Kaao no Pupukea

Legend of Pupukea.

Chapter I.

Of Pupukea and Makakuikalani.—Kamalalawalu and Lonoikamakahiki Surf-Riding.—Pupukea’s Promptness.—Dialogue Between Makakuikalani and Pupukea.

Mokuna I.

No Pupukea-Makakuikalani.—Kamalalawalu-Lonoikamakahiki Heenalu ana.—Ko Pupukea Hikiwawe.—Olelo Kike ana a Makakuikalani me Pupukea.

Pupukea was the younger brother of Lonoikamakahiki, the renowned king of Hawaii, who was of royal ancestry, consequently Pupukea was indeed a high chief of Hawaii. His body was stout, yet wiry and muscular. Notwithstanding, however, he was a very celebrated warrior. Because of his bravery and strength in battles, therefore he was famous from Hawaii to Niihau.

He Kaikaina o Pupukea no Lonoikamakahiki, ke ’lii nui o Hawaii, a he ’lii nohoi mai na makua mai. A pela nohoi o Pupukea, he ’lii no, no Hawaii. He kino poupou ko Pupukea, he puipui nae, aka, he koa kaulana loa ia. No kona koa ame kona ikaika ma ka hoouka kaua ana, nolaila, ua kaulana loa ia mai Hawaii a Niihau.

On account of Pupukea’s boldness, Lonoikamakahiki entrusted the whole of Hawaii into Pupukea’s hand. It was his to dispossess or to reinstate the chiefs, and to do with as he pleased; and as to Lonoikamakahiki, his was only to exercise royal authority.

No ke koa o Pupukea, haawi aku la o Lonoikamakahiki ia Hawaii a puni i loko o ko Pupukea lima. Iaia ka lilo, ka haawi i na ’lii, ka hana e like me kona makemake, a o Lonoikamakahiki, he noho alii wale iho no kana.

When Lonoikamakahiki and Pupukea sailed and arrived at Lele, which is Lahaina, on Maui, Kamalalawalu, the great king of Maui, was living at Keawaiki, in Lele, with his younger brother Makakuikalani.

Ia Lonoikamakahiki i holo mai ai me Pupukea a hiki i Lele ma Maui, oia o Lahaina, e noho ana o Kamalalawalu, ke ’lii nui o Maui ma Keawaiki ma Lele me kona kaikaina o Makakuikalani.

OF MAKAKUIKALANI.

NO MAKAKUIKALANI.

Makakuikalani was the younger brother of Kamalalawalu, the famous king of Maui, and Makakuikalani was, moreover, a chief throughout Maui. He was a very courageous soldier and a most distinguished warrior of all Maui. Owing to his dauntless spirit and his strength, Kamalalawalu assigned all of Maui to his control. It was his to disfavor and to award according to his desire; and concerning Kamalalawalu, he simply held kingly sway over Maui.

He kaikaina o Makakuikalani no Kamalalawalu, ke ’lii nui o Maui, a he ’lii nohoi o Makakuikalani no Maui a puni. He kanaka koa loa o Makakuikalani, a he koa kaulana loa no Maui a puni. A no kona koa ame kona ikaika, haawi aku la o Kamalalawalu ia Maui a puni i loko o kona lima. Iaia ka lilo ame ka haawi e like me kona makemake; a o ka Kamalalawalu, o ka noho alii wale no maluna o Maui.

KAMALALAWALU WITH LONOIKAMAKAHIKI SURF-RIDING.

KA HEENALU ANA O KAMALALAWALU ME LONOIKAMAKAHIKI.

They slept until the night was passed, when Kamalalawalu said to Lonoikamakahiki: “Let us swim out for surf-riding.” Lonoikamakahiki consented. They swam out and, reaching outside of Keawaiki, they commenced to surf; and when the sun was directly overhead (which is the middle of the day) they returned to land, bathed in [fresh] water, then spread out the wet loin cloth to dry, and repaired to the house, and there remained.

Moe iho la lakou a ao ia po, olelo aku o Kamalalawalu ia Lonoikamahiki: “E au kakou i ka heenalu.” Ae mai la o Lonoikamakahiki. Au aku la lakou a ma waho o Keawaiki, heenalu iho la, a kupono ka la i ka lolo (oia ka ainaawakea), hoi aku la lakou i uka, auau ka wai a pau, kaulai ka malo pulu, hoi aku la a ka hale, noho iho la.

During this retirement, Kamalalawalu’s stewards prepared food, meat, awa, and a water basin. Wherefore, Lonoikamakahiki asked Pupukea: “Where is our food and fish; and where is our awa?” Pupukea answered: “They are near by. The meat is chicken, but it is not yet cooked. And as to the awa, it has not been masticated.”

Ma keia noho ana, ua makaukau ka Kamalalawalu mau aipuupuu i ka ai, i ka i’a, i ka awa, ame ke po’i wai holoi. Nolaila, ninau aku o Lonoikamakahiki ia Pupukea: “Auhea ka kaua ai a me ka i’a; a auhea ko kaua awa?” I aku o Pupukea: “Ei ae no. He moa ka ia, aohe nae i moa. A o ka awa nohoi, aole i mama ia a wali.”

Whereat, Lonoikamakahiki, infuriated by Pupukea, sprang forward and slapped his cheek. Pupukea then took the awa and chewed it. Again Lonoikamakahiki sprang forward and struck Pupukea’s cheek. Pupukea said to Lonoikamakahiki: “What! is the striking first? Why not first speak, and when the narrow openings of the ear hear the charge, then it will be just to slap?”

Nolaila, huhu o Lonoikamakahiki ia Pupukea, lele aku la papai i ka papalina o Pupukea. Lalau iho la o Pupukea i ka awa a mama iho la. Lele hou aku o Lonoikamakahiki papai i ka papalina o Pupukea. Olelo mai o Pupukea ia Lonoikamakahiki: “Ka! o ka papai ka mamua? Kai no o ka olelo mai, a lohe na puka haiki o ka pepeiao, alaila, pono hoi ke pai ana.”

PUPUKEA’S PROMPTNESS IN THE PREPARATION OF LONOIKAMAKAHIKI’S FOOD.

KA HIKIWAWAE LOA O PUPUKEA MA KA LAWELAWE ANA I KA MEA AI A LONOIKAMAKAHIKI.

While Pupukea was chewing the awa in his mouth, he reached forth one of his hands and seized the chicken (one that belonged to Lonoikamakahiki from Oahu here). He tore the leg apart, salted it, and placed it over a charcoal fire, as also the other leg of the chicken and the entire body. Pupukea baked the chicken with the feathers which had not been pulled off, but, when turned over the feathers were consumed by the fire. With the mastication of four mouthfuls of awa, the chicken was cooked. Pupukea squeezed out the awa juice into the awa cup and placed it before Lonoikamakahiki who drank it. Having finished drinking, he ate the chicken; and having completed the meal, Lonoikamakahiki was intoxicated and slept.

Ia Pupukea e mama ana i ka awa i kona waha, lalau aku la kekahi lima ona i ka moa. (Oia moa, na Lonoikamakahiki no, no Oahu aku nei no.) A uhae ae la i ka uha, a kopi iho la i ka paakai, a kau aku la i luna o ke ahi nanahu, pela nohoi kekahi uha o ka moa a me ke kino a pau loa. Ma keia hana ana a Pupukea i ka moa, me ka hulu no aole i hukihuki ia, aka, huli ae la no ua pau ka hulu i ke ahi. A wali na mana awa eha, moa nohoi ka moa. Hoka iho la o Pupukea i ka awa a loko o ka apu awa. Waiho aku la i mua o Lonoikamakahiki, inu iho la ia. A pau ka inu ana, ai iho la i ka moa, a pau ka ai ana, ona aku la o Lonoikamakahiki a moe iho la.

At these wonderful performances of Pupukea, an appreciation and strong desire entered Kamalalawalu’s mind, because of the skill and promptness of Pupukea in the preparation of the food, and because of the very short time required by the meal; therefore, Kamalalawalu entreated of the king of Hawaii as follows: “O Kalani! King of Hawaii, it is better that I have our steward, for I highly value his efficiency and promptness.” Lonoikamakahiki replied: “You can not be favored, inasmuch as he is my property-holder of Hawaii. It is his to dispossess, to retain, and to favor the chiefs and the men; to withhold; to fight or not to fight. My part is simply to reign on Hawaii. He is the one that governs the land.”

Ma keia mau hana eleu a Pupukea, ua komo ka makemake a me ka iini i ko Kamalalawalu naau. No ka eleu ame ka hikiwawe loa o Pupukea ma ka hana ana i ka mea ai, no ka wa pokole loa o ka ai ana. Nolaila, nonoi aku o Kamalalawalu i ke ’lii o Hawaii penei: “E Kalani! e ke ’lii o Hawaii, e aho na’u ka kaua aipuupuu, akahi kuu makemake i ka eleu ame ka hikiwawe.” I aku o Lonoikamakahiki: “Aole e loaa ia oe, o ko’u hooilina aina no ia o Hawaii. Iaia ka lilo, ke koe, ka haawi i na ’lii ame ke kanaka, ka aua, ke kaua ame ke kaua ole, o ka noho alii wale iho no ka’u no Hawaii, o ka mea ia nona ka aina.”

THE BANTER BETWEEN MAKAKUIKALANI AND PUPUKEA.

NA OLELO KIKE A MAKAKUIKALANI ME PUPUKEA.

Following Lonoikamakahiki’s answer to Kamalalawalu, Makakuikalani remarked regarding Pupukea, as follows: “A low shelf is reached by the rat.” Pupukea answered Makakuikalani, saying:

Mahope iho o ka Lonoikamakahiki olelo ana ia Kamalalawalu, olelo mai o Makakuikalani no Pupukea, penei: “Haahaa, haka pau i ka iole.”

I aku o Pupukea ia Makakuikalani, penei:

The short mature [one] is the sphere
Who shall sweep the plain entirely;
The resistant white sugar-cane of Kohala,
That injures your mouth when eaten.

O ka iki makua ia o ka ulu,
Nana e kaa ke kahua e pau ai;
He paa kokea no Kohala,
E kole ai ko waha ke ai.

After these words, Lonoikamakahiki inquired of Kamalalawalu: “Where is your land administrator?” Kamalalawalu responded: “There he is, Makakuikalani, the tall man standing yonder.” And when Kamalalawalu had finished speaking to Lonoikamakahiki, relative to his young brother, Makakuikalani, Pupukea answered his taunting words, as follows:

Mahope o keia mau olelo, ninau aku o Lonoikamakahiki ia Kamalalawalu: “Auhea hoi kou kaulana aina?” I mai o Kamalalawalu: “Ei aku no hoi; ke kanaka loihi e ku mai la, o Makakuikalani.” A pau ka olelo ana a Kamalalawalu ia Lonoikamakahiki, no kona kaikaina, no Makakuikalani. I mai o Pupukea i kana olelo kaena, penei:

A spider, struck by the kona wind, overturns;
A banana bunch, attacked by a wind gust, falls.

Lanalana, paia e ke kona, huli pu;
He pumaia, loaa i ke kikio, hina.

By this speech of Pupukea’s, Makakuikalani retorted with his boasting words, as follows:

Ma keia olelo a Pupukea, pane mai o Makakuikalani i kana olelo kaena, penei:

A shrivelled banana of Kaea,
Which ripens not in ten days.

He lila maia no Kaea,
Aole e pala i ke anahulu.

In this dialogue of theirs, one was claiming that he was the more powerful; as also the other. Furthermore, in this banter between them, the words were planted in their minds until the period wherein Kamalalawalu fought against Lonoikamakahiki at Waimea, on Hawaii. There the words of Makakuikalani and Pupukea were carried into effect.

Ma keia mau olelo kike a laua, e paha ana kekahi oia ka ikaika, a pela no hoi kekahi. Aka, maloko o keia mau olelo a laua, ua waiho ia ma ko laua naau, a hiki i ka wa i kaua ai o Kamalalawalu me Lonoikamakahiki ma Waimea, i Hawaii. Ilaila i hooko ia ai na olelo a Makakuikalani me Pupukea.

At this point, let us discontinue their narrative and touch upon Kauhiakama, Kamalalawalu’s son, the one that was dispatched to Hawaii to spy.

Ma keia wahi, e waiho i ka olelo no lakou, a e kamailio no Kauhiakama, ke keiki a Kamalalawalu, ka mea i hoouna ia i Hawaii e kiu ai.

Chapter II.

Of Kauhiakama.—Kamalalawalu-Lonoikamakahiki War.—Kumaikeau and Kumakaia.—Hill of Hokuula.—Numbers of Men.—Pupukea-Makakuikalani Combat.

Mokuna II.

No Kauhiakama.—Kamalalawalu-Lonoikamakahiki Kaua ana.—Kumaikeau me Kumakaia.—Puu o Hokuula.—Ka nui o na Kanaka.—Ko Pupukea-Makakuikalani Kaua ana.

After Lonoikamakahiki and Pupukea had departed for Hawaii, Kamalalawalu and his son, Kauhiakama, remained for some time. Said Kamalalawalu to Kauhiakama: “You sail to Hawaii and make observations of the land, of the people, and the government thereof.” Upon finishing speaking, Kauhiakama set sail with his canoes and disembarked at Kawaihae.

A hala aku o Lonoikamakahiki me Pupukea i Hawaii, noho iho la o Kamalalawalu me kana keiki o Kauhiakama, a liuliu. Olelo aku o Kamalalawalu ia Kauhiakama: “E holo oe i Hawaii e nana ai i ka aina, i ke kanaka, a me ko laila noho ana.” A pau ka olelo ana, holo aku la o Kauhiakama me kona mau waa a pae i Kawaihae.

Prior to the landing, Kauhiakama voyaged and had touched at Puako, at Kapalaoa, Kaniku, Kiholo, Mahaiula, Kailua, Holualoa, Kahaluu, Keauhou and Kaawaloa. At Kaawaloa, the route of travel was lost, because the slanting cliff and the crags barred them in the front. Wherefore, Kauhiakama had retraced his course and arrived at Kawaihae.

Mamua ae o ka pae ana, hele aku la o Kauhiakama a hiki i Puako, a Kapalaoa, Kaniku, Kiholo, Mahaiula, Kailua, Holualoa, Kahaluu, Keauhou, Kaawaloa. A Kaawaloa, nalowale ke alanui, nokamea, ua pani ia mai i ka hulaana, a me ke ana mamua. Nolaila, huli hoi mai la o Kauhiakama a hiki i Kawaihae.

In this voyaging of Kauhiakama, it had occupied but a short period; and on account of his quick traveling, he sailed and returned that self-same day without a night intervening. Tarrying two days at Kawaihae, they departed for Maui, and landed at Keawaiki, which was Lele, and which, at present, is Lahaina. There were Kamalalawalu and Makakuikalani.

Ma keia hele ana a Kauhiakama, ua mama loa, a no kona mama, ua hele no ia hookahi la, a hoi no ia la hookahi me ka po ole. Elua la ka noho ana ma Kawaihae, hoi mai la lakou i Maui, a pae ma Keawaiki, oia no o Lele, a i keia wa o Lahaina. Malaila no o Kamalalawalu me Makakuikalani.

After Kauhiakama had disembarked at Lele, Kamalalawalu questioned him: “How is Hawaii?” Kauhiakama gave his reply, boasting and misleading:

Mahope o ka pae ana o Kauhiakama i Lele, ninau aku o Kamalalawalu: “Pehea o Hawaii?” I aku o Kauhiakama, i kana olelo hooio, a hoole.

Beautiful Kohala! The people’s height is to the nose.
There are no men on the whole of Hawaii.
I have voyaged from Kawaihae,
To Kaawaloa, in Kona.
There are no men; the houses stand empty.

Lei Kohala; eia i ka nuku na kanaka.
Aohe kanaka o Hawaii a puni,
Ua hele au mai Kawaihae,
A hiki i Kaawaloa ma Kona,
Aohe kanaka, o ke ku hale wale no.

On account of these words of Kauhiakama, Kamalalawalu was deceived; and therefore, he made preparations to sail away and fight with Lonoikamakahiki.

Ma keia mau olelo a Kauhiakama, ua puni o Kamalalawalu, a nolaila, hoomakaukau iho la ia e holo e kaua me Lonoikamakahiki.

Let us briefly comment on Kauhiakama. He was an exceedingly careless man regarding his proceedings, and was very ignorant. It seemed as if his stomach and head belonged to others that he could not be more thoughtless. While he had been cruising from Kawaihae to Kaawaloa, the seashore borders were completely covered with standing houses. Since he had approached in the early morning, the dwellers had ascended to the uplands to till the soil, while others had gone fishing, therefore, they were not found in the houses. It was at Kohala, the place he had seen that there were many men and numerous houses, and which was the only place, he thought, that was populated.

E kamailio iki no Kauhiakama. He keu o Kauhiakama a ke kanaka manao ole ma ka nana i kana mau hana, a he kanaka hupo loa. Me he mea ala no hai kona opu ame ke poo i noonoo ole iho ai.

Iaia e holo ana mai Kawaihae aku a Kaawaloa, ua paapu loa na kapa kahakai i na hale e ku ana, a no kona holo ana i ke kakahiaka nui, ua pau loa kanaka i ka pii i uka e mahiai ai, a ua holo kekahi i ka lawaia, nolaila, loaa ole i na hale. A ma Kohala, oia kahi ana i ike he nui na kanaka a he nui na hale, a oia wale no kahi kanaka i kona manao.

KAMALALAWALU AND MAKAKUIKALANI’S VOYAGE TO HAWAII TO BATTLE WITH LONOIKAMAKAHIKI AND PUPUKEA.

KA HOLO ANA O KAMALALAWALU I HAWAII ME MAKAKUIKALANI E KAUA ME LONOIKAMAKAHIKI AME PUPUKEA.

On this journey of Kamalalawalu’s with his Maui men to Hawaii to fight, there were very many canoes. (It is said that the Alenuihaha channel was so covered from Maui to Kohala and Kawaihae that the waves and the sea were invisible.)

Ma keia holo ana a Kamalalawalu me na kanaka o Maui i Hawaii e kaua ai, ua nui loa na waa. Ua olelo ia, ua paa ke kai o Alenuihaha, mai Maui aku a Kohala a Kawaihae, aole ike ia ka ale ame ke kai.

When they landed at Kawaihae, the seashores were blockaded by the canoes from the promontory of Kanamee, Upolu, to Kohala, and thence to Kaelehuluhulu, in Kona, and whose extent approximated thirty miles. The chief of Waimea and Kawaihae at that time was Kanaloauo. He gave battle to Kamalalawalu, and Kanaloauo was defeated by him. Kamalalawalu then went forth to slay him.

A pae lakou i Kawaihae, papani ia na kahakai e na waa mai ka lae o Kanamee, ma Upolu, i Kohala, a hiki ma Kaelehuluhulu i Kona. Kona loihi, ua like ia me na mile he kanakolu. O ke ’lii o Waimea ame Kawaihae ia wa, o Kanaloauo. Kaua mai la ia ia Kamalalawalu, a hee aku la o Kanaloauo ia Kamalalawalu. Kii aku o Kamalalawalu e pepehi.

At that time, two men, Kumaikeau and Kumakaia, were abiding there. They were men related to Lonoikamakahiki and Kanaloauo. Both cunningly addressed Kamalalawalu, saying: “He is conquered; it is not wise to kill, but let a veil conceal his face.” At this behest, Kanaloauo was covered with the veil until completely hidden, whereupon he was released.

Ia wa, e noho ana malaila elua kanaka, o Kumaikeau, o Kumakaia. He mau kanaka laua ua pili ia Lonoikamakahiki ame Kanaloauo. Olelo pahele aku laua ia Kamalalawalu, penei. “Ua make. Aole make pepehi, e kakau ka papalina i ka uhi.” No keia olelo, kakau ia iho la o Kanaloauo i ka uhi, a paele, kuu ia aku la.

RELATING TO KUMAIKEAU AND KUMAKAIA.

NO KUMAIKEAU AME KUMAKAIA.

These were unsurpassed and very crafty men of that period, and both were active in devising a plan that would lead to the defeat of Kamalalawalu and the entire Maui forces. At this capture of Kanaloauo by Kamalalawalu, Kumaikeau and Kumakaia went into the presence of Kamalalawalu and lamented as follows:

He keu keia o na kanaka maalea loa i loko oia kau, a he keu nohoi laua o ka noonoo i mea e make ai o Kamalalawalu ame na koa o Maui a puni.

Ma keia pio ana o Kanaloauo ia Kamalalawalu, hele aku la o Kumaikeau ame Kumakaia a ke alo o Kamalalawalu, uwe aku la, penei:

O! At last the eyes may close.
Just now the food is desired,
For the oppressor is captured.
The food, the fish, remained not,
Nor pig, nor raiment, nor skirt,
Nor land, nor house wherein to dwell.
Lo! The house is discovered to be fit to live in.
By your coming, O Kamalalawalu,
Sleep we in the house with the wife;
Welcome is the food and the fish.
The kapas are worn with warmth.
You indeed are the one to deliver us;
You indeed shall secrete these bones.
O Kalani! We are defeated!
We cannot be saved by you; we are defeated!

Auwe! Akahi no a pili ka maka.
Akahi no a ono ka ai,
Ua pio ke kolohe,
A oe koe ka ai, ka i’a,
Ka puaa, ke kapa, ka pa-u,
Ka aina, ka hale e noho ai,
He mea noho ia iho no ka ka hale la!
Ia oe ae nei e Kamalalawalu,
Moe ia ka hale me ka wahine,
Ono ka ai me ka ia,
Aahu ia ke kapa me ka mahana,
O oe ka ko maua mea e ola ai,
Nau ka e huna keia mau iwi,
E Kalani e! Ua make!
Aole e ola ia oe, ua make!

When they had finished their lament, both said to Kamalalawalu:

A pau ka laua uwe ana, olelo aku la laua ia Kamalalawalu:

O Kalani! Destroy all the canoes,
Sever the cord and the canoe rope,
Chop the cross-piece and the out-rigger;
Cut the canoe’s stern and bow till shortened;
Lest when we give battle
And shall defeat Lonoikamakahiki and men
They will flee hither to the sea,
Beholding the canoes afloat, will board them;
Will flee to the ocean
And land on Kahoolawe and Maui,
Where the vanquished will be safe!

E Kalani! E wawahi na waa a pau loa,
E okioki ka aha me ka lanalana,
E poke ka iako me ke ama,
E oki o mua me hope o ka waa a pahupu,
O kaua auanei kakou,
A hee o Lonoikamakahiki ma,
Holo mai auanei a kai nei,
O ke kau a na waa,
Ee maluna, a holo i ka moana,
A pae aku i Kahoolawe me Maui—
Ola ke pio.

Because of these words of Kumaikeau and Kumakaia, the proposition was warmly welcomed by Kamalalawalu’s mind. (He thought it was the truth, but it was not so.) The men again said to Kamalalawalu: “Lonoikamakahiki is your sure prey. There is the place he may be killed by you; that hill upland of Waimea, Hokuula by name. Once you stand thereon with your warriors, your duty will be simply to roll the rocks from above.”

Ma keia mau olelo a Kumaikeau a me Kumakaia, he mea oluolu loa ia i ko Kamalalawalu manao. (E kuhi ana ia he oiaio, aole ka uanei.) I hou aku ua mau kanaka nei ia Kamalalawalu: “Ua make ia oe o Lonoikamakahiki. Aia kona wahi e make ai ia oe, o kela puu i uka o Waimea, o Hokuula ka inoa. I luna oe o laila me kou mau koa, hookahi au hana he olokaa i ka pohaku maluna iho.”

RELATING TO THE HILL OF HOKUULA.

NO KA PUU O HOKUULA.

That hill is located in Waimea until this day, being on the south of North Kohala. It is a very famous eminence because of the battle fought by Kamalalawalu and his distinguished warrior Makakuikalani thereon. On that hill, there are no stones, nor trees, but grass and soil are thereon. Notwithstanding, however, according to the statement by Kumaikeau and Kumakaia, there were stones on the top.

Aia no ia puu ma Waimea a hiki i keia la, ma ka hema o Kohala Akau. He puu kaulana loa ia, no ka hoouka kaua ana a Kamalalawalu maluna o laila, me kona koa kaulana o Makakuikalani. Maluna oia puu, aohe pohaku, aohe laau, he mauu ame ka lepo ko luna, aka, ma ka olelo a Kumaikeau ame Kumakaia he pohaku ko luna.

In their report to Kamalalawalu, it was a refuge where he might be unmolested, and that his was the conquest. The stones, the javelins, and the men from below could not reach thereon; because, it was a very high bluff, about a half of a mile in height from the ground below to the very summit.

Ma ko laua olelo ana ia Kamalalawalu, oia kona puuhonua e ola ai, nana ka make. Aole e hiki i ka pohaku, ame ka ihe o lalo ke pii ae i luna, ame ke kanaka, nokamea, he puu kiekie loa, he hapalua mile paha kona kiekie mai ka ili o lalo a ka piko o luna loa.

Kamalalawalu, upon arrival thereon, found on reconnoitering that there were neither stones nor trees, but only dirt. While they were engaged in a conversation with Kumaikeau together with Kumakaia, at that time the messengers were sent to summon Lonoikamakahiki and Pupukea. At Kealakekua, in Kona, was the place where Lonoikamakahiki lived. When the messenger appeared before him, he said to Lonoikamakahiki: “Kamalalawalu and Makakuikalani have come to give battle to you both; and have contended with Kanaloauo, who is a captive of Kamalalawalu.”

A hiki o Kamalalawalu i luna o laila, i nana iho ka hana, aohe pohaku, aohe laau, he lepo wale no. Ia lakou e noho ana, me Kumaikeau laua o Kumakaia, kamailio, ia wa i hoouna ia ai na elele e kii ia Lonoikamakahiki ame Pupukea. O Lonoikamakahiki, ma Kealakekua, i Kona, kona wahi i noho ai. A hiki ka elele i mua ona, hai aku la ia ia Lonoikamakahiki: “Ua hiki mai o Kamalalawalu me Makakuikalani, e kaua ia olua; a ua kaua mai nei me Kanaloauo, a ua pio ia Kamalalawalu.”

When Lonoikamakahiki heard these things, he questioned the messenger: “Where is the battle to take place?” The messenger replied: “There, at Waimea, on top of that hill, Hokuula, where Kamalalawalu and all Maui are stationed.” Upon Lonoikamakahiki hearing this, instantly the overseers went forth to muster all the men of Kona. It is said that there were 32,000 men of Kona at that time. From thence the messenger traveled till he arrived at Kapapala, in Kau, where Pupukea was residing. When he heard [the tidings], he gathered together Kau, and marched forth between Maunakea and Hualalai. The herald journeyed on and touched at Puna, at Hilo, and Hamakua, to gather the people together at Kohala, and hearing, they came. At this sallying forth, there were very many men, the paths being overcrowded and the dust rising on account of the tread of the soldiers.

A lohe o Lonoikamakahiki, ninau mai la ia i ka elele: “Aia i hea e kaua ai?” I aku ka elele: “Aia i Waimea, i luna o kela puu o Hokuula, aia malaila o Kamalalawalu e noho la, me Maui a puni.”

Ma keia lohe ana o Lonoikamakahiki, ia wa na luna i hele ai e houluulu i na kanaka o Kona a pau loa. Ua olelo ia, elua lau mano kanaka o Kona ia wa. Mai laila aku ka elele, a hiki i Kapapala ma Kau, i laila o Pupukea kahi i noho ai. A lohe ia, houluulu ae la ia ia Kau, a hele mai la ma waena o Maunakea ame Hualalai. Holo aku la ka elele, a hiki i Puna, me Hilo, Hamakua, hele mai la lakou ma Kohala, a lohe hele mai la lakou. Ma keia hele ana, ua nui loa na kanaka, ua piha na alanui, ku ka ea o ka lepo i ka wawae o na kanaka.

THE NUMBERS OF MEN AND ROUTES.

KA NUI O NA KANAKA AME NA ALANUI.

First route: From Kaniku. (Kona’s.) Two lau mano men. (Equivalent to 32,000 men.)

Alanui Akahi. Ma Kaniku mai. (Oia ko Kona.) Elua lau mano kanaka. (Ua like me 32,000 tausani kanaka.)

Second route: From Ohaikea, between Maunakea and Hualalai. Totaled 112,000 men. That was of Kau alone.

Alanui Alua. Ma Ohaikea mai, mawaena o Maunakea ame Hualalai. Ehiku lau mano kanaka ka nui. O Kau wale no ia.

Third route: From Mahiki, aggregated 160,000 men. There were three districts: Puna, Hilo and Hamakua.

Alanui Akolu. Ma Mahiki. He umi lau mano kanaka ka nui. Ekolu Moku, o Puna, o Hilo, o Hamakua.

Fourth route: From Kaholeiwai and extending to Momoualoa; totaled 96,000 men. Of Kohala only.

Alanui Aha. Ma Kaholeiwai a hiki i Momoualoa. Eono lau mano kanaka ka nui. O Kohala wale no ia.

While Kamalalawalu was on the hill of Hokuula, in Waimea, he beheld the dust rising above the stones of Kaniku, the stones being gradually reddened by the dirt. On account of the many men the darkness of the stones was covered by the dust. And when Kamalalawalu saw the men of Kaniku advancing, he inquired of Kauhiakama: “Where have you traveled on Hawaii that you failed to observe the people?” Kauhiakama answered: “From Kawaihae to Kaawaloa, in Kona, were the places I visited, but I encountered no person.” Kamalalawalu said to Kauhiakama: “Did you not see houses standing?” “There were houses indeed, but there were no occupants. There were pigs running about, and there were chickens crowing.” Whereupon, Kumaikeau and Kumakaia remarked: “You could not find the occupants at home, for they had gone upland to till the ground because it was morning, and they had gone out fishing. If it were in the afternoon you went there, you would have met the men at home.”

Ia Kamalalawalu maluna o ka puu o Hokuula, ma Waimea, ike aku la ia i ka ea o ka lepo i ke a o Kaniku, e hele mai ana a ula ke a i ka lepo. No ka nui loa o na kanaka, ua nalowale ka uliuli o ke a i ka lepo. A ike o Kamalalawalu i na kanaka o Kaniku e hele mai ana, ninau aku la ia ia Kauhiakama: “Mahea kau wahi i hele ai o Hawaii, i ike ole ai oe i ke kanaka?” I aku o Kauhiakama: “Mai Kawaihae, a Kaawaloa i Kona, ka’u wahi i hele ai, aole nae he kanaka i loaa ia’u.” I aku o Kamalalawalu ia Kauhiakama: “Aohe au hale i ike ai e ku ana?” “He hale no, aole nae he kanaka, he puaa e holo ana, he moa e kani ana.” Ia wa, olelo mai o Kumaikeau me Kumakaia: “Aole e loaa ia oe kanaka i ka hale, ua pii i uka i ka mahiai, he wa kakahiaka, ua holo i ka lawaia. Ina he aui la kau manawa i hele ai, loaa ia oe na kanaka i ka hale.”

Kamalalawalu, on hearing this, said to Kauhiakama: “We shall perish; we can not be saved. I thought your report was true, but it is not so. By whom have you been taught that the house is a thing that stands without dwellers. Why! The house is erected, the men live therein. Woe betide us that we perish by your report. Alas! How great is the love of the wife and the children who will fail to see this corpse, or that [I] see them not.”

Ma keia lohe ana o Kamalalawalu, olelo mai la ia Kauhiakama: “Make kaua, aole e ola. E kuhi ana au i kau olelo he oiaio, aole ka! I ike no la oe ia wai, he mea ku wale ka hale aohe kanaka. Kai no o ka hale ku o ke kanaka noho. Aloha kaua i ka make mamuli o kau olelo, ehia ka mea aloha o ka wahine me na keiki, i ka ike ole mai i keia puu make, a i ka ike ole aku ia lakou.”

While Kamalalawalu was speaking, Lonoikamakahiki and all of Kona arrived. From the south of Puako to above Waimea, the men were so compact that the dirt, stones, the trees could not be detected because they were obscured by the men. Simultaneously, Pupukea appeared with the Kau, Mahiki, and Kohala contingents, and so completely blocked up Waimea as to allow no space. When Kamalalawalu met with Lonoikamakahiki, they resolved that Makakuikalani and Pupukea stand first to fight. Should Pupukea be vanquished by Makakuikalani, then Hawaii was conquered; but should Makakuikalani be defeated by Pupukea, then Maui was subdued. These words of theirs were agreed to by Makakuikalani and Pupukea.

Ia Kamalalawalu e kamailio ana, hiki mai la o Lonoikamakahiki me Kona a pau loa. Makai o Puako a uka o Waimea ka paa i na kanaka, aole i ike ia ka lepo, ka pohaku, a me ka laau, no ka paa i na kanaka. I loko no oia wa, hiki mai la o Pupukea me ko Kau poe kanaka, ko Mahiki, ko Kohala; Pania iho no o Waimea paa, aole wahi kaawale. A hui o Kamalalawalu me Lonoikamakahiki, olelo iho la laua o Makakuikalani me Pupukea ke ku mamua e kaua. Ina i make o Pupukea ia Makakuikalani, alaila, pio o Hawaii; a ina hoi o Makakuikalani ke make ia Pupukea, alaila, pio o Maui. Ua hooholo ia keia mau olelo a laua e Makakuikalani ame Pupukea.

THE COMBAT BETWEEN PUPUKEA AND MAKAKUIKALANI.

KE KAUA ANA O PUPUKEA ME MAKAKUIKALANI.

Immediately Makakuikalani and Pupukea went forward with their long spears. While they were standing, Pupukea’s instructor called out: “O Kalani! Strike low the stick.” Pupukea replied: “Whilst in the house, the tutor’s instruction is finished.” Thereafter, Pupukea struck with his long spear, falling on and knocking the teacher down. After a while, the instructor arose and said to Pupukea: “You are safe! Had I been killed, you would have perished. It is not so; I have been spared so you are saved. Wherefore, let the stick stir the dust.”

Ia wa ku o Makakuikalani me Pupukea me ka laua mau laau palau. Ia laua e ku ana, pane mai ke kumu a Pupukea, penei: “E Kalani! Haahaa ka laau.” I mai o Pupukea: “Io i ka hale, pau ke a’o ana a ke kumu.” Mahope o laila, hahau o Pupukea i kana laau palau, pa i ke kumu, waiho i lalo. A liuliu, ala mai la ke kumu a olelo mai ia Pupukea: “Pakele oe! E make au, make oe. Aole, ola ae nei au, ola oe. Nolaila e hue lepo ka laau.”

While Pupukea was conversing with the tutor, Makakuikalani delivered a blow with his long spear on the neck (which is the vital spot), and Pupukea fell down on the ground and remained inert. Said one to Makakuikalani: “Your opponent is not dead. Strike once more.” Makakuikalani answered: “He is dead, for it is a blow of the powerful.” Makakuikalani implored of Kamalalawalu: “My ration of food, you give me for my breast is pierced.” Makakuikalani ate until satisfied, and the taro food in the calabash was exhausted. Then he reached for the container and covered it on his head.

Ia Pupukea e olelo ana me ke kumu, hahau o Makakuikalani i kana laau palau i luna o ka ai o Pupukea (oia ka aa) a haule iho la o Pupukea i lalo o ka honua, a waiho iho la. Olelo mai kekahi ia Makakuikalani: “A oi make ko hoapaio, hahau hou ia iho.” I aku o Makakuikalani: “Ua make, he laau na’u na ka ui.” Nonoi aku o Makakuikalani ia Kamalalawalu: “O kuu wahi ai e haawi mai oe he umauma naha ko’u.” Ai iho la o Makakuikalani a maona, pau ae la ka ai o ka umeke. Lalau iho la ia i ke po’i a papale i ke poo.

It is proper to speak here about Makakuikalani. Concerning this container Makakuikalani had donned on his head, it was a wooden calabash, and here is his boastful remark: “I am wearing a wooden receptacle; a long spear may be his; but let the two clash together as wood.”

E pono e olelo maanei no Makakuikalani. O keia po’i a Makakuikalani i papale ai i kona poo, he po’i ipu laau. E ia kana olelo kaena: “He po’i laau ka’u e papale nei, he laau palau auanei kana na laua ia e kike laau.”

When Makakuikalani appeared before Pupukea, Pupukea arose. While both were standing, Pupukea grabbed his long spear and vehemently struck at Makakuikalani. At the delivery of this blow, Makakuikalani sank down. Said the instructor to Pupukea: “Lay again your spear on the antagonist so as to kill.” Answered Pupukea: “He is dead, for it was a blow of the stalwart. The dark spot of Pupukea is confirmed.”

A hiki o Makakuikalani i mua o Pupukea, ala ae la o Pupukea i luna. Ia laua e ku ana, lalau iho la o Pupukea i kana laau palau a hahau hualepo ae la ia Makakuikalani. Ma keia hahau ana, waiho o Makakuikalani i lalo. I aku ke kumu ia Pupukea: “E hoomoe hou ko laau palau i luna o ka hoapaio i make.” I aku o Pupukea: “Ua make, he laau na ka ui. Ke hele nei a kukai ka ila o Pupukea.”

Upon the death of Makakuikalani by Pupukea, instantly, Hawaii slaughtered Maui, whereupon, the Mauiites retreated towards the landing, but there were no canoes wherein to return to Maui. Therefore they boarded on Kepoiamalau and were all swamped and captured. In that predicament, they were slaughtered until all the Maui men were killed.

A make o Makakuikalani ia Pupukea, ia wa, luku o Hawaii ia Maui. Nolaila, hee mai la o Maui a ke awa, aohe waa e hoi ai i Maui. Nolaila kau aku la lakou maluna o Kepoiamalau a pau iho la i ke piho, a make iho la. Nolaila, luku iho la lakou a pau loa na kane o Maui i ka make.

In this battle, Kamalalawalu and Makakuikalani were slain by Lonoikamakahiki and Pupukea, and Hawaii was victorious in this strife.

Ma keia kaua ana, ua make o Kamalalawalu ame Makakuikalani ia Lonoikamakahiki ame Pupukea, a ua lanakila o Hawaii ma keia kaua ana.