is of Weliweli,
The makahuena is of Kapea,
The one-hali is of Manenene,
The koomakani is of Mahaulepu,
The paupau is of Kipu,
The alaoli is of Huleia,
The waikai is of Kalopaki,
The kaao is of Hanamaulu,
The waipuaala is of Konolea,
The waiopua is of Wailua,
The waiolohia is of Nahanahai,
The inuwai is of Waipouli,
The hoolua is of Makaiwa,
The kehau is of Kapaa,
The malamalamaiki is of Kealia,
The hulilua is of Hanaikawaa,
The amu is of Anahola,
The kololio is of Moloaa,
The kuikainui is of Koolau,
The meheu is of Kalihiwai,
The nau is of Kalihikai,
The luha is of Hanalei,
The waiamau is of Waioli,
The puunahele is of Waipa,
The haukolo is of Lumahai,
The lupua is of Wainiha,
The pahelehala is of Naue,
The limahuli is of Haena,
The water from the handle of the paddle on the cliff.
The end of that wind,
The end of this wind,
They meet in a whirlwind,
They beat on the low lands.
The storm is come, come ashore,
Yesterday was the calm day;
Had you come then you would have made land.

Na Makani O Kauai Me Niihau.

Ala, i ka nana mai oe e ka makani a Laamaomao!
Ke uwalo la i ka pae mauna,
He hoailona makani hono ia no Kapaa;
Aia ka makani la i Kauai.
He moae ko Lehua,
He mikioi ko Kawaihoa,
He naulu ko Niihau,
He koolau ko Kaulakahi,
He lawakua ko Na Pali,
He lanikuuwaa ko Kalalau,
He lauae ko Honopu,
He aikoo ko Nualolo,
He kuehu kai ko Milolii,
He puukapele ko Mana,
He moeahua ko Kekaha,
He waipaoa ko Waimea,
He kapaahoa ko Kahana,
He makaupili ko Peapea,
He aoaoa ko Hanapepe,
He naulu ko Wahiawa,
He kuuanu ko Kalaheo,
He ae ko Lawai,
He malanai ko Koloa,
He kuiamanini ko Weliweli,
He makahuena ko Kapaa,
He one-hali ko Manenene,
He koomakani ko Mahaulepu,
He paupua ko Kipu,
He alaoli ko Huleia,
He waikai ko Kalapaki,
He kaao ko Hanamaulu,
He waipuaala ko Konolea,
He waiopua ko Wailua,
He waiolohia ko Nahanahai,
He inuwai ko Waipouli,
He hoolua ko Makaiwa,
He kehau ko Kapaa,
He malamalamaiki ko Kealia,
He hulilua ko Hanaikawaa,
He amu ko Anahola,
He kololio ko Moloaa,
He kiukainui ko Koolau,
He meheu ko Kalihiwai,
He nau ko Kalihikai,
He luha ko Hanalei,
He waiamau ko Waioli,
He puunahele ko Waipa,
He haukolo ko Lumahai,
He lupua ko Wainiha,
He pahelehala ko Naue,
He limahuli ko Haena,
O ka wai kuauhoe i ka pali,
O ka welelau o kela makani,
O ka welelau o keia makani,
Puili puahiohio,
Lele ae la aia i kai,
Pae ae la i uka he ino,
I nehinei ka la malie,
E holo ia mai ina ua pae.

These were the names of the winds of Kauai, as called out by the boy, and they are known by these names to this day.

Oia na makani o Kauai, a ke keiki i kahea ai, a pela no a hiki i keia la.

As soon as Kuapakaa ceased calling for the winds, a great roar was heard, like the coming of a mighty storm, by the people in the canoe of Keawenuiaumi. At the roar of the coming storm, Pakaa said to the boy: “You made a mistake in first calling for the winds of Kauai and Niihau. You see you had called for the winds of Hawaii, those in the east; you should have followed with the wind of Kaula, the wind in the west.” Kuapakaa then called for the wind of Kaula:

A hooki o Kuapakaa i ke kahea ana i na makani, ua lohe ia ka halulu, me he nu makani la i na waa o Keawenuiaumi. I mai o Pakaa i ke keiki: “Hewa ia oe i ko kahea mua ana i ko Kauai me Niihau, no ka mea, ua kahea oe i ko Hawaii makani, oia ka welelau hikina; e kahea oe i ko Kaula, oia ka welelau komohana.” Alaila, kahea o Kuapakaa i ko Kaula makani:

The Wind of Kaula.

Down by the rock of Ola,
The black bird begged,
The bird of Kaula begged,
Floating up there above Waahila,
The bird of Kaulanaula,
The younger isle, given birth by Hina.
The ekeeke is the wind of Kaula;
Give me, give me, give me the wind.

Na Makani O Kaula.

A lalo i ka pohaku a Ola,
Ka manu eele koi,
E koi mai mai ana ka manu o Kaula,
Ke kau nei la i luna o Waahila,
Ka manu o Kaulanaula,
He pokii moku na Hina i hanau,
He ekeeke ka makani o Kaula;
Homai, homai, homai he makani.

In this call of Kuapakaa for the wind of Kaula, Keawenuiaumi, said: “You have indeed chanted well, boy; but in thus calling for the wind, you committed a grave mistake.”

Ma keia kahea ana a Kuapakaa i ko Kaula makani, olelo mai o Keawenuiaumi: “Maikai hoi ka olelo a ke keiki, a ko kahea ana i ka makani, hewa oe.”

Keawenuiaumi then gave orders to his canoe men and sailing masters to paddle ahead. The people from the rear to those in the middle of the canoe, then dipped down their paddles; but those in front, did not dip theirs for Lapakahoe refused to continue the voyage as he was greatly interested with the boy’s chant. When the men in the stern and in the middle started to paddle, Lapakahoe called out to those in front: “Kuia, Lou, Kipukohola, backwater with the paddles, to hold back the canoe so as not to allow it to go ahead.” By doing this the sound of the moving pebbles and the sand down below was heard and the double canoe was held back as though held by an anchor.

Ia wa, kena aku la o Keawenuiaumi i na hoewaa a me na hookele, e hoe; alaila, hoe iho la ka poe e noho ana mai hope o na waa a waena. Koe o mua aohe hoe, no ka mea, aohe ae o Lapakahoe e holo, ua nanea loa kona manao i na olelo a ke keiki. A hoe na kanaka mai hope a waena o na waa, kahea ae la o Lapakahoe i na hoewaa o mua: “O Kuia, o Lou, o Kipukohola, e hoopupu i ka oukou mau hoe, e kipu a paa na waa, i ole e holo aku i mua.” Ma keia kipu ana, lohe ia ka nehe o ka iliili o lalo a me ke one, a ua paa na waa me he heleuma la.

When Kuapakaa saw that the double canoe was being held back and saw also the anger shown in the face of Keawenuiaumi, he turned and reported it to Pakaa. When Pakaa heard this, he said to the boy: “Call again.” (This was in the style of a chant.) Kuapakaa therefore called forth:

A ike o Kuapakaa i ka paa o na waa, a me ke ano huhu loa o Keawenuiaumi ia ia, olelo aku la ia ia Pakaa, a lohe o Pakaa, olelo mai la i ke keiki: “Kahea ia.” (He paha ke ano o ia.) Alaila, kahea o Kuapakaa:

Gently! Gently! Gently!
Hasten this way, hasten that way,
The ocean is like a wreath around your neck.
The heaven is cloudless,
The earth is in distress,
The month is Kalo-pau.
Up comes lepe, down sits lepe.
The iwa bird is in the sky, it is a windy day.
The rain falls, the water runs.
The shrimps are coming up, the sea-caves are exposed.
Where the sea is foamy, there the moi dwell;
Where the sea is rough, the mullet spawn.
When the sea is at low tide, the squids are speared,
The ina are gathered, the wana are hooked up.
The turtles come up to breathe on a windy day.
Where the sea is not clear, there the manini live;
Where the shoals are rocky, the uoa turn over;
Where the sea is blue, the sharks dwell;
Where the feeding ground is deep, the kahala grows thin;
Where the kukui-nut is spat on, the sea is smooth,
The uhu are caught;
Caught by those in front, by Mumu, by Wawa.
As it falls down, the rain leaves holes,
The wind doubles over,
The beach at Kaunakahakai is marshy,
The scent of Kawela is strong,
The sound is deafening,
As you paddle to destruction at the point of Lehua,
Ualapue, Kaluaaha, Molokai.

Kiauau! Kiauau! Kiauau!
E au mai, e au aku,
E lei ka moana.
Kalaihi ka lani,
Kupilikii ka honua,
Kalo-pau ka malama,
Ku ana lepe, noho ana lepe,
Kau ka iwa he la makani,
Ua ka ua, kahe ka wai.
Pii ka opae, ku ka halelo.
Ehuehu kai, noho ka moi,
Ki kai hua ka anae.
Maloo kai o na hee,
Kui ka ina, lou ka wana,
Puha ka honu i ka makani.
Aeae kai noho ka manini,
Puupuu ke a kahuli ka uoa,
Uliuli kai holo ka mano,
Moana koa hi kahala,
Pupuhi ke kukui malino ke kai,
Kaka ka ia o ka uhu;
A loaa ia mua, o mumu, o wawa,
Haule iho, he malua ka ua,
He pelu ka makani,
Haualialia Kaunakahakai,
He ihu hanu ko Kawela,
Kania wawa i kupukupu,
Hoe make i ka lae o Lehua,
Ualapue, Kaluaaha, Molokai.

After the boy had chanted this, Pakaa said to him: “Call for the winds of Maui and Molokai.”

A pau keia kiauau ana a ke keiki, olelo mai o Pakaa, kahea ia ko Maui makani me ko Molokai.

The Winds of Maui and Molokai.

The pakiele is of Waiakea,
The aimaunu is of Hana,
The ailoli is of Kaupo,
The papa is of Honuaula,
The naulu is of Kanaloa,
The kehau is of Kula,
The uapokoa is of Kokomo,
The elehei-rain is of Lilikoi,
The iaiki is of Wailuku,
The oopu is of Waihee,
The kaula is of Pohakuloa,
The waiuli is of Honolua,
The pohakea is of Mahinahina,
The maaa is of Lahaina,
The alani is of Liloa,
The paala is of Nakaha,
The laukowai is of Kekula,
The holokaomi is of Paomai,
The wind that doubles up is of the lowlands;
It is the kupa, the okea wind.
The paiolua is of the ocean,
It is the hoolua and the moae.
The kaele is of Palaau,
The iaiki is of Hoolehua,
The kuapa is of Moomomi,
The kaele is of Kalelewaa,
The puupapai is of Kaamola,
The pakaikai is of Wailua,
The hoolua is of Halawa.

Na Makani O Maui Me Molokai.

He pakiele ko Waiakea,
He aimaunu ko Hana,
He ailoli ko Kaupo,
He papa ko Honuaula,
He naulu a’e ko Kanaloa,
He kehau ko Kula,
He uapokoa ko Kokomo,
He ua elehei ko Lilikoi,
He iaiki ko Wailuku,
He oopu ko Waihee,
He kaula ko Pohakuloa.
He waiuli ko Honolua,
He pohakea ko Mahinahina,
He maaa ko Lahaina,
He alani ko Liloa,
He paala ko Nakaha,
He laukowai e ko Kekula,
He holokaomi ko Paomai,
He pelu ka makani no kai;
He kupa he okea ka makani,
He paiolua i ka moana,
He hoolua he moae,
He kaele ko Palaau,
He ia iki i Hoolehua,
He kuapa ko Moomomi,
He kaele ko Kalelewaa,
He puupapai ko Kaamola,
He pakaikai ko Wailua,
He hoolua ko Halawa.

A word of explanation. Halawa is the place which excels in the variety of winds given here, therefore the reader will do well to consider them clearly.

Olelo hoakaka. O Halawa ka aina i oi aku ka makani ma keia kaao ana, nolaila, he pono i ka mea e heluhelu ana e noonoo, a e hoomaopopo.

The Winds of Halawa.

The hoolua-noe is of Halawa,
The hoolua-wahakole is of Halawa,
The kaao is of Halawa,
The laukamani is of Halawa,
The okia is of Halawa,
The ualehu is of Halawa,
The laiku is of Halawa,
The naulu is of Halawa,
The kehau is of Halawa,
The koi-pali is of Halawa,
The li-anu is of Halawa,
The ehukai is of Halawa.

Na Makani O Halawa.

He hoolua noe ma Halawa,
He hoolua wahakole ma Halawa,
He kaao ma Halawa,
He laukamani ma Halawa,
He okia ma Halawa,
He ualehu ma Halawa,
He laiku ma Halawa,
He naulu ma Halawa,
He kehau ma Halawa,
He koi-pali ma Halawa,
He li-anu ma Halawa,
He ehukai ma Halawa.

In following this list of names of the different winds of Molokai, we again take up the winds for the rest of Molokai, after the winds of Halawa.

Ma keia heluhelu ana, e pono e nana hou mahope i maopopo na makani o Molokai, a ka helu ana i na makani o Halawa hele mai, nolaila e pili ai keia kakau ana.

The moa-ula is of Kalawao,
The kilioopu is of Makaluhau,
The koki is of Kalaupapa,
The alahou is of Kalamaula,
The moae is of Kona,
The hoolua is of Koolau,
The pelu is of Kalaau,
The koa is of Malei,
The malualua is of Haleolono,
They heat up the dry plain.
When the sun is set, it becomes intensely cold,
The sea is drawn up, it becomes as low tide,
For the burden of the moae wind is the storm.
The moae stays there above,
It is heard clear down beyond,
As it blows here and there on the coral reef,
Like the strong wind in the forest,
And the landing at Keawa is made rough.
Here is the landing, land now,
Whilst thou art near, master;
Whilst I am near, the servant,
And await the calm day,
For this is Welehu, the stormy month;
Then come Makali, Kaelo, Kaulua,
Kaulua, Kauluawaena.
In Olana is the settled calm,
Then come Welo and Ikiiki,
In which when you look the sea appears long,
The isles seem near, and the canoe can land.
Seek for Pakaa and find Pakaa.
For Waimea is a land of crabs. The rains of Molokai are heavy.

He moa-ula ko Kalawao,
He kilioopu ko Makaluhau,
He koki ko Kalaupapa,
He alahou ko Kalamaula,
He moae ko Kona,
He hoolua ko Koolau,
He pelu ko Kalaau,
He koa ko Malei,
He malualua ko Haleolono,
Kukuni aku la i na kula wela,
Paupili ka la iloli i ke anu,
Ke hao la i ke kai maloo,
Ka ukana a ka moae he ino,
Noho mai ka moae i uka,
Huai ka puka loa,
He ununu paakea,
He hoolua i ka nahele,
He kaikoo ko Keawa,
A no ke awa la pae,
Oi koke oe e ka haku;
Oi koke au ke kauwa,
Kau kai o ka la malie,
O Welehu nei la he ino;
O Makalii, o Kaelo, o Kaulua,
O Kaulua o Kaulawaena.
I Olana hookau ka malie,
O Welo, o Ikiiki, o ke aho pulu,
Nana iho oe loihi ke kai,
Pokole ka moku pae no ka waa,
Imi ia Pakaa, loaa no Pakaa,
Papai Waimea, Molokai ua ino.

While chanting the last lines, Lapakahoe said: “The boy is deceiving us.” Lapakahoe then turned to Kuapakaa and said: “Your chant was indeed good, but you are deceiving us, for Pakaa is not ashore, yet you ask us to land.” After making this remark, Lapakahoe ordered the men in front and behind to paddle away. The order was also given the sailing masters. When they were starting off, Kuapakaa said to his father: “My master is off.” Pakaa replied: “Chant the name of your master.”

Ma keia mau lalani hope loa, i olelo mai ai o Lapakahoe: “He hoopunipuni ke keiki.” I mai o Lapakahoe ia Kuapakaa: “Maikai ko hana e ke keiki, a o ko hoopunipuni ana mai nei, aole o Pakaa i uka, a ke olelo mai nei oe e pae.” Mahope o keia olelo ana a Lapakahoe, kena aku la ia mai mua a hope o na waa, e hoe, pela i na hookele, a makaukau lakou la e holo, i aku o Kuapakaa ia Pakaa: “Holo kuu haku.” Olelo mai o Pakaa: “Kahea ia ka paha o ko haku.”

Gently! Gently!
Gently! Gently!
Be prepared, make ready,
That canoe, this canoe.
Steady the hand,
Take up the paddle,
Shake off the water from the feet,
Avoid being slippery,
Let the back and sides be slippery.
Sit up, those in front and behind,
So as to keep the hands dry when paddling.
The burden of the hands is the paddle,
The opponent of the wave is the paddle,
You make your deposit, the blue,
You take up your share, the white.
You turn up the white foam with the paddle,
Within and without the canoe.
The going forth of the canoe is in jerks,
It is agitated, it shakes.
The men fall on the canoe,
The bailing cups are knocked about,
The ohia [mast] rattles;
The lauhala [sail] is breaking,
The opponent of the wind;
The bow of the canoe is filled with water,
Who is at the bow?

Kiauau! Kiauau!
Koauau! Koauau!
E liuliu, e makaukau,
O kela waa o keia waa,
Kaukahi ka lima,
Lalau ka hoe,
Lulu ke kai o na wawae,
Pau ka lalilali,
Lali kuamoo me ka aoao.
E oi ka noho a mua a me hope,
I maloo na lima ke hoe mai,
Ka ukana a na lima o ka hoe,
Ka hoa paio o ka ale he hoe,
Waiho aku kau o ka eleele,
Lawe ia mai kau o ke keokeo,
Huea ke kea nao ia ka hoe,
Maloko ma waho o ka waa,
Ia oiliili ka holo a ka waa,
Ia kulanalana ia naueue,
Ia hina kanaka i luna o ka waa,
Ia koeleele ka liu
Ia nakeke ka ohia,
Ia papaina ka lauhala,
Ka hoapaio o ka makani;
Ka ihu o ka waa piha i ke kai,
Owai ma ka ihu?

Pakaa then said to his son Kuapakaa: “Lapakahoe is my younger brother, he is your uncle.” The boy then called out each of the men of Keawenuiaumi by name, thinking this would induce them to land. The boy called as follows:

Ia wa olelo aku o Pakaa i ke keiki ia Kuapakaa: “O ko’u kaikaina o Lapakahoe, he makuakane ia nou.” Alaila, kahea pakahi aku la keia i na kanaka o ka waa o ke ’lii o Keawenuiaumi, no ka manao o ke keiki, o ia ka mea e pae ai. Alaila, kahea aku la ia ma na inoa penei:

The Names of the Men.

Lapakahoe, who next?
Hookahikuamoo, who next?
Alapanaiwi, who next?
Limakainui, who next?
Kamahuakoaie, who next?
Kipukohola, who next?
Kaili, the god, who next?
Kuanaepa, who next?
Nohoanaepa, who next?
Kauwilaakahoe, who next?
Kaneheakapoohiwi, who next?
Kahaluluakoaie, who next?
Mokukaiakapahi, who next?
Ahuakaiaiwa, who next?
Uluakamoanaiakaiehu, who next?
Owakahoealima, who next?
Halawaimekamakani, who next?
Hamamakawahaokaale, who next?
Uakukalailalo, who next?
Uahaihaikaka, who next?
Uanahaekaie, who next?
Oiukamaewa, who next?
Okioikekahuna, who next?
Okahikuokamoku, who next?
Keawenuiaumi, who next?

Ka Inoa O Na Kanaka.

Lapakahoe, owai mai?
Hookahikuamoo, owai mai?
Alapanaiwi, owai mai?
Limakainui, owai mai?
Kamahuakoaie, owai mai?
Kipukohola, owai mai?
Kaili ke ’kua, owai mai?
Kuanaepa, owai mai?
Nohoanaepa, owai mai?
Kauwilaakahoe, owai mai?
Kaneheakapoohiwi, owai mai?
Kahaluluakoaie, owai mai?
Mokukaiakapahi, owai mai?
Ahuakaiaiwa, owai mai?
Uluakamoanaiakaiehu, owai mai?
Owakahoealima, owai mai?
Halawaimekamakani, owai mai?
Hamamakawahaokaale, owai mai?
Uakukalailalo, owai mai?
Uahaihaikaka, owai mai?
Uanahaekaie, owai mai?
Oiukamaewa, owai mai?
Okioikekahuna, owai mai?
Okahikuokamoku, owai mai?
Keawenuiaumi, owai mai?

After Kuapakaa had called out the names of the men who sat singly, he then called out those who sat two in a seat:

Pau ke kehea ana a Kuapakaa i na kanaka pakahi, kahea hou keia i na kanaka palua o ka waa, ma na inoa:

Nanaimua, Nanaihope, who next?
Neneimua, Neneihope, who next?
Kahaneeaku, Kahaneemai, who next?
Ku,—Ka, who next?
Kapalikua, Kapalialo, who next?
Kapohina, Kapoae, who next?
Kaukaiwa, Lamakani, who next?
Puupuukoa, Kainei, who next?
Koaloa, Koapoko, who next?
Hulihana, Hulilawa, who next?
Pulale, Makaukau, who next?
Kuia, Lou, who next?
Hookeleihilo, Hookeleipuna, who next?

Na Kanaka Palua O Ka Waa.

Nanaimua, Nanaihope, owai mai?
Neneimua, Neneihope, owai mai?
Kahaneeaku, Kahaneemai, owai mai?
Ku,—Ka, owai mai?
Kapalikua, Kapalialo, owai mai?
Kapohina, Kapoae, owai mai?
Kaukaiwa, Lamakani, owai mai?
Puupuukoa, Kainei, owai mai?
Koaloa, Koapoko, owai mai?
Hulihana, Hulilawa, owai mai?
Pulale, Makaukau, owai mai?
O Kuia, o Lou, owai mai?
Hookeleihilo, Hookeleipuna, owai mai?

While Kuapakaa was calling the names of the men, the double canoe of the king, Keawenuiaumi, gradually drew away from their sight. When the double canoe was away off, so that it appeared but a mere speck, Pakaa said to the boy: “Uncover the wind calabash, Laamaomao.” Kuapakaa then uncovered the wind calabash and the storm in all its fury came up. The front canoes were caught by the waves and wind from the Kalaau point; being those that contained the chiefs and the men. When the large canoes saw that the small canoes were swamped, the large ones went to their rescue, but they too were swamped. The waves became larger and larger and they beat from all sides. The wind and the storm swept along until the canoe of Keawenuiaumi was met and it too was swamped. Keawenuiaumi then said to the priest, the prophet and the sailing masters: “How strange this is! The boy’s every word has come true. When the boy said this was a stormy day, you all contradicted him, saying this was a pleasant day; but here we are nigh unto death. I questioned you several times about the matter, to make sure that you were right; but you all denied it.”

Ia Kuapakaa e kahea ana i na inoa, ia manawa i nalowale ai ka waa o ke ’lii o Keawenuiaumi, mai ko laua mau maka aku. A ike laua, ua koliuliu puaiki, na waa o Keawenuiaumi, i aku la o Pakaa i ke keiki, ia Kuapakaa: “Wehe ia ka ipumakani a Laamaomao.” A wehe ae la o Kuapakaa i ka ipumakani, ia wa huai ka ino, aole o kana mai, loaa mai la na waa mua i ka lae o Kalaau, ko na ’lii a me na kanaka. Ike na waa nui i ka make o na waa liilii, kii aku hoolana, paupu i ka make. Kupikipikio ka ale, ma o a ma o, hele mai la ka makani a loaa na waa o Keawenuiaumi, make iho la. Olelo aku o Keawenuiaumi i ke kahuna, ke kilo, na hookele: “Kupanaha, he mea kau a hala ae ka olelo a ke keiki, ka olelo ana mai nei no a ke keiki, he la ino keia, he malie wale no ia oukou. A laa ka make o kakou, nui kuu ninau ana ia oukou, no ko oukou ike, he hoole ka oukou.”

Chapter III.

The Swamping of the Canoes.—They Return and Land on Molokai.—The King Is Given Dry Kapa and Malo, as Also Awa and Food.—Delayed by the Storm, the Party Is Provided With Food.—After Four Months, They Prepare to Embark.

Mokuna III.

Ka Make ana o na Waa.—Hoi Lakou a Pae ma Molokai.—Haawiia ke Alii ke Kapa a me ka Malo Maloo, pela nohoi me ka Awa a me ka Ai.—No ka Noho ana o ka Huakai i ka Ino, ua Haawi ia me ka Ai.—Mahope mai o na Mahina Eha, Liuliu Lakou e Holo.

The double canoe of Keawenuiaumi was swamped as well as all the others, not one was saved. The people suffered a terrible cold and many of their things were lost; the food, the fish and meat, their apparel and everything else. At this, the king wept in his agony and suffered severely from cold, he then said: “This is the very reason why I am in search of my servant Pakaa, because you are not equal to the occasion; you are without knowledge and do not know how to tell the future. My buttocks were never wet when Pakaa was my sailing master; but since I have taken you, they have become wet.”

Poho iho la na waa o Keawenuiaumi, aole kekahi waa i koe, nui ke koekoe, nui na mea i lilo aku, ka ai, ka ia, ke kapa, na mea a pau loa. Uwe iho la ke ’lii i ke anuanu a me ke koekoe, a olelo aku la: “Oia kuu mea i imi ai i kuu kauwa ia Pakaa, o ko oukou hemahema, ike ole, pololei ole ke olelo. He mau papakole pulu ole keia i ke kai ina o Pakaa ka hookele, ia oukou iho nei pulu.”

When Pakaa saw that the wind and the storm was in its fury, he said to the boy: “Cover up the wind calabash, for your master may perish, as he is indeed cold.” Kuapakaa then placed the cover on the calabash, Laamaomao, and the calm came immediately and the canoes of the king were saved.

Ike aku la o Pakaa i ka makani, a me ka ino launa ole, i aku la ia i ke keiki: “Poia iho ke poi o ka ipu, o make auanei ko haku, eia la ua anuanu.” Popoi iho la o Kuapakaa i ke poi o Laamaomao, a hikiwawe iho la ka malie ana, a pakele ae la na waa o ke ’lii.

After the canoes had been righted, the king gave his orders to all the canoes, saying: “Let us return, perchance the boy’s canoe is still floating where we left it. Should he invite us to land we must obey.”

Ma keia pakele ana o ke ’lii, olelo aku la ia i na waa a pau: “E hoi kakou, malama ke lana ala no ka waa o ke keiki, i olelo mai ia kakou e pae, ae aku kakou e pae, alaila pae kakou.”

After giving his orders the several canoes turned about and all returned, without maintaining their order, for each was anxious to get to the place where Kuapakaa was floating. In this return, the canoe of Keawenuiaumi being the swiftest, was the first to arrive at the place where Kuapakaa was waiting, while the others were strung out behind.

Pau ka olelo ana a ke ’lii, hoe kela waa keia waa, aia ka pono o ka hiki i kahi o Kuapakaa e lana ana. Ma keia hoe ana, oi aku la ka holo o ko Keawenuiaumi waa, i ko na waa e ae a hoea aku la ia i ko Kuapakaa wahi e lana ana, emi hope mai la na waa a pau loa i hope.

When Kuapakaa saw the king’s canoe, he said to Pakaa: “Here comes the double canoe of my master, Keawenuiaumi.” Pakaa said to the boy: “When your master arrives and should show a willingness to land, say to him that you wish to go in ahead a little ways and wait for him, for the passage way is crooked.” By this Pakaa was anxious to keep the canoe of Keawenuiaumi behind them, for his men being stronger, they would be able to get to the landing first and in that way Pakaa would be recognized, so Pakaa thought out a way to get out of the difficulty, and made believe that the way in was crooked. As the canoe of Keawenuiaumi was drawing near, Kuapakaa again chanted, saying:

Ike aku la o Kuapakaa i ko ke ’lii waa, olelo aku la ia ia Pakaa: “Eia na waa o kuu haku o Keawenuiaumi.” I aku o Pakaa i ke keiki: “I hiki mai ko haku, a ae i ka pae i anei, alaila, e olelo aku oe, o kaua mua a kahi a kaua e hoolana ai, alaila, kahea mai. E olelo aku oe, he kekee ke awa, e pae ai.” Ma keia olelo a Pakaa, he olelo akamai loa, manao o Pakaa, o kaa ka waa o ke ’lii mamua, pae e i loko o ke awa, no ka mea, he ikaika na hoewaa o Keawenuiaumi. Ma ia mea noonoo o Pakaa i mea e hiki ai laua mamua, a ike ole ia kona ano, i nalowale, nolaila, kona kuhikuhi lalau ana, o loaa ia. Alaila, paha hou o Kuapakaa, penei:

Gently! Gently!
Comes the wind, the rain; the isle is in darkness,
The master is on the edge of disaster.
The rain drove, the canoe rolled,
The sea is raging, the moi leap.
The inwards are retreating, the waves are being fed,
The burden is cast away.
They look about in doubt for love of the children,
They weep for the love of the wife.
The seat is unsafe, insecure.
The dog barks at the sea,
It bites at the prow of the canoe.
The old companion is become strained,
The new companion is become separated,
The comradeship of the priest is also parted,
He goes alone, he shudders,
He twists, he shivers,
The hairs on the temple are wet,
Ye stubborn sailors of the ocean,
’Tis the first cold day for the king.
Say, Keawenuiaumi, come ashore.

Kiauau! Kiauau!
Makani ka ua, po ka moku,
Nihinihi ka haku,
Kaa ka ua, kaa ka waa,
Ehuehu kai lele ka moi,
Hee loko ua ai ka ale,
Lele na ukana,
Hoaa i ke aloha o ke keiki,
Uwe i ke aloha o ka wahine,
Noho inoino kulanalana,
Hae ka ilio i ke kai,
Nanahu i ka nuku o ka waa,
Hookoo ka pili mua,
Hele ka pili hope,
Kai ka pili a ke kahuna,
Kuouou, haalulu,
Pahili, haukeke,
Huhuluwi na hulu i ka maha,
E na holo moana hookuli,
Akahi la anuanu e ke ’lii.
E Keawenuiaumi, e pae.

Keawenuiaumi made reply: “Yes, I will come ashore for your very words have come true. I was willing to land, but these fellows were so learned. I thought they were indeed learned, but I have found that they are not.” Kuapakaa said: “There, you have faced disaster. Come ashore at the boy’s landing.” The king then expressed his willingness to land. Kuapakaa then said to the king: “Say, listen to me; we will go in first and when I beckon to you, you may come, because the passage way is crooked, and furthermore the proper time for making a landing is past. Had you consented to make land at my first invitation, we would have had no trouble; for at that time the tide was low and the coral exposed; but now the tide is high, so that the coral is covered deep, and we will miss our bearings if we go in together.” To this, Keawenuiaumi gave his consent, saying: “That is well.”

I mai o Keawenuiaumi: “Ae, e pae, he mea no kau a hala ko olelo i i mai ai; ua ae no au e pae, o ke akamai hoi o lakou nei, kai no he ike io, aole ka!” I aku o Kuapakaa: “Ike la i ka make, e pae i ke awa o ke keiki.” Ae mai ke ’lii: “Ae, e pae.” “Auhea oe e ke ’lii, e hoolohe mai oe; o maua ke holo e, a kahi e ani mai ai na lima, alaila, oukou holo ae, no ka mea, he kekee ke awa e pae aku ai o uka, ua hala no hoi ka wa pono e pae ai. No ka mea, ina oukou i ae mua e pae, alaila, o ka wa hohonu ole ia o ke kai, aole e nalo ke akoakoa. I keia wa, ua nalowale na pukoakoa no ka hohonu o ke kai, nolaila, hu hewa kakou ke holo pu.” Ma keia olelo a Kuapakaa, ae mai o Keawenuiaumi: “Ae, ua pono ia.”

Pakaa and his son therefore entered the passageway first, and when they stopped they beckoned to the king’s canoe as well as the others to come in. This zigzag was continued until they were almost in, when Pakaa said to the boy: “Say, let us paddle in; you must exert all your strength, that we may land before the others.” With this the two worked with all their might and made land before the others. Pakaa then jumped ashore and ran into the house reserved for the preparation of food, thinking that in this house he would be safe, for such houses were never entered by kings. When Pakaa jumped from the canoe, Lapakahoe saw and thought he recognized Pakaa by the limp he made while running, for his legs had been injured; but he was not certain, believing that Pakaa was in Kaula.

Holo mua aku la o Pakaa ma mamua, a kahi e lana ai, alaila kahea mai i ko ke ’lii mau waa, a me na waa e ae. Pela no ka holo ana, i o ianei, e hookekee ai, a kokoke loa e pae i uka olelo aku o Pakaa i ke keiki: “E, e hoe kaua, e hoe oe a ikaika loa, i pae kaua.” Ia laua i hoe ai, pae e aku la ko laua waa i uka, lehei aku la o Pakaa mai ka waa aku a holokiki aku la a komo i ka hale aipuupuu, oia ka hale a Pakaa i manao ai e nalo, no ka mea, he hale komo ole ia e ke ’lii. Ma keia lele ana o Pakaa, ua ike mai o Lapakahoe, o Pakaa no; o kona kumu i manao ai oia, o ka hapeepee o ka hele, e onaha ai na wawae, aole nae i hooiaio loa no ka manao, aia no o Pakaa i Kaula kahi i noho ai.

Late that afternoon, all the canoes made land, including the canoe of Keawenuiaumi, who still sat on the platform and had not come ashore, for the reason that he did not have any clothes, and no loin cloth, all having been wet and the spare ones had all been lost at sea. When Kuapakaa saw his master sitting there naked on the canoe, he returned to the house and told his father of what he had seen. When Pakaa heard this, he took out a loin cloth and gave it to Kuapakaa, saying to the boy: “You take this loin cloth and give it to your master, and the loin cloth that is wet, you bring it here, for you are privileged to wear his loin cloth and he yours.”

Ahiahi iho la, pau loa mai la na waa i ka pae, a me ko Keawenuiaumi, eia nae, o Keawenuiaumi, i luna no ia o ka pola o na waa kahi i kau ai, aole i lele i uka, no ka mea, aohe kapa, aohe malo, ua pau loa i ka pulu, a ua pau loa i ka lilo i ke kai. Ike aku la o Kuapakaa i kona haku i ka noho wale mai i luna o na waa, hoi aku la ia a olelo i kona makuakane ia Pakaa. A lohe o Pakaa, unuhi mai la ia i ka malo a haawi aku la ia Kuapakaa, a olelo aku la: “E lawe oe i keia malo a haawi aku i ko haku, a o ka malo i pulu, o ia kau e lawe mai, no ka mea, o kona malo nau e hume, pela hoi kou malo, nana e hume.”

Kuapakaa therefore took up the loin cloth and returned to Keawenuiaumi. When he came to the king’s presence he said: “Here is my loin cloth, you can use it and let me take your wet one.” Keawenuiaumi reached out for the loin cloth and looked at it, and saw that it looked like his own, the kind he used to wear when Pakaa had charge. At seeing this, Keawenuiaumi said: “Say, this loin cloth looks just like my own.” Kuapakaa replied: “This is my own loin cloth, but you being the king, I give it to you.” Kuapakaa then took the wet one and returned to Pakaa, who said to him: “Hang up your master’s loin cloth over the door way, so that the people will not try to enter this house. You can enter it and can go out, because all the sacred things belonging to your master are free to you. When the king’s stewards come for food you can hand it to them from the inside of this house, while they stand outside.” This was cunning of Pakaa.

Lawe aku la o Kuapakaa i ka malo a hiki i mua o Keawenuiaumi: “Eia kuu wahi malo nou, o ko malo pulu e haawi mai oe ia’u.” Lalau mai la o Keawenuiaumi i ka malo a nana iho la, ua like loa me kona malo i ko laua wa e noho ana me Pakaa; i mai la o Keawenuiaumi: “E, ua like loa no keia malo me ko’u malo.” I aku o Kuapakaa: “No’u no keia malo; o oe hoi na e ke ’lii, nolaila, haawi aku la au nou ia.” Hoi mai la o Kuapakaa me ka malo pulu a mua o Pakaa, i mai la o Pakaa: “Kau ia ae ka malo o ko haku ma ka puka o ka hale, i ole e komo mai na kanaka i loko nei. O oe ka mea komo i keia hale, a me ka puka i waho, no ka mea, ua laa oe i ke kapa a me ka malo o ko haku, i hele mai na aipuupuu i ai, nau e haawi aku maloko nei, ma waho mai no lakou.” He hana maalea keia a Pakaa.

When Kuapakaa looked and saw that Keawenuiaumi was sitting without any covering, he took pity on him and so told Pakaa about it. When Pakaa heard this he took out a kapa from the wind calabash, Laamaomao and handed it to Kuapakaa, saying: “You take this and give it to your master. If he should say that it looks like his, you tell him, that this is your own kapa made by your mother.” The name given to such kapas was “ouholowai of Laa.” They were very sweet, having been scented with the fragrant shrubs and vines of Laa and Puna, called the olapa, the kupaoa, the mokihana, the apiipii and others.

Nana aku la o Kuapakaa, o ka noho wale mai o Keawenuiaumi aohe kapa, aloha iho la ia, olelo aku la ia Pakaa; a lohe o Pakaa, unuhi mai la ia i ke kapa, i loko o ka ipu o Laamaomao, a haawi aku la ia Kuapakaa. Olelo aku la: “E lawe oe i ke kapa a haawi aku i ko haku, i olelo mai ko haku, ua like me kona kapa, e olelo aku oe, o kou kapa no keia a kou makuahine i kuku ai nou.” O ka inoa o ke kapa, o ouholowai o Laa; ua aala loa, no ka mea, ua hooluuia i na nahelehele aala o Laa a me Puna, oia ka olapa, ke kupaoa, ka mokihana, ke apiipii, a me na mea e ae.

When Kuapakaa came to the presence of the king with the kapa and handed it to Keawenuiaumi, Keawenuiaumi took it and spread it out. As he did this he caught the sweet scent of the olapa. He then inquired of the boy: “Where did you get this kapa?” The boy replied: “It belongs here in Molokai.” Keawenuiaumi said: “There are no kapas in other places like those of Hawaii; and they are not common with other chiefs. I am the only one who possesses such things. I believe this is my kapa. It must be that Pakaa is here.” “It was my mother that made this kapa for my own use, for my mother is a chiefess of Molokai and kapas are scented on this island, and it has been kept for my own use. The name given my kapa is wailau. That is the best and most fragrant kapa in this place, like what you call the ouholowai of Laa; they smell the same.” This satisfied the king.

A hiki aku la o Kuapakaa i mua o Keawenuiaumi me ke kapa, haawi aku la, lalau mai la o Keawenuiaumi i ke kapa, a kuehuehu ae la, po i ke ala o ka olapa, honi iho la i ke ala. Alaila, ninau mai la i ke keiki: “Nohea keia kapa i loaa ai ia oe?” “No Molokai nei no,” pela aku ke keiki. I mai o Keawenuiaumi: “Aohe kapa o na wahi e ae e like me ko Hawaii, aole no hoi i laha i na ’lii e ae, ia’u wale no; me he mea ala o kuu kapa no keia, a eia no paha i anei o Pakaa?” “Na ko’u makuahine no i kuku i keia kapa no’u, no ka mea, he ’lii ko’u makuahine no Molokai, a he kapa aala no hoi ko keia aina, ua hooluu ia i na mea aala he nui loa, a ua malama ia no’u. O ka inoa o ko’u kapa, o wailau, oia koonei kapa aala loa, e like me ko oukou he ouholowai o Laa. Ua like na aala.” Pau ae la ko ke ’lii manao haohao.

That evening the chiefs came together with their men and as they were sitting quite close to the king, the king said: “If Pakaa was here, of an evening like this, he would have my awa ready with two fresh hinalea. I would drink the awa and as its effects come over me, I would feel like a newly made net, nice and snug, all night. How I do miss Pakaa.”

A ahiahi iho la, akoakoa ae la na ’lii me ko lakou mau kanaka, a kahi hookahi; olelo aku o Keawenuiaumi: “Ina nei la o Pakaa, penei keia ahiahi la, o ka apu awa mai la no, o na hinalea ola elua. Inu iho la a ona, ooki iho la ka ona o ka awa, uwi kela me he koko aha la, a ao ka po; aloha no hoi o Pakaa.”

When Kuapakaa heard this he returned to his father, Pakaa, and said: “My master is in want of some awa, and he has expressed his affection for you and showed that he still remembers you.” When Pakaa heard this, he took down the awa cup, the awa dish, the grass used for straining awa, the piece of awa and two portions of awa already prepared and said to the boy: “You take these to your master and show them to him. If he should ask you to prepare the awa for him, give your consent. Then you turn to one side where it is dark, leave the piece that is not prepared, take up the portions that are ready, strain them into the cup. He will compliment you for being very quick, for I was ever ready with these things when I was with him. After you have strained the awa into the cup, hand the cup to your master, then run as fast as you can to the pool where we keep the hinalea and catch two for your master, for he would want the fish to take away the bitter taste of the awa from his mouth.”

Lohe o Kuapakaa i keia olelo a ke ’lii, hoi aku la ia olelo ia Pakaa: “Ua ono kuu haku i ka awa, a olelo mai nei he aloha ia oe no ia mau mea i kou wa e noho ana me ia.” A lohe o Pakaa, unuhi mai la ia i ka apu, i ke kanoa, i ka mauu, i ka puawa, me na mana awa elua i mama mua ia: “Lawe oe i keia a ko haku, hoike aku, a i olelo mai nau e mama, ae aku no. Alaila, huli ae oe a ma kahi poeleele, waiho oe i ka puawa okoa, lalau iho oe i na mana i wali, a hoka iho i loko o ke kanoa, alaila, e mahalo kela i ko hikiwawe, no ke mea, pela wau i ko’u wa e noho ana me ia. A pau ka awa i ka hoka, haawi aku oe i ko haku, alaila, holo mama oe i na hinalea elua a kaua i hooholo ai i ka hapunapuna, lawe mai oe i pupu no ka awa o ko haku, i pau ka mulea awa o ka waha o ko haku.”

When Kuapakaa came to the presence of Keawenuiaumi, he said: “Here is my awa for you.” The king looked and saw that it was quite a large piece, so he said: “You had better prepare it for me.” Kuapakaa then turned into a dark corner, took the portions already prepared, strained the same and handed the cup to the king. The boy then ran for the fish, the two hinalea, and shortly after he returned with them to the king.

A hiki o Kuapakaa i mua o Keawenuiaumi, olelo aku la: “Eia kuu wahi awa nou.” Nana mai la ke ’lii a ike he puawa nui, olelo mai la: “Nau no e mama.” Huli ae la o Kuapakaa ma kahi poeleele a hoka iho la i na mana i wali mua, haawi aku la i ke ’lii, a holo aku la i na hinalea elua, a hoi mai la i mua o Keawenuiaumi.

Because of these things performed by the boy, Keawenuiaumi complimented him for being quick and for carrying himself like a person who has always lived with kings, and for conducting himself so well. The king then drank up the awa and as the effects of it stole over him, combined with the weariness of a hard and eventful day, he fell into a deep sleep.

No keia mau hana a ke keiki, mahalo iho la o Keawenuiaumi i ka eleu, me he kanaka makua ala, ua noho me na ’lii a maa ka makaukau. Inu iho la ke ’lii a ona, moe iho la, hui ae la ka ona o ka awa me ka maluhiluhi o ke kai, o ka moe ka hana.

Upon seeing this, Kuapakaa decided to uncover the wind calabash, Laamaomao, and to keep it uncovered, so that the winds would continue to blow and the storm hold for days; and in this way keep the king with him. So Kuapakaa uncovered Laamaomao, and the storm kept up day after day; and by it the expedition for the search was postponed. Because of this storm Keawenuiaumi and his men were forced to wait for the abating of the storm until one month went by, when their food which had been brought from Hawaii was exhausted. At this, the chiefs went before Keawenuiaumi and told him of their trouble, that they had run out of food. When Keawenuiaumi heard this he sent a man to go and ask of the boy, if he had any food. Said the king: “If he has any food, tell him that we are without any.”

Nolaila, manao o Kuapakaa, e huai i ka ipu makani ana ia Laamaomao, i pa ka makani, mau no ka ino, noho no ke ’lii me ia. Wehe ae la o Kuapakaa i ke poi o Laamaomao, a pa iho la ka ino i kela la i keia la, ma keia ino i lohi ai ka holo o Keawenuiaumi. Pela ko lakou kali ana i ka malie, a hala hookahi malama, pau ae la ko lakou koena ai, o ka hele ana mai Hawaii mai. Ia wa, hele mai na ’lii o Hawaii ia Keawenuiaumi, hai mai la i ko lakou pilikia nui o ka pololi, a lohe o Keawenuiaumi, i ka lakou olelo. Hoouna aku la o Keawenuiaumi i ke kanaka, e ninau aku i ke keiki he ai paha kana, aole paha. Aka, ina he ai, e olelo aku oe he pilikia ko kakou.

When the man came before Kuapakaa he told him what Keawenuiaumi had said to him. When Kuapakaa heard this, he said: “There is food; but you must go back to the king and tell him the food is up in the uplands. Tell him there are six chiefs here and I have six small patches. Furthermore, if you should go for food, don’t take the big potatoes only and leave the small ones; for if you do so you will not get another chance to go up there for food.” With this the messenger returned to the presence of Keawenuiaumi and reported to him of what the boy had said. When Keawenuiaumi heard this he ordered his men and the chiefs to go up for food.

A hiki aku la ke kanaka i mua o Kuapakaa, hai aku la i na olelo a Keawenuiaumi, a lohe o Kuapakaa, olelo mai la: “He ai no, eia nae, e hoi oe a hai aku i ke ’lii ia Keawenuiaumi, he ai no, aia i uka, e olelo aku oe, eono alii, eono kipoipoi. Eia hoi, i kii oukou i ka ai, mai ohi oukou i ka mea nui wale no, a haalele i ka mea liilii, ina oukou e hana pela, aole oukou e kii hou i ka ai.” Hoi aku la ka elele a mua o Keawenuiaumi, olelo aku la i ka olelo a ke keiki, a lohe o Keawenuiaumi, kena ae la ia i na kanaka a me na ’lii e pii i ka ai.

When they came to the uplands, where the potatoes were growing they saw that there were six large patches, each of very great extent, and were so long that the other ends could not be seen. The men then said to themselves: “How wonderful! The boy said there were six small patches, but here there are six very large patches.” The men then began to dig up the potatoes, and after they had dug up enough, they collected the potatoes and in obedience to the boy’s order, they took the large ones as well as the small ones and returned with the potatoes to the beach, lighted the ovens, and after the potatoes were cooked, they sat down and ate their fill.

A hiki lakou i uka, nana aku la lakou i na mala uala eono, nui launa ole, a loihi no hoi ke nana aku. Olelo ae la kekahi i kekahi: “Kupanaha, olelo mai nei hoi ua keiki nei, he mau wahi kipoipoi wale no, eia ka hoi, he mau mala nunui.” Koki iho la lakou, a nui ka ai, hoiliili iho la, e like me ka olelo a ke keiki mai ka mea nui a ka mea liilii, a hoi aku la a hiki i kai, hoa ka umu, a moa ae la, ai iho la lakou. Hele mai la o Kuapakaa a hiki olelo mai la ia lakou: “E auhea oukou o ka uala nui o ka oukou ia, O ka mea liilii o ka’u ia.” “Kahaha, aole peia, i uala nui no kekahi au, no ka mea, nau ka ai.” “Aole,” pela aku o Kuapakaa, “o ka ai nui na oukou no ia, o ka ai liilii o ka’u ia. Penei nae oukou e hana ai; e ihi oukou a pau ka ili o waho, alaila, kaulai i ka la a maloo.” O ke ano o keia, he ao maloo.

After this Kuapakaa came to them and said: “I want you to take the large potatoes for your own use and keep the small ones for me.” “Why, no, not so; you must have some of the large ones, too, because the potatoes are yours.” “No,” said Kuapakaa, “you take the large ones and save the small ones for me. But I want you to do this: peel the skin and then set out the potatoes to dry.” The people then asked Kuapakaa: “What do you intend doing with the food, boy?” Kuapakaa replied: “I am doing this, because I know you will eat up those potato patches and the bad weather of this land generally comes about this time, when the sea will be rough, which will keep you here for some time, for there are three bad months yet to come; Makalii, Kaelo and Kaulua. In the month of Olana, it is possible that fine weather will come, then you people will be able to get away. By that time my potatoes will all be consumed by you, but by doing this, saving and drying out the small potatoes, I will not be without food and will not be hungry, for I shall then live on the small potatoes which I ask you to keep for me. With this food I will be supplied during the time of planting and care of a new crop.” This talk by Kuapakaa, although true, was intended to deceive them, for Kuapakaa well knew that Keawenuiaumi was going to urge that he go along with him in the search for Pakaa, when good weather once more prevailed. The men, in obedience to this order, faithfully kept all the small potatoes after every cooking day.

Ninau mai la lakou: “Heaha ke ano o keia hana au e ke keiki?” I aku o Kuapakaa: “No ko’u manao, e pau ana kela mau mala uala ia oukou, a e hiki mai ana ka manawa ino o keia aina, e kaikoo ai ka moana o kai, a e loihi ana no hoi ko oukou noho ana i anei, no ka mea, ekolu malama ino i koe, o Makalii, Kaelo, Kaulua. I Olana paha hookau ka malie, alaila, oukou holo, nolaila, e pau ana ka’u ai ia oukou; aka, i hoi oukou, aole au e wi ana, aole no hoi e pololi, no ka mea, ua ola au i ka ai liilii a oukou e hoiliili nei, loaa hoi ko’u o e mahiai aku ai i ai na’u.” O keia olelo a Kuapakaa, he olelo maalea, he olelo huna, aole ia o ke ano maoli. Ua ike no o Kuapakaa, e koi ana no o Keawenuiaumi, e holo e imi ia Pakaa, ke malie, nolaila, ua malama loa na kanaka i ka ai liilii, i kela umu keia umu ke kalua ai lakou.

When Keawenuiaumi left Hawaii on this expedition, he left word with the chiefs and the common people that he would take up a month in the search for Pakaa. He was, however, mistaken in this, for he was in Molokai for four months. In this prolonged absence the people of Hawaii began to mourn for their king, believing that he was dead. After staying in Molokai for four months, the followers of Keawenuiaumi began to think of their wives, children and parents, and there was a general feeling amongst them that they abandon the search for Pakaa and return to Hawaii.

Eia nae, ia Keawenuiaumi ma i holo mai ai mai Hawaii mai, olelo aku ia i na ’lii o hope a me na makaainana, hookahi mahina e holo mai ai e imi ia Pakaa, aka, ua hala na mahina eha ia lakou ma Molokai, o ka noho ana. Ma keia noho loihi ana o Keawenuiaumi ma, kanikau na makaainana o Hawaii ia ia, e manao ana ua make. A hala na mahina eha i ka noho ana ma Molokai, hu mai la ke aloha o ka wahine, ke keiki, a me ka makua, nolaila, pau ka manao hele e imi ia Pakaa, o ka hoi wale no i Hawaii ka pono.

At the expiration of the four months, during which bad weather was to prevail as predicted by Kuapakaa, he closed the wind calabash of Laamaomao, and good weather was once more experienced. He then said to the people: “This is Olana, the pleasant month, then come Welo and Ikiikii (May and June), the period of time when the fisherman’s fish line is always wet. These months are the pleasant months, and hence the fisherman’s line is never dry, because they go out fishing every day.” He then said to the chiefs and men: “Bind the lashings of the canoes, for I have kept you for four months because of the bad weather; now that good weather has come, you must return home.” When the chiefs heard this, they made ready their canoes, renewed the lashings, and pushed the canoes out into the sea and moored them, for the expedition of kings is ever alert. Very late that evening, when it was almost midnight, Kuapakaa called out in a chant, as follows:

A pau na malama ino eha a Kuapakaa i olelo ai, popoi iho la ia i ka ipu makani o Laamaomao, hookau mai la ka malie. Olelo aku la ia: “Olana keia o ka malama malie, o Welo, o Ikiiki, o ke aho pulu a ka lawaia, he mau malama malie wale no keia; nolaila, maloo ole ai ke aho a ka lawaia, no ka holo mau i kai.” I aku la ia i na ’lii me na kanaka: “E hoa na waa a paa, no ka mea, ua kaohi aku wau ia oukou no na malama ino eha, a ua malie, e hoi oukou.” A lohe na ’lii i keia olelo, makaukau iho la na waa a paa i ka hoa, hoolana aku la i loko o ke kai, me ka paa i ka hekau ia, no ka mea, he huakai pulale ka ke ’lii. A ahiahi loa, aneane e aumoe, kahea aku la o Kuapakaa ma ka paha penei:

Arise! Arise! Arise!
The night is spent, the night is spent.
All tiredness, soreness and weariness have vanished;
Also darkness that prevents the sailing of canoes.
Arise! Arise! Arise!
Hikiliimakaounulau is up,
The star at the end of the land.
Arise, make a move! Arise, make a move!

E ala! e ala! e ala!
Ua kulu ka po! ua kulu ka po!
Pau ka luhi, ka eha, ka opa,
Ka maka pouli o na waa la.
E ala! e ala! e ala!
Aia i luna o Hikiliimakaounulau,
Ka hoku i ka palena o ka aina.
E ala! e eu! E ala! e eu!

Upon hearing this, the chiefs said: “How strange! it is not yet anywheres near daylight, but the boy is calling us to sail off. This is only in the early evening.”

Ma keia olelo a ke keiki, olelo ae la na ’lii: “Kupanaha! Aole hoi i kokoke aku i ke ao, o ka hea okoa mai nei no ia e holo, eia no ka i ke ahiahi okoa.”

Chapter IV.

Departure from Molokai.—The Names of the Six Districts of Hawaii.—The King Desires Kuapakaa to Accompany Him.—The Boy Consents Under Conditions.—They Start Off.—Meeting With Adverse, Cold Winds, the Two Sailing Masters Fall Overboard.

Mokuna IV.

Ka Haalele ana ia Molokai.—Na Inoa o na Moku Hawaii Eono.—Makemake ke ’Lii e Holo pu o Kuapakaa me ia.—Ae ke keiki Malalo nae o na Kumuaelike.—Hoomaka Lakou e Holo.—Halawai me na Makani Anu Pahili, Haule na Hookele Elua mai ka Waa.

By this expression used by the chiefs, it was their intention to delay their sailing until the change of the Milky Way, after midnight, when they would make the start. Hearing this expression, Kuapakaa again called out; this time naming the six different districts of Hawaii, and also the six chiefs.

O ko na ’lii manao ma keia olelo a ke keiki, e waiho a huli ka ia i ke kau o ka po, alaila holo. Nolaila, hoomaka hou o Kuapakaa e kahea ma ka inoa o na moku eono o Hawaii, e pili ana i na ’lii eono o Hawaii:

The Names of the Districts.

Arise, Kona, land of the calm seas!
The shady clouds of Keei are flying.
The clouds are like ridge poles over Weli.
How long you have indeed slept!
When I mentioned you the fact,
You sit calmly and make no stir.

Make a move, Kohala, arise!
Make a move, Kohala, thou of the solid step,
Causing Papa the begetter of the isles, to hearken,
The one who gave birth to Koolau.

Arise, Hilo!
Hilo of the incessant rains of the sharp head.
The flower of the lehua is withered
By the pelting down of the rain,
Prepare the ki leaf in the calm
For the net-fishing of the nehu at Punahoa.

Arise, Puna!
Puna the land made fragrant by the hala
From one end to the other,
To the very breadfruit trees of Kailua
That stand unmolested by the winds of Kau.

Arise, Kau!
Kau the large windy land,
Land where the current draws to Alae,
Where the canoes sail here and there,
To Kailikii, to Kaulana,
Sailing singly, sailing in pairs,
Sailing by threes, sailing by fours,
Sailing by fives, sailing by sixes,
Sailing by sevens, sailing by eights,
Sailing by nines, sailing by tens.
They all sail, the small canoes,
The canoes of the chiefs must sail.

Na Inoa O Na Aina.

E ala e Kona, aina kai pohu i ka hau!
E lele ana ke ao pohu o Keei,
He ao kaupoku ia no Weli,
Weliweli, wale ko’u moena,
Ko’u hai wale ana ia oe,
Nohowale iho la oe, pale ko eu,

Eu e Kohala—e!
E eu e Kohala, ka unupaa,
A haliu o Papa hanau moku,
Ka mea nana i hanau o Koolau,

E ala e! e Hilo e!
O Hilo ua poolipilipi i ka umulau,
Ua mae ka pua o ka lehua
I ka hehihehi a ke kuaua,
E aha lai i ka malie,
Lawaia huki heenehu o Punahoa.

E ala, e Puna e!
O Puna aina ala i ka hala
Mai ke kila no a akiaki,
O na ulu o Kailua,
Aeae kukio makani o Kau.

E ala e Kau e!
Kau nui aina makani,
Ko ke au i Alae
Kapaepae ka waa e holo,
I Kailikii, i Kaulana,
Holo kookahi, holo koolua,
Holo kookolu, holo kooha,
Holo koolima, holo kooono,
Holo koohiku, holo koowalu,
Holo kooiwa, holo kooumi.
Holo na pou, na waa liilii,
Ka waa o na ’lii e holo.

After this call of the boy, the chiefs and the men arose about midnight, boarded their canoes and set sail, and when out at sea they hove to and awaited for the canoe of Keawenuiaumi, which was to come later; for the king had given them his order to go to sea and await his coming. In waiting for the king, the chiefs allowed their canoes to drift away; and in drifting they all fell asleep. The men who were anxious to get back home then headed the canoes for Kawaihae in Kohala, Hawaii; at daylight the next day, the chiefs awoke and when they looked about them they saw that the land in sight was Hawaii. Instead of getting angry, they felt happy, for they knew that they were about to see their wives and children; they, however, felt some regrets, for they loved their king, Keawenuiaumi.

Mahope o keia olelo kahea a ke keiki, ala ae la na ’lii a me na kanaka i ke aumoe, a ee ae la kela alii, keia alii i kona waa, a holo aku la, a ka moana lana mai, koe iho la o Keawenuiaumi mahope. Ua kauoha ke ’lii ia lakou, e holo a ka moana kakali mai ia ia, ma keia holo ana, ua hookelekele lakou, mai Molokai a Oahu, e like me ka moku. Ma keia hookelekele ana o lakou, ua pau loa i ka hiamoe i luna o na waa, nolaila, ua holo na waa a pae ma Kawaihae, i Kohala, Hawaii. I ke ao ana ae, nana aku lakou o Hawaii keia aina, olioli iho la lakou, no ka ike i ka wahine me ke keiki, aka, ua nui ko lakou aloha no ke ’lii, no Keawenuiaumi.

At daylight, a man came to Kuapakaa from the king with the request that he go to the king. When Kuapakaa came before Keawenuiaumi the king said: “I have sent for you to ask you that you accompany me to Kaula and back.” Kuapakaa replied: “I cannot go with you, for I would be leaving my old man by himself and he is very weak.” But since the king kept on urging him, Kuapakaa agreed to accompany the king. This by the way was the wish of Kuapakaa. In giving his consent, Kuapakaa made his going conditional, saying: “I am willing to go with you, if you will take my things along. If you allow this, I will accompany you; but if you will not allow my things to go along, I will not go with with you.” The king gave his consent, saying: “I am willing that you go with your things.” Keawenuiaumi then told the men to take the things belonging to the boy and place them on the canoe, believing that this would allow the boy to accompany him.

A ao ae la kii aku la ke kanaka ia Kuapakaa, ma ke kauoha a ke ’lii e hele mai i mua ona. A hiki o Kuapakaa i mua o Keawenuiaumi, olelo mai la: “I kii aku nei au ia oe, e holo pu kaua i Kaula a hoi mai.” Olelo aku o Kuapakaa: “Aole au e hiki, e haalele iho auanei au i kuu wahi pupu elemakule, no ka mea, ua palupalu.” A no ke koi pinepine a ke ’lii, ae aku la o Kuapakaa e holo pu, o kona manao no ia o ka holo pu me Keawenuiaumi. Nolaila, olelo aku la o Kuapakaa ia Keawenuiaumi: “He ae no au e holo pu me oe, ke ili nae kuu wahi ukana, alaila, holo kaua, a i ole e ili, aole au e holo me oe.” Ae mai la ke ’lii: “He ae no au e holo oe a me ko ukana pu.” Kena ae la o Keawenuiaumi i na kanaka, e kii i ka ukana a ke keiki a lawe mai, no ka mea, ua manao o Keawenuiaumi o ia ka mea e hiki ai ke keiki.

When the men came to the place where the boy’s things were, they looked and saw a large log of wood as long as the double canoe of the king. When the men saw this log they expressed their doubts as to its being able to be carried by the double canoe for they feared that it would be too much of a load. The men, however, took it up with some difficulty and placed it on the canoe, which set the canoe deep in the water. The boy then pointed to another thing, a rock, with a groove cut around it; thus making two things the boy wished placed in the canoe.

A hiki na kanaka i kahi o ka ukana, i nana iho ka hana, he laau nui, ua like ka loa me na waa o ke ’lii, o Keawenuiaumi. Olelo iho la na kanaka, ina paha e kau keia laau nui i luna o na waa, o ke komo no ia, no ka nui launa ole. Amo ae la lakou me ka hiki inoino loa, a hooili i luna o na waa, a aneane na waa e komo no ke kaumaha loa; kuhikuhi hou ke keiki i kekahi ukana ana, he pohaku, ua hana ia a puali, alua ana ukana.

This large log of wood was hollow and contained food and various other things. Because of this large log, the men gave the boy the name, “The boy of Kaluakoi with the large package.” After the things belonging to the boy had been placed on the double canoe, Keawenuiaumi and Kuapakaa, as well as the rest of the men, boarded it and set sail.

O keia laau nui, he ukana o loko, he ai, he ia a me na mea a pau loa. No keia laau nui, kapa na kanaka ia ia: “O ke keiki opeope nui o Kaluakoi.” A pau na ukana a ke keiki i luna o ka waa, ee aku la o Keawenuiaumi me Kuapakaa, a me na mea a pau loa i luna o ka waa, a holo aku la.

In setting out, they experienced pleasant winds, called Kaao; Kuapakaa at once looked at the two sailing masters and asked that they give him one of the paddles, but they refused, saying: “We cannot give you one because this is our sign of authority. We will be blamed if we surrender it to you.” By this Kuapakaa wanted to place the responsibility upon their own heads, in case of coming disaster, for these were the very men who had made things so unpleasant for his father, Pakaa, who was forced to go away from the presence of Keawenuiaumi.

Ma keia holo ana, he maikai ka makani, he kaao; ia wa nana aku la o Kuapakaa i na hookele, a nonoi aku la i kekahi hoe ia ia, hoole mai la na hookele: “Aohe maua e haawi aku ia oe, no ka mea, o ko maua haawina no ia; hewa maua ke lilo ia oe.” Ma keia hana a Kuapakaa he imihala i na hookele, no ka mea, o na hookele ko Pakaa mea i hele ai mai a Keawenuiaumi mai.

The canoe sailed on and passed to the lee of Oahu, then on into the sea of Kaieiewaho, where they saw Kauai; after a time they went past Waimea. At this place Kuapakaa uncovered his wind calabash, Laamaomao and immediately they were encompassed by a terrible storm. In meeting this storm the king did not worry for he had the boy with him. When they were beset with this storm, Keawenuiaumi asked of the sailing masters: “What are we to do?” The two were unable to make answer, at that time, for the waves were beating into the canoe, and it was only being kept afloat through the exertion of the bailers. Soon after this the storm increased and the wind and rain were terrible; the thunder and lightning too was severe, and they began to drift away until Kauai was almost lost to their sight.

Holo mai la lakou mai Molokai a kalewa mawaho o Oahu nei, malaila aku a ke kai o Kaieiewaho, ike lakou ia Kauai, a mahope, holo ana lakou mawaho o Waimea. Alaila, wehe ae la o Kuapakaa i ke poi o ka ipu makani o Laamaomao, a halawai lakou me ka ino ia wa, i keia pilikia ana, ua oluolu no ko ke ’lii manao no ka holo pu ana o ke keiki me ia. Ma keia ino ana, ninau aku la o Keawenuiaumi i na hookele: “Pehea ka pono?” Aole hiki ia laua ke ekemu mai; ia wa, e komo ana ka ale iloko o na waa, aka, ua ikaika na ka liu. Ia wa, hiki mai ka ino a nui loa, aole o kana mai ka ua me ka makani, ka hekili me ka uwila, a aneane e nalowale o Kauai.

As the storm increased, Keawenuiaumi turned to the boy and asked: “What about this storm?” Kuapakaa answered: “I have nothing else to meet it, except this rock; it must be cast out to serve as an anchor to hold the canoe and in that way prevent our being blown away by the wind and lose sight of land.” At this, Keawenuiaumi surrendered the entire command of the canoe to Kuapakaa; it was his to carry them to destruction or to safety. Kuapakaa then opened out one end of the log, and taking out a rope he fastened it to the rock, and threw it into the sea, and they were held in one place.

Ma keia ino i loohia ai ia lakou, ninau aku la o Keawenuiaumi i ke keiki: “Pehea ka ino?” I aku o Kuapakaa: “Aohe a’u pono e ae, eia wale no, e hoolei ka pohaku nei la i ke kai i heleuma no na waa e paa ai, e aho ia, aole kakou e puhi ia e ka makani, a nalowale ka aina.” Ia wa, hooili mai la o Keawenuiaumi i na hana a pau loa ia Kuapakaa, ia ia ka make, a me ke ola; alaila, unuhi ae la o Kuapakaa i ke poo o ka laau a lawe ae la i ke kaula a nakii iho la i ka pohaku, a hoolei aku la i loko o ke kai, a paa iho la lakou i kahi hookahi.

When Kuapakaa saw that the men and the king were shivering from the intense cold, that their hair hung down straight and every one was suffering, he took out some palm leaves from the log and gave the men one apiece and one to the king; but he did not give the sailing masters, Hookeleihilo and Hookeleipuna, any. Soon after this he took out food and meat from the log, and gave some to the men and to the king; but he again refused to give anything to the sailing masters.

A ike o Kuapakaa i ke anu o na kanaka a me ke ’lii, ua huluhulu loloa, ua haukeke, alaila, unuhi ae la ia i ka lau o ka loulu mai loko ae o ka laau, a haawi pakahi aku la i na kanaka, a me ke ’lii, o Keawenuiaumi, i ka ao loulu, a koe na hookele, oia o Hookeleihilo a me Hookeleipuna, aohe o laua ao loulu. Mahope o keia, haawi aku la o Kuapakaa i ka ai a me ka ia i na kanaka, a koe o Hookeleihilo a me Hookeleipuna, aohe ai a laua.

By this action of Kuapakaa the two sailing masters were in great distress, for they were shivering with the cold and were in great need of food. Not very long after this, Hookeleihilo fell overboard, unable to withstand any longer the terrible sufferings. At this the man who sat in front of Hookeleiho called out: “Hookeleihilo has fallen overboard.” Not very long after this, Hookeleipuna succumbed and he too fell overboard, dead; thus were the two sailing masters disposed of.

Ma keia hana ana a Kuapakaa, ua pilikia loa na hookele i ke anu a me ka pololi, aole i liuliu iho, pahu ana o Hookeleihilo i loko o ke kai mahope o na waa. Kahea mai la ke kanaka mamua iho o Hookeleihilo: “E! Pahu aku la o Hookeleihilo i loko o ke kai!” Aole i liuliu iho, make o Hookeleipuna, pau loa na hookele i ka make.

Chapter V.

At Death of Pakaa’s Enemies, Calm Prevails.—The Boy Is Made Sailing Master.—He Directs the Canoes to Hawaii.—The Men Are Made Glad, but the King Is Sad at Failing to Find Pakaa.—Kuapakaa Foretells His Neglect by the King.—Landing at Kawaihae He Is Deserted.—He Joins Two Fishermen and Makes a Fair Catch.—Falling in with a Six-manned Canoe He Wagers on a Race, Single-handed, Against All Eight and Wins.—He Hides the Fish in the King’s Canoe.—They Plan a Canoe Race to Take Place in Kau, Life to Be the Forfeit.

Mokuna V.

I ka Make ana o ko Pakaa mau Enemi, Halii ka Malie.—Hoolilo ia ke Keiki i Hookele.—Kuhi Oia i ka Ihu o ka Waa i Hawaii.—Hoohauoli ia na Kanaka, aka, Hookaumaha ia ke Alii i ka Loaa ole ana o Pakaa.—Wanana o Kuapakaa i Kona Hoowahawaha ia e ke Alii.—I ka Pae ana ma Kawaihae, Haalele wale ia Oia.—Hui oia me Elua Mau Kanaka Lawaia a Loaa Kana mau wahi I’a.—Halawai oia me ka Waa Eono Kanaka, a Pili Heihei Hookahi Oia me na Kanaka Ewalu a Eo Iaia.—Huna Oia i ka I’a Iloko o ko ka Alii Waa.—Hooholo Lakou e Malama ia he Heihei Waa ma Kau, a o ke Ola ke Kumu Pili.

When Kuapakaa saw that the enemies of his father, Pakaa, were dead, he closed the wind calabash, Laamaomao, and immediately the storm abated and a great calm came over the ocean. At the coming of the pleasant weather, the office of sailing master was given over to the boy. But before this, the king said to the boy, that he wished to continue the search of Pakaa at Kaula. After giving this order the king and the men all fell asleep, for they were worn out with the efforts to save themselves during the storm.

A ike o Kuapakaa, ua make na enemi o kona makuakane o Pakaa, alaila, popoi iho la ia ia Laamaomao, o ka malie koke iho la no ia a pohu haalele loa. A malie iho la, lilo ae la ia ia ka hookele o na waa, aka, ua olelo mua aku o Keawenuiaumi i ke keiki, e holo i Kaula i o Pakaa ala. Mahope o ia olelo ana, pauhia iho la ke ’lii i ka hiamoe a me na kanaka, no ka luhi i ke kai.

After they had all fallen asleep a fair wind from land sprung up; Kuapakaa then swung the canoe around as well as the sail and sailed straight for Hawaii, all that day and night until daylight of the next day, when they saw the top of Maunakea above the mist, passing and repassing in the distance like a pointed cloud. At this the men all woke up at the call, “There is Hawaii.” Some said that it was not Hawaii; but when they got nearer to Kawaihae, they were made certain that it was Hawaii. This was the cause of great rejoicing amongst the men; but Keawenuiaumi was not at all made happy for he had failed to find his servant Pakaa, and had not reached Kaula.

A pau lakou i ka hiamoe, pa mai la ka makani maikai ma ka aina mai, hoololi ae la o Kuapakaa i na waa a me ka pea, a holo pono i Hawaii. Ia la a po, a ao ae, ike aku la lakou i ka piko o Maunakea i loko o ka ohu, e maalo ana me he opua la. O na kanaka a pau o luna o ka waa, aia ae la lakou, aia o Hawaii; hoole kekahi poe, aole ia, a kokoke loa lakou e komo i Kawaihae, alaila, maopopo iho la ia lakou, o Hawaii keia. Nolaila, olioli lakou i ka hiki i Hawaii, aka, o Keawenuiaumi, he minamina loa ia i kana kauwa ia Pakaa, no ka hiki ole ana i Kaula.

As the canoe drew near the land the men became excited, for they were to see their wives and children after a long separation. Upon seeing this, Kuapakaa said to them: “Say, what a disappointment it will be for the boy.” They asked: “Why?” Kuapakaa replied: “He will be neglected as soon as the canoe touches land.” Lapakahoe then asked: “Why should you be neglected?” Kuapakaa replied: “I see that you are all excited and are anxious to land; and when you do, and meet your wives and children you will forget me and I will get left, for I have no friends here.” Lapakahoe said: “The king will not forget you, because by you these bones were saved.” “That may be so, but the boy will be forgotten as soon as the canoe touches land.” These words of Kuapakaa were realized and proved too true, as the following events will show.

O na kanaka a pau o luna, ua pihoihoi lakou no ka pae i ka aina, a ike aku i ka wahine, me ke keiki, nolaila, olelo e aku o Kuapakaa, ia lakou, penei: “E, ehia mea aloha o ke keiki.” Ninau mai lakou: “I ke aha hoi?” I aku o Kuapakaa: “I ka haule i ka hapaina waa.” I mai o Lapakahoe: “I ke aha kou mea e haule ai?” Pane aku o Kuapakaa: “Ua ike aku nei au i ko oukou pihoihoi, e ake no e lele i uka. Nolaila, ina paha kakou e pae aku, uwe ka wahine, uwe ke keiki, nolaila, poina iho la au, ka mea makamaka ole mahope.” Olelo aku o Lapakahoe: “Aole oe e poina i ke ’lii, no ka mea, i ola keia mau iwi ia oe.” “Oia paha. O ke keiki ka hoi ka mea aloha, i ka haule i ka hapai waa ana.” O keia mau olelo a Kuapakaa, ua ko io no, aole i hala, ua pololei loa e like me kana olelo wanana mamua.

When they touched land at Kawaihae, everybody landed and there was weeping by the women and by the children, and while doing this, the boy was entirely forgotten. Kuapakaa, not having any other place to go to, stayed by the canoes day and night, sleeping under them at night. In living at this place, the boy had no friends, and the food he lived on was the dried potatoes saved in his log of wood.

A pae aku la lakou i Kawaihae, lele aku la kela mea keia mea i uka, uwe ka wahine, uwe ke keiki, ilaila lakou i lalau ai, poina loa iho la ke keiki. Noho iho la o Kuapakaa i na waa o lakou, i ke ao a me ka po, malalo o na waa, ma keia noho ana, aohe makamaka, o kana ai, o ka ai i maloo a lakou i holo mai ai.

Some time after this, Kuapakaa heard that the season for flying-fish had commenced at Kohala, so very early one morning he came upon a couple of fishermen, who were fastening on the lashings of their canoe, making preparations for going out fishing for flying-fish. When he saw the men, he said: “What are you two going to do with the canoe?” “We are making ready to go out fishing for flying-fish.” “Will you let me accompany you in your canoe?” “No, it will be too much of an extra load for the canoe.” Kuapakaa replied: “Do you think so? I believe every canoe ought to have a bailer. If I accompany you, I know that I don’t share with you on your catch. I know how to fish, and if I make a large catch, I will have to share with the rowers; and even if the catch be small, I must share with you on my catch. In this way, you can see, I will not in any way be entitled to a division of your catch.” As the boy spoke pleasantly and in a way, wisely, the men gave their consent and expressed their willingness to take Kuapakaa along with them.

Ia ia i noho ai malaila, lohe aku la ia ua malolo o Kohala; a lohe ia, hele aku la i ke kakahiaka nui, e hoa ana keia mau mea elua i ka waa, e holo ai i ka malolo. Olelo aku la o Kuapakaa ia laua: “He waa aha ko olua?” “He waa holo i ka malolo.” “Owau hoi ha kekahi e kau ma ko olua waa?” “Aole, e komo auanei ka waa.” I aku o Kuapakaa: “U. I pono hoi ka holo ana o ka waa, he kaliu kekahi; ina hoi kakou e holo, aole o ko olua haawina ke lilo mai ana ia’u, no ka mea, ua ike no au i ke ano o ka lawaia ana; ina e nui ka loaa ana o ka malolo, e pa kaau ka haawi ana o na pahoe; ina hoi e uuku, e pa kauna ka haawina o na pahoe; nolaila, aole o ko olua haawina ke lilo mai ana ia’u.” A no ka maikai o ka Kuapakaa olelo, nolaila, ae na kanaka nona ka waa e holo o Kuapakaa i ka pahoe malolo.

Upon coming to the fishing grounds, several flying-fish were caught, a fair division was then made and they headed for home. On their return they met a canoe which was manned by six paddlers, while the canoe in which Kuapakaa was a paddler had only three. When Kuapakaa saw the other canoe, he said to his two companions: “Let us have a race with that canoe, and make a wager, our flying-fish, that we can beat them.” This proposition angered one of his companions, who said: “Why, who said so? How can you beat six men in a canoe race?” Kuapakaa said to the one who made the answer: “You had better get into that other canoe, making seven of you, and the two of us will race the seven of you.”

Holo aku la lakou i ka pahoe malolo, a loaa ka malolo, haawi pa kaau iho la na ia i na pahoe; mahope o laila, hoi mai la lakou. Ma keia hoi ana, hui mai la kekahi waa me ko lakou waa, eono nae kanaka o ia waa, ekolu no hoi lakou nei o ko lakou waa. I aku o Kuapakaa, i kona mau kanaka hoa holo: “E heihei ko kakou waa me ko lakou la waa, a e pili na kaau malolo a kakou me ia waa.” Alaila, huhu iho la kekahi kanaka ia ia, a olelo mai la: “Kahaha! wahi a wai, e eo ia oe na kanaka eono ke heihei?” I aku o Kuapakaa i ke kanaka i olelo mai ia ia: “E hoi hoi ha oe ma kela waa, hui, ahiku oukou o ko oukou waa, a i elua no hoi maua ma keia waa?”

The other man then replied: “I am afraid I will be deprived of my share of our catch. How can our strength be compared to the strength of all such full grown men? We will never be able to beat them.” When Kuapakaa heard this, he said to the man: “You can take the other canoe then, making eight of you, while I shall take this canoe all by myself; and let us place our shares as our wagers. If you get ashore first, you can have my catch and if I make land first I will take your catch.”

This satisfied the others and they asked that Kuapakaa hand over his share of the fish for them to hold; but to this Kuapakaa replied: “No, I think you ought to give me the fish and I act as the stake-holder; because if I beat you, you will be apt to keep the stakes, and if I jump in to take it from you, you would beat me, for there are too many of you and I am all alone. But on the other hand, if you beat me, I will not be able to keep the stakes away from you for you are too many for me, you can take the stakes away from me anyhow.” There was nothing wrong in this, so it was agreed, and the fish were handed over to Kuapakaa. Soon after this, the preparations for the race commenced and the canoes were brought to the mark. As soon as the word was given, the paddles all came down with a jerk and away the two canoes went.

Pane aku la kekahi kanaka, o ka lua ia: “E lilo auanei ka’u kaau malolo ia oe? E puka aku no auanei ko kaua ikaika i mua o na kanaka makua? Aole e puka.” A lohe o Kuapakaa, olelo aku la ia: “Ou hoi hoi ha ma kela waa, hui awalu oukou, owau no hoi ma keia waa, heihei kakou, o na kaau malolo ka pili a kakou? Ina oukou e pae e i uka, alaila, lilo ka’u mau malolo ia oukou; a ina hoi owau ke pae e i uka, lilo ka oukou mau malolo ia’u.” Ma keia mau olelo a Kuapakaa, ae lakou. Nolaila, nonoi mai la lakou i ka Kuapakaa kaau malolo, e haawi aku ia lakou e paa ai ka pili, i aku o Kuapakaa: “Aole, i ko’u manao, o ka oukou ke haawi mai ia’u e paa ai. No ka mea, ina oukou e eo ia’u, aole e loaa mai, lele aku au aumeume, eha au ia oukou, no ka mea, he nui oukou, hookahi au; a ina au e eo ia oukou, alaila, aole au e aua ia oukou, no ka mea, aole au e lanakila maluna o oukou, hookahi au, he paapu oukou; nolaila, aole oukou e maka’u ia’u.” Ma keia mau olelo maikai a Kuapakaa, ua ae lakou, a hoomakaukau iho la lakou e heihei, kaulike iho la lakou a kupono na waa, oia iho la: “Oia,” o ka manawa ia i hoe ai.

On the start the canoe containing the eight men took the lead, while the one containing Kuapakaa was left to the rear. As soon as Kuapakaa saw this, he called out to his grandmother, Laamaomao, to send him three surfs to carry his canoe to shore. Soon after the call, a large surf came from behind him and then another and another; by these surfs he was taken ashore. The other people, when they saw the surfs coming, were frightened, they being too large, and so they held back their canoe; in this way Kuapakaa rode in on the surfs alone and landed ahead of the others. As soon as Kuapakaa landed, he took the flying-fish and hid the whole lot within the canoe of Keawenuiaumi. When the others came ashore, they asked of Kuapakaa about the fish, saying: “Where is our fish?” “There is none left, I have given the whole lot away, for I knew it was mine.”

Ia lakou e hoe ana, kaa aku la ka waa o na kanaka ewalu i mua loa, a hala hope loa keia ia lakou la. Kahea ae la keia i ke kupunawahine, ia Laamaomao, e hoouna mai i mau nalu ekolu, i mea e pae ai ko ianei waa. Mahope o keia kahea ana, ua ku mai la ka nalu a kiekie loa, mahope o ia nei, nolaila, hooponopono keia mamua o ka nalu a kupono, o ka manawa ia, ua pae keia i uka. O na kanaka makua, makau iho la lakou i ua nalu nei no ke kiekie, a hoemi hope ka waa o lakou i hope loa, nolaila, pae e keia mamua. Ku hou ua nalu, emi hope hou ka waa o lakou i hope, ia lakou i emi hope ai, pae loa aku la o Kuapakaa i uka, a hele aku la e huna i na kaau malolo a lakou i loko o na waa o Keawenuiaumi. A pae aku la ua waa la i uka, ninau aku la ia Kuapakaa, i ka ia a lakou: “Auhea ka ia a kakou?” “Aohe ia i koe, ua pau i ka haawi ia e a’u ia hai, no ko’u ike no ua lilo ka ia ia’u.”

When the men heard this, they were satisfied, but were greatly surprised that such a small boy should beat them. They were, however, determined to try again, and proposed another race, saying to Kuapakaa: “Let us have another race.” Kuapakaa replied: “You can satisfy yourselves on that matter; but the trouble is I have nothing to wager against you.” They all said: “There is always one wager, our bones. If we beat you, you forfeit your life to us, and if you should beat us, why we forfeit ours.” Kuapakaa replied: “I do not want to wager our lives, for if I should win, your wives and children and your friends would weep for you; whereas on my side I am all by myself, without a single relative and can afford to die; but this is not the case with you. So therefore, if you think best we will wager some property, for there is my double canoe over there which you can have if you beat me.” The men replied: “That is not your canoe, it belongs to Keawenuiaumi.” Kuapakaa said: “Keawenuiaumi has no canoe there, that is my canoe. They were merely passengers, for I am the one that is keeping it; had the canoe been theirs they would have stayed by it and taken care of it.” The men then replied: “We do not want the canoe. We would much prefer that our lives be the wager.” The boy assented to this, saying: “All right, why not?”

A lohe lakou, kahaha iho la i ka lilo o ka ia i ke keiki uuku, nolaila, paa ko lakou manao e heihei hou me ke keiki. I aku lakou ia Kuapakaa: “E heihei hou kakou.” I mai o Kuapakaa: “Aia no i ko oukou manao, aka, eia ka hewa, aohe a’u kumu e pili ai ia oukou.” I mai lakou: “Hookahi no kumu, o na iwi o kakou, ina eo oe ia makou, alaila, make oe ia makou, a ina eo makou ia oe, make makou.” I aku o Kuapakaa i na kanaka makua: “Aohe o’u makemake e pili i na iwi, no ka mea, ina oukou e make ia’u, uwe mai ka oukou mau wahine a me na keiki, a me na makamaka. A ina hoi owau ke make, ua pono no, no ka mea, aohe o’u makamaka o keia aina, he wahi keiki hua haule au, ua pono no ke make, o oukou ka hoi. Nolaila, ina manao oukou ma ka waiwai ka pili a kakou, aia no o’u waa ke kau mai la, e lilo no ia ia oukou, ke eo au.” I mai la lakou la: “Aole paha nou ia waa; no Keawenuiaumi ia mau waa.” I aku o Kuapakaa: “Aohe o Keawenuiaumi waa o laila, no’u ia mau waa, he ee waa lakou, no ka mea, owau no ia e kiai nei, ina no lakou ka waa, ina ua noho mai lakou e kiai.” I aku lakou i ke keiki: “Aohe o makou makemake i ka waa, o na kino no o kakou ka waiwai e pili ai.” Ae mai ke keiki: “Ae, heaha la hoi ka hewa.”

The result of the first race was spread abroad about Kohala, Hamakua and Hilo. In the arrangement for the second race the men said to the boy: “The race must take place in Kau. Each canoe must be six fathoms in length.” This arrangement was also spread abroad until it went the whole round of Hawaii.

Ma ka heihei mua, ua kaulana aku la ia, ma Kohala, Hamakua, Hilo. A ma keia heihei hope ana, olelo aku la na kanaka makua: “I Kau e heihei ai kakou, eono anana ka loa o na waa.” Ua kaulana ae la keia heihei ma Hawaii a puni.

Chapter VI.

The Canoe Race in Kau.—Kuapakaa Stipulates to Land Four Times Before His Opponent’s First.—Landing First in His Canoe He Seizes a Surf-board and Comes in Three Times Before They Land.—The King, Hearing of the Race, Sends for the Boy.—Pleads for the Lives of His Men, Dear to Him Through the Loss of Pakaa.—Kuapakaa Reveals Himself and Pakaa.—The Defeated Men Ordered Put to Death.—Keawenuiaumi Orders Kuapakaa to Bring Him Pakaa.—Pakaa Refuses to Return Till Full Restitution Is Made.—The King Agrees, and on Pakaa’s Arrival, Gave Him the Whole of Hawaii.

Mokuna Vi.

Ka Heihei Waa ma Kau.—Ae o Kuapakaa e Pae Eha Manawa Mamua o ka Hiki Mua ana o Kona Hoapaio.—Pae Mua oia ma Kona Waa a Lalau i Kekahi Papa-Heenalu, A Pae ia Iloko no na Manawa Ekolu Mamua o ko Lakou Hoea ana aku.—Lohe ke Alii i ka Heihei, Hoouna ia e Kii ia ke Keiki.—Uwalo no ke Ola o Kona mau Kanaka ana i Aloha ai Mamuli o ko Pakaa Nalowale ana.—Hoike o Kuapakaa Iaia iho a me Pakaa.—Kau ia ka Make Maluna o na Kanaka i Haule Pio.—Kauoha o Keawenuiaumi ia Kuapakaa e Kii ia Pakaa.—Hoole o Pakaa i ka Hoi hou ana Mamua o ka Hooponopono Waiwai ana.—Ae ke Alii, a i ko Pakaa Hiki ana mai Haawi Oia Iaia ia Hawaii Holookoa.

When they reached Kau, the canoes were made ready and moored at the beach. The oven was dug, sufficient wood was brought to the place as well as the stones. These things were made ready because they were the means by which death was to be given the defeated ones, according to their agreement. In this second race many people took the opportunity of offering wagers and accepting the same by the backers of either side; some on the boy and some on the men.

A hiki lakou i Kau, hoomakaukau na waa a kahakai waiho; o ka umu a hamama, o ka wahie a nui, o ke a a waiho ana. O keia mau mea i hoomakaukau ia, no ka mea e eo ma ka heihei ana, alaila, kalua i ka umu, e like me ka olelo hooholo a lakou. Ma keia heihei ana, he nui ka poe pili kakalalo, mahope o ianei a me lakou la.

As the contestants were about to leave shore, for the starting point, the boy said: “Before we start out let us have a final agreement. If I come ashore first, I would not be declared the winner until I have ridden in on four surfs. If I ride the four surfs before you land, then I will be the winner and then you must submit to your fate. This will be the case if you should win. But I suppose you will win anyhow, for there are several of you on your side.” This extra condition was agreed to.

Hoeu mai la lakou la e holo, i aku keia: “Eia ka hooholo loa o ka kakou hana, ina au i pae e i uka nei, eia ka hooholo loa ana o ka make, eha nalu e hee ai. Penei ke ano, i hee au a i pau na nalu eha, a pae ole oukou i laila, ua maopopo ko oukou make, a pela hoi oukou, e like me a’u; aka, ua make no wau ia oukou he lehulehu oukou.” Ua aelike lakou la i keia olelo.

The men then boarded their canoe of six fathoms in length and Kuapakaa boarded his canoe, also of six fathoms in length. The two parties then paddled out to sea until they had reached a point which Kuapakaa thought was far enough and so said to the others: “Let us take this as the starting point.” The others refused to accept this, saying: “We will not accept this as the starting point. Let the starting point be at a distance where the water will hide the shores. When we come to that point we will face about.” Kuapakaa replied: “It will be useless for us to go out any further for there are several of you in your canoe. Why should you fear me, who am all alone? If you had started the race at the edge of the line of surfs, you would have won; but I wish to tell you now that I will beat you anyhow, and that it will be a sad thing for your wives, children and parents.”

Ee ae la lakou ma ko lakou waa, eono ka loa, ee no hoi o Kuapakaa ma kona waa eono ka loa. Holo aku la lakou a hiki i kai, i aku o Kuapakaa: “Eia ka pahu ku o kakou.” Hoole mai na kanaka makua: “Aole keia o ka pahu; aia ka pahu ku o kakou a ale ke kai i luna o ka aina, o ia ko kakou wahi e ku ai a heihei.” I aku o Kuapakaa: “He makehewa wale no ia holo ana i kai, he nui hoi oukou, hohe iho la no oukou ia’u hookahi, e heihei ia aku la no paha e kakou i kuanalu, ina ua eo ia oukou. Nolaila, ke hai aku nei au ia oukou, e make ana oukou ia’u, o ka wahine, o ke keiki, o ka makua ka mea aloha.”

When the houses had disappeared from their view, the men said to Kuapakaa: “Here is our starting point.” Kuapakaa agreed to this; the canoes were swung around, placed side by side, and when they were ready the word was given and the race commenced. On the start the eight men forged their canoe ahead by their powerful strokes of the paddle, while Kuapakaa fell far behind. Upon seeing this Kuapakaa watched how the others were using their paddles, and when he saw them raise their paddles some distance out of the water, and that they held their paddles high up by which action the water was forced up high at every stroke, causing an eddy to be drawn along behind their canoe, he forced his canoe into the current formed by the eddy behind the other canoe. As soon as he had entered into this current all he had to do was to see that his canoe kept in the current. While the others were forcing themselves to keep ahead of the boy, by using very powerful strokes, the boy followed on behind taking his time; and the faster they went the faster the boy followed them. Whenever the boy saw that the others were slackening up he would call out: “Pull harder so you will win.” When the eight men would hear this, they worked all the harder.

A nalowale na hale o uka, i aku la lakou ia Kuapakaa: “Eia ka pahu ku o kakou.” Ae aku o Kuapakaa; ia wa, hookuku lakou a kaulike na waa, a kupono. Ia wa, holo lakou me ka hoe ikaika loa, a puka aku la ka poe lehulehu mamua, kaa hope o Kuapakaa. Nana aku la o Kuapakaa i ka lakou la hoe ana, e unuhi loa ana ka laulau o ka hoe i luna loa, lele pu me ka mapuna kai i luna loa, o ia koieie o ke kai mahope o ka waa, e milo ana me ka ikaika loa. Hoo aku la o Kuapakaa i kona waa maloko o ke kai e koieie ana mahope o lakou la, a holo aku la ma ia mimilo, hookahi a Kuapakaa hana, o ka uli i ka hoe, e hooponopono ai i ka ihu o kona waa, i holo pololei i mua. Ia lakou la e hoopapau ana i ka hoe, a ea mai la, e kau aku ana keia mahope, nolaila, hoopapau lakou la i ka hoe, i mua, alaila, kahea aku o Kuapakaa: “Hoe a ikaika i eo.” No keia leo kahea, hooikaika loa lakou i ka hoe.

When the canoes drew near to the land, the boy’s canoe being directly behind the other, so that he was not clearly seen, the people ashore began to dispute as to the merits of the two canoes, and seeing only one canoe, the people yelled out: “The boy is beaten, the boy is beaten.” After the shouts had ceased, the canoe of Kuapakaa was seen to come out from behind the other and take the lead, causing the multitude backing the boy to raise another shout, for they admired the pluck displayed by the youngster. The canoe of Kuapakaa was seen to draw away from the others farther and farther until it reached land first. As soon as Kuapakaa touched shore he grabbed a surf board and swam out to the surf, according to agreement, but instead of going out to the big surf he took the small ones near the sand, and after he had thus ridden in three times, the eight men landed and were declared beaten by the boy.

A kokoke lakou i uka, hoea aku la ka waa nui o na kanaka mamua, a o ko ke keiki hoi mahope, nolaila, hoopaapaa o uka, me ka olelo: “Ua eo ke keiki! ua eo ke keiki!” A mahope o keia leo uwa o uka, hoea aku la ka waa o Kuapakaa i mua o ko na kanaka makua waa, alaila, olioli ke poe mahope o ke keiki, i ke eo ia lakou, pela ka oi ana o ko Kuapakaa waa a pae i uka. Lalau iho la i ka papa heenalu, a au aku la e heenalu, e like me ka olelo mua a lakou i hooholo ai. Hee koke iho la no o Kuapakaa i ka nalu o uka o ka ae one, a pau ekolu, alaila, pae mai la, ka waa o na kanaka makua, ua eo ia ia nei.

The result of this race was soon carried to Keawenuiaumi, as well as the fate of the eight men, who were fairly beaten by the boy. When Keawenuiaumi heard this, he said: “Yes, it surely must be so. If that small boy is the same one that came along with us then it is possible. If he is the same, then there is no escape, the men will indeed die.” Keawenuiaumi then sent one of his messengers to go and bring the boy to him, in order that he might see for himself. When the boy arrived, the king saw that it was the very same that had accompanied him to Hawaii. At this the king fell on the boy’s neck and wept, because he knew that he had neglected him since leaving the canoe. The actions of the boy in saving him from death came to the mind of the king in such a way that he felt that he had indeed been neglectful.

Ma keia heihei ana, ua laha aku la ka lohe ia Keawenuiaumi, i ka make o kekahi mau kanaka ona i ke keiki. Ia wa, noonoo o Keawenuiaumi, a olelo aku: “He oiaio, ina na wahi keiki uuku, a o kahi keiki a makou i holo mai nei, aole e pakele, make io.” Kena aku la o Keawenuiaumi i ka elele, e kii i ke keiki a hele mai, imua ona, e nana ia ia. A hiki ke keiki, ike mai la ke ’lii, o ke keiki no i holo pu mai ai; lele mai la ia apo i ka ai o ke keiki, uwe me ka helelei o ka waimaka, no kona hoopoina ana ia ia, me ka haalele i na waa. A ua noonoo ke ’lii ma ka hoopomaikai ana o ka keiki ia ia i loko o ka make a me ka pilikia.

After the weeping Keawenuiaumi asked of the boy: “Where have you lived all this time?” “By our canoe.” “What did you live on?” “The dry food that was left over, which we had on our journey.” After this the king again asked: “And were you the one who defeated my men in Kohala?” “Yes,” answered Kuapakaa. “And are you the one who has just won in this race?” “Yes.” “What was the wager?” “In the first race we wagered some fish. In the last race we wagered our bones (lives), and I have beaten them again. The fire in the oven is now lit for the baking, on my return the men will be put into the oven.”

A pau ka uwe ana, ninau aku la o Keawenuiaumi: “I hea kou wahi i noho ai?” “I na waa no o kakou.” “Heaha kau ai, o ka noho ana?” “O kahi koena ai maloo no a kakou i holo mai ai.” A hala ia ninau, ninau hou o Keawenuiaumi: “A o oe no ka i heihei mai nei me na kanaka o’u i Kohala?” Ae aku no o Kuapakaa: “Ae.” “A o oe no ka i heihei hou mai nei?” “Ae.” “Heaha ka oukou pili?” “I ka heihei mua ana, he ia; i keia heihei hou ana mai nei, o na iwi no o makou; nolaila, ua eo no lakou la ia’u, a ke a ala ka umu e kalua ai, a hoi aku wau kalua.”

At this the king again wept, with his head bent down low. When the boy saw the king weeping, he asked: “What are you weeping for?” “I am weeping for my men, because they are to die.” The boy said: “It is not my fault; it was of their own making. I proposed that we wager some property and at this they questioned me what property I had to put up, and I told them that I would put up the canoe; but they refused to accept that, and proposed that our bones be the wager. To this I gave my consent because I knew that they were taking advantage of my size.”

Alaila, uwe iho la o Keawenuiaumi, me ke kulou i lalo; ninau mai la ke keiki: “E uwe ana oe i ke aha?” “E uwe ana au no o’u kanaka i ka make.” I aku ke keiki; “Aole no’u ka hewa, no lakou no; ua hai aku au, ma ka waiwai no ka pili a makou, ninau mai lakou ia’u, ‘auhea kou waiwai?’ Hai aku au o na waa o kaua, hoole lakou. Makemake no lakou la o na iwi ka pili, nolaila, ae aku au, no ka mea, ua hookaha lakou la i kuu uuku.”

Keawenuiaumi then said: “Say, where are you, my boy? I want to ask you, that since you love me, that you take pity on me and grant my request, that you save my men, for I cannot see how I am to get along if these men are to be put to death; for I will be without any one who will attend to my comfort. Therefore if you love me, these men must live. If you think they must die, then you must kill me first.” At this pleading, Kuapakaa asked: “Do you think more of these men than any other person?” “Yes,” said the king; “but I would not have thought so much of them had I found my servant Pakaa.”

I mai o Keawenuiaumi: “Auhea oe e ke keiki. Ke noi aku nei au ia oe, e like me kou aloha ia’u, pela oe e aloha mai ai i ka’u noi aku ia oe. No ka mea, i ahona no au ia mau kanaka o’u, ina e make ae ia oe, o ko’u hemahema no ia. Nolaila, ina e aloha oe ia’u, e ola lakou, ina e manao oe e make lakou, e pepehi mai no oe ia’u.” I aku o Kuapakaa: “He oi aku anei kou minamina ia lakou, mamua o kahi mea e ae.” Ae aku ke ’lii. “Ae, aka, aole au e minamina ia lakou, ina e loaa aku nei kuu kauwa o Pakaa.”

Kuapakaa then said to Keawenuiaumi: “If you think more of the welfare of these men, we will never be able to find Pakaa even though we again make another trip to Kaula; but if you allow these men to meet their fate, then you will be able to find your servant Pakaa; for this was the very reason why Pakaa left you; you were keeping too many favorites.” Keawenuiaumi said: “Go and find Pakaa and then these men may die.” At this, Kuapakaa told Keawenuiaumi of Pakaa, his father, saying: “He is now living in Molokai. When you met me on your trip, he was with me sitting in the fore part of the canoe; the old man kept his head bent down. He kept his face down for fear of being recognized by you. Pakaa is my father and I am his son Kuapakaa, named by him, because of the scales of your skin through the use of the awa; and it was by him that I was educated in all the things pertaining to the office of a king’s personal servant.”

I aku o Kuapakaa ia Keawenuiaumi: “Ina he manao nui kou e ola keia mau kanaka ou, aole e loaa o Pakaa ia kaua ke kii aku i Kaula, a ina hoi e hooko mai e make keia poe kanaka, alaila, loaa ko kauwa o Pakaa. No ka mea, oia no ka mea i haalele ai o Pakaa ia oe, no ka nui o au punahele.” I mai o Keawenuiaumi: “E kii oe a loaa mai, alaila, make lakou.”

Ia wa, olelo aku o Kuapakaa ia Keawenuiaumi, me ka hai aku o Kuapakaa ia Pakaa: “Aia no i Molokai kahi i noho ai, ia oukou i holo ae nei, o maua no ke kau ana i luna o kahi waa, o ia no kahi pupu mamua o’u e kulou ana i lalo ke poo. O ke kumu o ke kulou ana, o ike oe ia ia. O ko’u makuakane no ia o Pakaa, owau no kana keiki o Kuapakaa, nona mai no ko’u inoa. No ke akaakaa o ko ili i ka awa, a nana hoi au i ao i na hana a pau ou e ke ’lii.”

Upon hearing this revelation from Kuapakaa, Keawenuiaumi wished to know clearly [of his favorite servant], so he asked a few more questions. Kuapakaa then went more into the details, saying: “After you people returned from the Kalaau point, and we all went ashore, it was your own loin cloth that I gave you; the kapa was your own; the piece of awa was your own, but Pakaa had instructed me to tell you that the things were mine in order that his identity be not discovered.”

Ma keia olelo a Kuapakaa, hoomaopopo loa mai la o Keawenuiaumi me ka ninau hou mai ia ia. Ia wa, hai paa loa aku o Kuapakaa, me ka olelo aku: “Ia oukou i hoi mai ai mai ka lae o Kalaau mai, a pae kakou i uka, o ko malo no ka’u i lawe aku ai nou, o ko kapa no, o ko awa no, o ko apu no; aka, ua ao mai o Pakaa ia’u, e hai au ia oe no’u, a e huna ia ia.”

When Keawenuiaumi heard these things from Kuapakaa, he raised his voice and wept for Pakaa and the boy Kuapakaa. When his weeping was ended he ordered one of his chiefs, that the men who were beaten by the boy be put to death.

A lohe o Keawenuiaumi i keia mau olelo a Kuapakaa, uwe iho la ia me ka leo nui ia Pakaa, a me ke keiki, o Kuapakaa, a pau ka uwe ana, kena aku la ke ’lii, e make na kanaka ona.

After the death of these men, Keawenuiaumi ordered Kuapakaa to go immediately, as fast as possible, and bring Pakaa to him. With this order, Kuapakaa boarded his racing canoe and set out that early morning. When the sun was high up in the heaven, the boy entered the landing place at Molokai and moored his canoe; after this was done he went after Pakaa.

A make lakou, kena aku la o Keawenuiaumi, e kii wikiwiki o Kuapakaa, ia Pakaa a lawe mai. Kau aku la o Kuapakaa maluna o ka waa heihei ona, a holo aku la i ka wanaao, a kiekie ka la, komo i Molokai, hekau iho la no ka waa i kai me ka pae ole i uka, kii aku la ia Pakaa.

When he reached their home, the boy greeted his father and after the exchange of the greetings, Pakaa inquired: “Are my opponents dead?” “Yes. After we had sailed off and while outside of Waimea, Kauai, I uncovered Laamaomao and immediately we were encompassed by a great and terrible storm. In the midst of this storm, I gave out the palm leaves to the men, all with the exception of Hookeleihilo and Hookeleipuna. The food also was not given them, nor the meat and water; and being exhausted, the two died. We then left Kauai and set sail for Hawaii while all the people were asleep, and after a time we landed at Kawaihae, where I was neglected by my master and his men. Some time shortly after this I got into a race with some of the king’s men whom I defeated and they were put to death. After the men were put to death I told the king of you and me, and he sent me to bring you; therefore, I have come for you to go back with me.” At this Pakaa asked: “What has your master given you?” “Nothing.” “Then go back and tell your master that Pakaa has sent word that until the king has restored all the lands taken back by him, as well as all the other things, I will not come back. Restore these things and I will come.”

A hiki aku la ia, aloha a pau ke aloha ana, ninau mai o Pakaa: “Ua make o’u hoapaio?” “Ae, ia makou i holo ai, a Waimea i Kauai, huai au ia Laamaomao, loaa makou i ka ino, ia loaa ana, haawi au i na ao loulu, a koe o Hookeleihilo a me Hookeleipuna; pela ka ai, me ka ia, ka wai, a make iho la laua. A haalele makou ia Kauai, a holo makou a pae ma Hawaii i Kawaihae, haalele ia no wau e kuu haku, a me na kanaka i ke awa. Ia wa, heihei hou mai nei au me kekahi mau kanaka ona, a eo ia’u, pepehi ia mai nei a make. A make na kanaka, hai aku nei au ia oe a me a’u i ke ’lii, ia Keawenuiaumi, a nolaila au i kii mai la ia oe, e holo kaua.” Ninau mai o Pakaa: “Heaha na pono a ko haku ia oe?” “Aole.” “Ae, o hoi hou a olelo aku i ko haku, i olelo mai nei o Pakaa ia’u, aia ka a hoihoi mai oe i na aina au i lawe ai, a me na mea a pau au i lawe ai, alaila, ae e hoi mai me oe, a i ae ole oe, aole e hoi mai.”

At the close of this conversation, between the boy and the father, the boy set out for Hawaii and in time delivered the message to Keawenuiaumi. When the king heard the conditions proposed by his servant Pakaa, he agreed to them all, withholding nothing of which Pakaa wanted, saying: “I am willing to do all this in order that I may get him to come back to me.” Again Kuapakaa set out for Molokai, where he landed and delivered the order of Keawenuiaumi. When Pakaa heard the reply of the king, he boarded the canoe and returned to Hawaii.

A pau ka olelo a Pakaa i ke keiki, holo mai la ia a hiki i Hawaii, a lohe o Keawenuiaumi i na olelo a Pakaa, ae mai la i na mea a pau loa, aole kekahi mea e koe i ka hoihoi ia me Pakaa, wahi a Keawenuiaumi: “Ke ae aku nei au e hoi mai ia a noho pu me a’u.” Ia wa, i hao ai o Kuapakaa i kona mana a holo aku la a pae i Molokai, hai aku la i na olelo a Keawenuiaumi a pau loa, a lohe ia, kau iho la i luna o ka waa a hoi aku la ia Hawaii.

When Pakaa came in the presence of Keawenuiaumi, Keawenuiaumi fell on Pakaa and wept, and begged to be forgiven for the bad treatment given to a faithful servant. After the weeping, Keawenuiaumi gave to Pakaa the whole of Hawaii, thus placing him back in the same position held by him before. This is the end of this story.

A hiki i mua o Keawenuiaumi, lele mai la ia iluna o Pakaa, a uwe kaukau iho la, no kona hana ino i ke kauwa maikai, a pau ka uwe ana, haawi aku la o Keawenuiaumi ia Hawaii a puni ia Pakaa, a noho alii iho la ia e like me mamua, alaila pau keia kaao.