Kaao no Namakaokapaoo

Legend of Namakaokapaoo.

Chapter I.

Namakaokapaoo Rifles Pualii’s Potato Field.—He Threatens to Behead the Boy but Is Killed Instead.—Amau the King Sends a Force to Kill Him.—He Slays Them and the King.

Mokuna I.

Uhuki Namakaokapaoo i ka Mala Uala a Pualii.—Hooweli Oia e Oki i ke Poo o ke Keiki, Make nae Oia.—Hoouna Amau, ke ’lii, i ke Koa e Pepehi Iaia.—Luku Oia ia Lakou me ka Moi.

Namakaokapaoo was a very brave little boy, and very strong for his young years. He had no compeer in these Islands from Hawaii to Niihau, according to his size for bravery. His father was Kauluakahai of Kahikipapaialewa, a land in great Kahiki. Pokai was his mother. His father was a great chief and had a godly relationship. Hoaeae, in Ewa, was the place where they met as man and wife and begat Namakaokapaoo. When Pokai was enceinte of Namakaokapaoo, Kauluakahai went back to his own land, leaving Pokai in that condition until childbirth.

When the child was born Pokai and her child Namakaokapaoo were quite destitute, and while they were in that condition of life a good man named Pualii came from Lihue to fish at Honouliuli. He turned in at the home of Pokai. He looked at her and had a yearning for her. He said: “I desire you to be my wife.” Pokai returned: “How could you have a desire for me, seeing that I have already given birth to a child, and my body is defiled?” Pualii answered: “There’s nothing in those things if you desire our union.” Pokai then assented and went with her husband Pualii, and resided at the plans of Keahumoa. (Kula-o-Keahumoa.)

They lived there tilling the soil. Pualii had two large potato patches which remain to this day; they are called Namakaokapaoo. When the potatoes were ripe Pualii made a vow that when the head of an ulua fish and the potatoes were roasted, and Pualii had first eaten thereof, then the potatoes would be free, and that his wife and others could eat thereof. Therefore Pualii went down to Honouliuli to catch the fish to be eaten together with the potato.

He keiki uuku loa o Namakaokapaoo, a he keiki ikaika loa i kona wa opiopio, aohe ona lua ma keia mau mokupuni mai Hawaii a Niihau, i ka uuku a me ke koa loa. O Kauluakahai kona makuakane, no Kahikipapaialewa, he aina i Kahiki nuu. O Pokai ka makuahine. He ’lii nui kona makuakane no Kahikipapaialewa, a he aoao akua kekahi ona.

O Hoaeae ma Ewa ka aina, malaila laua i launa kino ai me ka moe ana iho a loaa o Namakaokapaoo. A hapai o Pokai ia Namakaokapaoo, hoi aku la o Kauluakahai i kona aina, noho iho la o Pokai me kona hapai, a mahope hanau. Ma keia hanau ana, he ilihune loa o Pokai a me kana keiki o Namakaokapaoo.

Ia laua e noho ana, iho maila o Pualii, he kanaka maikai no Lihue, i ka lawaia makai o Honouliuli, kipa maila ia ma ka hale o Pokai. Nana aku la o Pualii ia Pokai, a makemake aku la ia ia, olelo aku la ia: “Makemake a’u ia oe i wahine na’u.” I mai o Pokai: “Pehea oe e makemake ai ia’u ua hanau wau i ke keiki, a ua inoino ko’u kino?” I aku o Pualii: “He mea ole ia mau mea, ke makemake oe ia’u e moe kaua, ae aku la o Pokai.” A hoi aku la o Pokai me kana kane me Pualii, a ke kula o Keahumoa noho.

Noho ihola ilaila mahiai, elua ana mau mala uala loihi, e waiho nei a hiki i keia la, a ua kapaia ka inoa oia mau mala, o Namakaokapaoo, a hiki i keia la. A oo ka uala, olelo o Pualii i kana olelo hoohiki, aia a kalua ke poo o ka ulua me ka uala, a ai o Pualii, alaila, noa, ai kana wahine Pokai a me na mea e ae. Nolaila, iho aku la o Pualii i kai o Honouliuli e lawaia i ia ai pu me ka uala.

When Pualii was gone Namakaokapaoo, with seventeen other youngsters, went to Pualii’s potato patches. Namakaokapaoo was only a very small child then, standing two and a half feet high, had not eaten adult food. He had not worn a girdle (malo), and was yet in a state of nudity.

When they arrived at the potato patches he told the boys to dig up the potatoes and pull up all the vines, and allow nothing to stand in the patches. But the boys were afraid and only dug up the potatoes without pulling up the vines. Namakaokapaoo then started to pull up everything from both patches until the vines were piled up high in stacks. There were forty such stacks from the two fields. He thereafter started a fire and roasted thereon four clusters of potatoes.

While he was cooking his potatoes his stepfather came home and asked his mother Pokai: “Did you send your child to pull up my potatoes?” Pokai said: “No.” Pualii then said: “Well, this day his head and eyes will be meat for my potato meal. This day he shall die at my hands.” He seized an axe and went out to the field where he found Namakaokapaoo roasting his four clusters of potatoes in the fire. All the other boys ran off and stood at a distance for fear of Pualii.

Pualii then said to Namakaokapaoo: “Say, I have in my hand an axe with which to cut off your head this day, and when your head is off it will be roasted with potatoes so that I may eat first and then it (the potato) will be free.” Namakaokapaoo paid no attention to these words of Pualii, who repeated them after an interval. And while Pualii was about to cut Namakaokapaoo with the axe, the latter just then delivered his death prayer against Pualii. The prayer follows:

A hala o Pualii i ka lawaia, ia wa o Namakaokapaoo i hele ai me na keiki he umikumamahiku, i na mala uala a Pualii. O ke kino o Namakaokapaoo ia wa, he kino uuku loa, elua kapuai me ka hapa kona keikie, aole i paa kona mai, e lewalewa ana no. A hiki lakou i ua mala uala kena aku la ia i na keiki, e huhuki i ka pue me ka lau uala a pau loa iluna, mai waiho i kekahi e ulu ana. Aka, makau no ua keiki, nolaila kaohi malie no ma ka uala, aohe huhuki i ka pue.

Ia wa, noke aku ana o Namakaokapaoo i ka huhuki a pau kekahi mala uala, a luna o kekahi mala uala, pela no ka huhuki ana a pau na mala elua, a ku ke ahua o ka lau o ka uala, he kanaha ahua ka nui o na mala elua. Alaila, hoi aela o Namakaokapaoo, a hoa i ke ahi, a ohinu aku la e-ha-au o ka uwala iluna o kapuahi e a ana. Ia ia e ohinu ana iluna o ke ahi, hoi maila kona makuakane kolea a hiki, ninau akula i kona makuahine ia Pokai: “Ea, nau no i kena aku nei ko keiki e huhuki i ku’u uala?” Hoole mai o Pokai: “Aole.” I aku o Pualii: “Ae, o ke poo ona a me na maka ka mea e inai ai ku’u uala i keia la, nolaila, eia kona la e make ai ia’u.”

Lalau aku la o Pualii i ke koilipi, a hele aku la a hiki i waena, a loaa o Namakaokapaoo e kunu ana i na au uala ana eha, iluna o ke ahi. Ike maila na keiki a pau loa, holo aku la lakou a ku maila ma kahi loihi, no ka makau ia Pualii. Olelo aku la o Pualii ia Namakaokapaoo: “E! eia ke koilipi ma ku’u lima, he mea ooki no ko poo i keia la, a moku ko poo, alaila, kalua me ka uala, a ai iho a’u mamua, alaila, noa.” Aohe hoolohe mai o Namakaokapaoo i keia mau olelo a Pualii, alaila, olelo hou o Pualii, o ka lua ia. Makaukau o Pualii e ooki ia Namakaokapaoo i ke koilipi, ia wa i pule ai o Namakaokapoo i kana pule make no Pualii. Penei ua pule la:

O how I long for the eyes of my little fishes (paoo’s),
For which I am undecided, wavering,
Whether to eat, or whether to leave,
To leave for Kukuiaimakaokalani.
That is Kukuiaimakaokalani,
This is my little friend
Namakaokaia, the great chief of Hawaii.
Vanquished, yes, vanquished is the coward;
The man with the spear,
The spear and the drum,
Shall be vanquished by Namakaokapaoo.

Aloha wale ka maka o a’u wahi paoo,
E hapupuu, e hapapaa mai nei,
E ai paha, e waiho paha,
E waiho paha Nakukuiaimakaokalani,
O Kukuiaimakaokalani kela,
O ku’u wahi aikane keia,
O Namakaokaia ke’lii nui o Hawaii.
E hee la, e hee ka hohewale,
O kanaka no me ka ihe,
O ka ihe no me ka pahu,
Make no ia Namakaokapaoo.

(Let us here make a few remarks relating to Namakaokalani and Namakaokaia. They were great chiefs of Hawaii. The former was the father, the latter the son, but they were mentioned in the prayer of Namakaokapaoo.)

(Maanei e olelo iki no kela mau inoa elua, oia o Namakaokalani a me Namakaokaia, he mau alii nui laua no Hawaii, he makuakane o Namakaokalani a he keiki o Namakaokaia, aka, ua komo iloko o ka pule a Namakaokapaoo.)

At the time that Namakaokapaoo ended his prayer, Pualii struck at Namakaokapaoo with the axe, but the sharp edge of the axe turned on himself cutting off and throwing his head some distance, from whence it said: “Farewell to thee, Namakaokapaoo.”

Namakaokapaoo picked up Pualii’s head and threw it towards Waipouli, a cave situated on the beach at Honouliuli (a distance of about five miles). After Pualii’s death Namakaokapaoo went back to his mother. He did not eat any food.

At that time Amau, a king of Oahu, was residing at Waikiki. A certain man of Honouliuli came to Waikiki, to where the king was stopping, and said to him: “Your majesty, there is a very strong little boy, who killed his stepfather and threw his (father’s) head a very long distance, about five miles.”

When Amau heard this he said: “He is indeed strong if he kills me; but if he does not kill me he is not strong.” While he was talking at Waikiki, Namakaokapaoo heard all of this talk about himself. He then took and hid his mother in the cave at Waipouli, after which he came back to their house at Keahumoa. He went up on the roof of the house and parted the front and rear thatchings on the ridge and slept there.

Amau the king sent four companies of men, each company consisting of forty-eight men. When they arrived at Keahumoa they entered the house and found no person in it. And when they were preparing to leave Namakaokapaoo called to them from the ridge. When they heard the voice without seeing anybody, they asked: “Where are you talking from?” Namakaokapaoo answered: “I am up here.” Eight men climbed up on the roof, four from the rear and four from the front, and found Namakaokapaoo. He asked them: “What do you want here?” And they said: “We have come to fight Namakaokapaoo, a small boy just like you, who is very strong and brave, and who killed his father Pualii.” He answered and said: “I know; Namakaokapaoo is quite a big man. He has gone to Koolau. I am his namesake.” And they said to him: “No, no, you are the one, so we heard; therefore we will kill you; you shall not live.”

Namakaokapaoo then said: “Let us go down and fight it out then.” As soon as they were on the ground Namakaokapaoo made a clean sweep, killing them all excepting one man, who ran and met Amau at Waikiki, and reported their total annihilation with the exception of himself.

A pau ka pule ana a Namakaokapaoo, ia wa i ooki ai o Pualii i ke koilipi iluna pono o Namakaokapaoo, e hoohuli aku ana oi o ke koi ia Pualii, moku ke poo a olelo mai i kahi e. Pane mai ke poo o Pualii ia Namakaokapaoo: “Aloha oe e Namakaokapaoo.” Lalau aku la o Namakaokapaoo i ke poo o Pualii a kiola aku la i kai o Waipouli, he ana ma kahakai o Honouliuli, o kona loa, elima mile ka loa.

A make o Pualii, hoi aku la o Namakaokapaoo a hiki i kona makuahine ia Pokai, noho ihola laua, aohe ai o Namakaokapaoo i ka ai. Ia wa, e noho ana o Amau he ’lii no Oahu nei, ma Waikiki kahi i noho ai, hele maila kekahi kanaka no Honouliuli mai, a hiki ma Waikiki, e noho ana ke ’lii. Olelo aku la ia: “E ke alii e! He oi kahi keiki uuku ikaika loa, ua make kona makuakane, a ua kiola ia kona poo i kai loa, he wahi loihi loa, elima mile ka loihi. A lohe o Amau, aia kona ikaika a make au ia ia, aka, i ole a’u e make ia ia aohe ona ikaika. Ia ia e olelo ana ma Waikiki, ua lohe no o Namakaokapaoo i keia mau olelo nona.

Alaila, lawe aku la ia i kona makuahine e huna ma ke ana o Waipouli, a nalo ka makuahine, hoi maila ia a ko lakou hale ma Keahumoa, noho ihola. Pii aela o Namakaokapaoo a luna o kaupoko o ka hale, wehe aela i ka mauu o ke kua a me ke alo, a moe ihola ma waena iluna pono o ke kaupoko.

Hoouna maila o Amau ke ’lii mai Waikiki mai, eha poe kaua, aia ma ka poe hookahi he kanaha-kumamawalu kanaka ka nui, pela a pau na poe eha. A hiki lakou ma ke kula o Keahumoa, komo lakou a loko o ka hale, aohe kanaka, a makaukau lakou e hoi, kahea mai o Namakaokapaoo iluna o kaupoko. A lohe lakou i ka leo, aohe nae he ikeia o ke kino, ninau aku lakou: “Auhea oe e walaau nei?” I mai o Namakaokapaoo: “Eia no wau iluna nei.” Pii aela ewalu kanaka, eha ma ke kua o ka hale, eha ma ke alo o ka hale, a loaa o Namakaokapaoo. I mai o Namakaokapaoo: “Heaha mai nei ka oukou o onei?” I aku lakou: “I hele mai nei makou e kaua me Namakaokapaoo, he wahi keiki uuku elike me oe, he ikaika a me ke koa loa, nana no i pepehi i kona makuakane o Pualii.”

I aku o Namakaokapaoo: “Ua ike au, he kanaka nui no o Namakaokapaoo, a ua hele aku nei ma Koolau, a owau he inoa nona.” I mai lakou: “Aole o oe no, pela ko makou lohe, nolaila, e make ana oe ia makou, aole oe e ola.” I aku o Namakaokapaoo: “Hoi aku hoi ha kakou ilalo e hakaka ai.” A hiki lakou ilalo, e hao aku ana o Namakaokapaoo, pau loa i ka make, a koe aku hookahi kanaka, oia kai holo aku a loaa o Amau ma Waikiki, olelo aku la ia i ka make o lakou a pau loa, a koe ia i ahailono e lohe ai o Amau.

THE DEATH OF AMAU.

KA MAKE ANA O AMAU.

When Amau heard this he prepared eighteen war canoes, and set sail for Ewa to fight Namakaokapaoo. When Amau and his men arrived at Ewa, they were suddenly exterminated by Namakaokapaoo, not a single man escaping. And thus Amau died. Oahu being completely conquered, Namakaokapaoo went and brought his mother and placed her as ruler over the land of Oahu.

A lohe o Amau, hoomakaukau ihola ia i kona mau waa kaua he umikumamawalu, a holo aku la i lalo o Ewa e kaua me Namakaokapaoo. A hiki o Amau me kona poe kanaka ma Ewa, e noke mai ana o Namakaokapaoo i ka luku a pau loa, aohe kanaka koe, a make ihola o Amau. Puni aela o Oahu nei ia Namakaokapaoo, alaila, kii aku la ia i kona makuahine a hoonoho ihola i luna o ka aina Oahu nei.

Chapter II.

The Subjugation of Hawaii by Namakaokapaoo.

Mokuna II.

Ka Lilo ana o Hawaii ia Namakaokapaoo.

After the complete possession of Oahu by Namakaokapaoo, he was desirous of visiting Hawaii for observation. He then went and got a small gourd wherein to place his garments which his father had left him. This gourd was deposited at Kualakai, where a breadfruit tree is standing to this day. This is the breadfruit impersonation of his father, Kahaiulu. When the real person went home the breadfruit tree remained, being in the supernatural state.

A puni Oahu nei ia Namakaokapaoo, makemake ihola ia e holo i Hawaii e makaikai ai. Alaila, kii aku la ia he wahi hokeo waiho kapa nona, na kona makuakane i waiho nona. O kahi i waiho ai ua wahi hokeo la, makai o Kualakai, oia kela ulu e ku nei a hiki i keia la ma Kualakai. Oia ke kino ulu o kona makuakane o Kahaiulu. Hoi ke kino maoli, koe ke kino ulu, ma ke ano akua keia kino. Aia maloko o ka hokeo ke kapa a me ka malo, a me ka aahu alii, he aahu ahuula.

Inside of the gourd was a garment, a girdle and a royal cloak (feather cloak). After he had obtained the gourd he journeyed on till he reached Hanauma, in Maunalua. There he found a canoe which was preparing to sail for Hawaii, bearing garments for the king of Hawaii. There were two men preparing to set sail, so Namakaokapaoo asked them: “Where is your canoe sailing to?” “To Hawaii,” they answered. Namakaokapaoo again asked: “Can I not go with you two?” The men refused, saying: “You cannot go with us, because we are taking goods for the king, and if you are to go the canoe would be overloaded and the king’s goods damaged. Therefore, you cannot go with us.” But when the men were ready to sail, he slipped in unnoticed by the men, and secreted himself in the rear of the canoe.

A loaa ka hokeo, hele maila ia a hiki ma Hanauma, ma Maunalua, ilaila ka waa e hoomakaukau ana e holo i Hawaii, e lawe ana i kapa no ke ’lii o Hawaii. Elua kanaka e hoomakaukau ana e holo, ninau aku o Namakaokapaoo: “E holo ana ko olua waa i hea?” Olelo mai laua: “I Hawaii.” I aku o Namakaokapaoo: “Aole la hoi e pono au ke holo pu me olua?” Hoole mai na kanaka: “Aole oe e holo me maua, no ka mea, he ukana ka maua e lawe nei no ke ’lii, ina oe e kau, poino ka waiwai o ke ’lii, komo ka waa, nolaila, aole oe hele me maua.” A makaukau ka waa o ua mau kanaka nei e holo, kau aku la keia mahope o ka momoa o ka waa, a holo aku la, me ka ikeole mai o ua mau kanaka nei ia ia nei.

When they were in midocean where the seas of Oahu and those of Molokai met, they encountered the kaumuku, a regular breeze from the Cape of Kalaau (Ka Lae o Kalaau). After they had passed it they encountered the breeze from Kawela. This breeze was the kuehuehu. It was this breeze that bore them to a landing at Kekaa, on Maui. The men had expected to make a landing at that place, but Namakaokapaoo made a turn with the end (momoa) of the canoe, which sent it out oceanward. By taking this course they arrived at Keauhou, in Kona, Hawaii, where the king Namakaokalani was stopping.

A waena lakou o ka moana, huli ko Oahu nei ale, huli o Molokai ale, loaa lakou i ke kaumuku, oia ko Kalae o Kalaau makani, a hala ia, loaa lakou i ka makani o Kiawela, he kuehuehu ia makani. Na ia makani lakou i lawe a pae ma Kekaa ma Maui. E manao ana ua mau kanaka nei e pae malaila, aka hoohuli aela keia ma ka momoa o ka waa, a holo hou i ka moana.

Namakaokapaoo wandered about until he met eight boys, who were playing at arrow shooting. They were big boys and quite proficient in the sport. Namakaokapaoo asked them: “Are you skilful in arrow shooting?” They replied: “Yes.” He again asked: “How can you show your cleverness?” “Oh, an arrow can go quite a distance inland then drop, and sometimes nearly the whole length of a division of land” (ahupuaa). Namakaokapaoo then said: “That is not cleverness; neither is the arrow a long distance flyer. A good flyer would flit to the boundary of this division of land, then shake itself and continue on for four divisions; then it is named by the parent’s appellation. Such is the arrow in my place.”

Ma keia holo ana a lakou pae ma Keauhou, i Kona, Hawaii, ilaila ke ’lii o Namakaokalani kahi i noho ai. Alaila, hele aku la o Namakaokapaoo, a loaa ewalu keiki e kea pua ana, he poe keiki nunui lakou, a he poe keiki akamai i ke kea pua. I aku o Namakaokapaoo ia lakou: “He akamai no oukou i ke kea pua?” “Ae mai lakou, ae.” Ninau hou aku keia: “Pehea ko oukou akamai?” “He lele no ka pua a waena aku nei la haule iho, a he kokoke no hoi e pau ke ahupuaa,” pela ka olelo a ua keiki. I aku o Namakaokapaoo: “Aole oia ke akamai a me ka lele o ka pua, aia he hele a ka palena o keia ahupuaa, ke ka mai a pau keia ahupuaa, pela no e lele ai a pau na ahupuaa eha, oia ka pua lele, alaila, hea i ka inoa o ka makua, pela ka pua o ko makou aina.”

When the boys heard this they were very much surprised and angry with Namakaokapaoo. He then said: “Let me see one of your arrows.” One boy handed him his arrow. He looked it over and finally said: “Your arrow is a lehua, a lehua which stands in the dung-hill. It is not a flyer. It will only dip because of the weight at the head.” At these words the boys became very much infuriated and asked him to make a wager. Namakaokapaoo agreed. The boys put up five canoe houses and five net houses. Namakaokapaoo wagered his own person and life. And when the stakes were agreed upon they went to the boundary of Keauhou, where the arrow flitting sport was to be contested.

While they were on the way, they were met by Namakaokaia, son of Namakaokalani, king of Hawaii. He asked Namakaokapaoo: “Where are you from?” “I am from Oahu, and have come for a visit,” answered Namakaokapaoo. “What is your name?” “My name is Namakaokapaoo.” “Are you then the small boy who slew Amau, king of Oahu?” “Yes (the death of Amau had already been reported in Hawaii), because you and your father were in my prayer, which runs thus:

A lohe na keiki kahaha loa lakou, me ka huhu ia Namakaokapaoo. I aku o Namakaokapaoo: “Oia ana ka oukou pua?” Haawi maila kekahi keiki i kana pua, nana ihola o Namakaokapaoo a olelo aku la, penei: “He lehua kau pua, he lehua ku i kiona, aohe lele, he kipoho wale no ilalo ke poo no ke kaumaha o mua.” Ma keia mau olelo a Namakaokapaoo huhu loa ua poe keiki la, alaila, olelo maila lakou e pili, ae aku o Namakaokapaoo.

O ka lakou mau pili elima halau waa, elima halau upena; o ka Namakaokapaoo pili hoi, o kona kino ponoi a me kona ola. A paa na pili a lakou hele aku la lakou i ka mokuna o Keauhou, malaila e hoomaka ai ke kea ana o ka pua. Ia lakou e hele ana, halawai maila me lakou ke keiki a Namakaokalani, oia o Namakaokaia, ke ’lii o Hawaii. Ninau maila, ia Namakaokalani: “Mai hea mai oe?” I aku o Namakapaoo: “Mai Oahu mai, i hele mai i ka makaikai.” Ninau mai o Namakaokaia: “Owai kou inoa?” “O Namakaokapaoo ko’u inoa.” I aku ke ’lii: “O oe anei kela wahi keiki uuku i make ai ke ’lii o Oahu, o Amau?” “Ae.” (No ka mea, ua hiki ka lohe i Hawaii noia make ana o Amau.) “No ka mea, aia oe a me kou makuakane i loko o ka’u pule ana, penei; penei ua pule la:

O how I long for the eyes of my little fishes (paoo’s),
For which I am undecided, wavering,
Whether to eat, or whether to leave,
To leave for Namakaokalani.
That is Namakaokalani,
This is my little friend, Namakaokaia.
Vanquished! Vanquished!
Yea, vanquished is the coward,
The man with spear;
With spear and drum,
Shall be vanquished by Namakaokapaoo.

Aloha wale ka maka o a’u paoo,
E haapupu, e haapapaa, mai nei,
E ai paha, e waiho paha,
E waiho paha na Namakaokalani,
O Namakaokalani kela,
O ku’u wahi aikane keia, o Namakaokaia,
A hee la, a hee, hee a ka hohewale,
O kanaka no me ka ihe,
O ka ihe no me ka pahu,
Make no ia Namakaokapaoo.

When Namakaokaia heard these words of Namakaokapaoo, he adopted him as his bosom friend, and they lived together in the most restricted sacredness.

A lohe o Namakaokaia i keia mau olelo a Namakaokapaoo, lawe aku la ia ia i aikane, a noho pu ihola laua, me ke kapu loa.

At that time Namakaokalani was at war with Ku, king of Puna and Kau, and the land was nearly all in the possession of Ku. Therefore Namakaokapaoo told Namakaokalani and Namakaokaia: “You two stay back; let me do the fighting.” He asked them: “When will you fight?” Namakaokalani answered: “In two days we will fight. That is the day that I would be devoid of all my possessions and all Hawaii would belong to Ku. There are with Ku two very brave and very strong men. One, who is Kahuaai, is a very powerful soldier, who has a thorny spear for a weapon, and who never misses when he throws it at a man or any other object. Kaunakiki is a soldier whose strength lies in breaking a man to pieces; if he caught a man he (the man) would be all broken up before he reached the ground. Therefore Ku insists on the battle taking place; he has no fear or dread, because he relies on these men.”

Ia wa, e kaua ana o Namakaokalani me Ku, ke ’lii o Puna a me Kau, a ua kokoke e pau loa ka aina i ka lilo ia Ku. Nolaila, olelo aku o Namakaokapaoo ia Namakaokalani a me Namakaokaia: “E noho maile olua, nau e hele aku e kaua.” I aku o Namakaokapaoo: “Ahea kaua oukou?” I mai o Namakaokalani: “Elua la i koe alaila kaua makou, o ko’u la ia nele au i ka aina ole, alaila, pau loa o Hawaii nei no Ku.”

Aia me Ku elua kanaka koa loa, a me ka ikaika loa. O Kahuaai, he koa ikaika loa ia, he ihe kuku kana aole e hala ke pahu mai, i ke kanaka a me na mea e ae. O Kaunakiki, he koa ia he ikaika haihai kona i ke kanaka, ina e loaa ia ia iluna no haihai liilii loa ke kanaka. Nolaila, ikaika loa ko Ku manao i ke kaua, aole ona makau a me ka hopohopo, no kona manao nui i keia mau koa elua.

After two days had passed the battle was ready to be fought at Kawaihae. Namakaokapaoo with his friend Namakaokaia then came to Kawaihae, where Ku, the king, was abiding. When they came near to where Ku was sitting, Namakaokapaoo ran up to Ku, took hold of his head and pushing it back broke his neck, and the king died. All Hawaii was thus subdued by Namakaokalani, and Namakaokapaoo reigned as king. After several ten day periods Namakaokapaoo left Hawaii and returned to Oahu, and from Oahu he visited his father Kauluakahai, in Kahikipapaialewa, where the story of Namakaokapaoo ends.

A hala na la elua, makaukau ke kaua ma Kawaihae, hele mai o Namakaokapaoo me ke aikane o Namakaokaia, a hiki ma Kawaihae, e noho ana o Ku ke alii. A kokoke laua i ko Ku wahi e noho ana, holo aku la o Namakaokapaoo a loaa o Ku, lalau aku la i ke poo o Ku a wala aku la i hope, a hai aela ka ai a make ihola ke ’lii. Puni ae la o Hawaii ia Namakaokalani, a noho alii ihola o Namakaokapaoo. A hala he mau anahulu o ka noho ana, haalele o Namakaokapaoo ia Hawaii, a hoi maila i Oahu nei. A mai Oahu nei oia i hele ai e ike i kona makuakane i Kahikipapaialewa, ia Kauluakahai, malaila pau ka olelo ana no Namakaokapaoo.